Tas cik hnuz xiêz 8/12, Hội đồng tỉnh Sơn La khóa 14 tưz krêz  cơưv khiêz phêv jiês tiv 15. No zos jiês khiêz phêv muôx ziz njiêz coaz tsôngv cuiz tênhv têx jênhv vưv, tsưr ziv chiê huôv tsar KTXH shông 2021 thiêz  tso tơưv luôs hâux lưv uô hâur 5 shông 2021-2025 nhoz tiv phaz. Shông 2020, tỉnh Sơn La tưz njiz têx phêv liv, viv moz Covid-19 thiêz ntux nas muôx têx txơưr txar, taz sik kinh têr xã hội tâu tuôr truôx, chuôz tsar kinh têr shông 2020 njuôs xav chuôz ndê 6,23%; tsiv uô kôngz nuv lơưr saz tsiv grê thiêz huôv tsar truôx vênhs, nôngx cxênhz thiêz tsôngv box luz nênhx tâu hlôngr yiêz tsênhz mênhx. Zơưv Nguyễn Hữu Đông, Bí thư tỉnh uỷ tỉnh Sơn La heik mênhx:

“BCH Đảng bộ tỉnh thôngx ziv qơư tsov txos chuôz tsar côngz xưv cxiv tsa Đảng thiêz hlôngr yiêz cxix luôk chính trị, sik côngv jông hâur huôv tsar kinh têr thiêz huôv tsar vênhx huôv xã hội, por vêv tênhx qơư; huiz tôngv thiêz sir zôngv muôx chêx cuk cxuô pênhr jos cxơưz tiês huôv tsar kinh têr reik đros muôz siêz tsơưr lươngv; uô jông têx jênhv vưv huôv tsar vênhx huôv xã hội, taz por nox nhoz xã hội, muôz siêz luz nênhx trâu tsôngv box”./.

(Trấn Long-Txâur Vax cxeik nhênhv)

Hnuz xiêz 08/12, Bộ thôngz xor mông đoanx côngz xưv zos zơưv Phạm Anh Tuấn-Thứ trưởng Bộ thôngz xor mông uô thơưx chox đoanx tưz muk shuôs thiêz muôz huv puz trâu têx chuôz zis pluôs xã Huổi Luông, thị trấn Phong Thổ; muôz huv puz trâu Ủy ban xã Huổi Luông thiêz têx qơư uô hâux lưv seiz jor ndâux cêr chiê qênhz shuôs, phax tar moz hâur thax tsav huyện Phong Thổ, tỉnh Lai Châu. Đoanx tưz muk shuôs, muôz 80 poz huv puz trâu têx chuôz zis pluôs xã Huổi Luông. Iz poz huv muôx 500 cxênhz đeiv nhiêx, iz đeiv pav sor thiêz iz luz xor tôngx. Iz chas co, muôz 20 luz ti vi puz trâu 20 chuôz zis pluôs nhoz thị trấn Phong Thổ (paz đhok tâu trâu px seiz thiêz kriê sir zôngv tsi zuôr nhiêx); muôz 3 luz meir tính puz trâu xã Huổi Luông; muôz 7 qơư pênhz phax seiz jor ndâux cêr qênhz shuôs thiêz phax tar moz, iz qơư 5 tsov đeiv nhiêx. Xav hur si têx huv, nhiêx muôz puz trâu tsôngv px, xã Huổi Luông thiêz têx qơư seiz jor ndâux cêr heik sâuv tas xar muôx 400 tsov đeiv./.

(Báo Lai Châu-Riê Lâux cxeik, nhênhv)

Shông no, tỉnh Yên Bái tưz muôz cuiz tênhv chiê yưv pênhr trâu 64 dự án, chuôz ndê 28% pir  li tsêiz no. Têx dự án chêx chôngk lok têx vênhv thix li: muôv muôs jix vuv, ju lix; jôngr ntông, shuôz njêk, tsiv uô....Tas nro pênhr yưv uô zos zuôr xar 4 cxênhz 500 tỷ đeiv thiêz 2 tsov ntâu USD. Đrâuv co, tỉnh yên Bái cux cxơưz tiês heik kriê lok tênhx qơư thiêz têx njuôs xav yưv pênhr tâu; paz têx tsưr tsix tuôx yưv pênhr uô thiêz nhênhz chơưv, seiz shuôk chiê thix ziv yưv pênhr sâuv tiv phaz hâur ntu zuôr txos. Pos Trương Thị Lan, Phưv giám đốc Sở tsưr ziv thiêz yưv penhr tỉnh Yên Bái puz pâuz:

“ Hâur ntu zuôr txos, têx taz viv yưv pênhr tsuv ciêr chênhr uô tiêr têx ntâuz ntơưr chiê krêz côngz cxiv tsa têx côngz tsinhx, cxơưz tiês hâux lưv uô, tsưr tsix sâu thiêz muôz pênhr. Đros côngz xưv luôv plas uô têx côngz tsinhx, têx tsưr yưv pênhr tsiv sik côngv jông đros tiv phaz yưr lir têx phêv liv, tsi uô zênhr shar txos hâux lưv cxiv uô côngz tsinhx, tiv zix zos têx côngz tsinhx coaz tsôngv”./.

(Thừa Xuân- Txâur Vax cxeik nhênhv)

Nênhs Cho Điện Biên chei đơưk bê trâu lênhx tuz lok six zov chênhr thiêz muôx grik trâu iz lênhx tuz hâur luz nênhx. Ntơưv Điện Biên, nênhs Cho muôx 6 cxênhz ntâu lênhx, zos Cho Liêz, Cho hnar trik...., uô nênhx nhoz uô cê ntơưv chor huyện Mường Nhé, Nậm Pồ thiêz Tủa Chùa. Ntênhs đơưk bê co zos ntâuk hov têx lênhx tuz txix thâuv tsênhv zâu tax txos trâu hloz lox tiêr nênhs. Trơưk li iz txưv chor lâuk chox nox chox uô têx txux chi chei đaz kruôs heik, đơưk bê zos chei chiê heik trâu pox zơưv txir txôngz, pos zơưs, chor lâuk tâu tas siv nênhx thiêz đaz xênhz têz xênhz qơư...pâuz, lơưr nênhs Cho muôx iz tus tuz hloz lox tiêr nênhs, tov kaz no zuôr lok tuôr ndêx đaz ndêx kruô. Luz bê no muôx nhoz hâur chuôz xênhv, thâuv tưs zos pur 120 shông tâu tas siv nênhx mak chor tuz nhuôs txi hu trơưk li luz bê no. Ntênhs đơưk bê zos six hơưv chiê trâu chuôz zis thiêz têx cưr tix nênhx tsa, fôngx zưs tâu siz chuôs njiz; jông trâu choz kriê cxênhx hluôk cêr uô nênhx jông, paz cxiv tsa cêr sik thôngx siêz, taz por tuôr tâu tsês nênhs Cho têx txux chi cêr nênhx vênhx huôv jông tsi chiê pôngz plox./.

(Vũ Lợi-Riê Lâux cxeik, nhênhv)