Têis cik 8/6, HĐND tỉnh Lai Châu khóa 14, cơưv jiês tiv 13 thôngz đhâu Nghị quyết tso tơưv tsưr ziv yưv pênhr 8 dự án sir zôngv pênhr nhiêx têz qơưk Trung ương ntu 2020-2023.

Chor dự án muôx pênhr yưv zuôr xar 1.400 tiv đêiv, txix nhiêx txiêx têz qơưk trung ương. Zơưv Vũ Văn Hoàn, Phưv Bí thư Thường trực Tỉnh ủy, Chủ tịch  HĐND tỉnh Lai Châu puz pâuz: chor dự án ntơưv jiês cơưv no puôr lênhx zos têx dự án zov chênhr, paz thơưz huôv tsar kinh têr-xar hôiv, taz por côx phax-ngaz tuk, paz tsôngv box têx tiv phaz cxuôv yêiz thiv pluôs, truôx tuk luz nênhx. Viv li, đhâu ciês jiês cơưv, Thường trực HĐND tỉnh zuôr chox kriê chor Ban HĐND tỉnh thiêz chor têiv plor sêiz kaz hâux lưv kriz uô nghị quyết, taz por tsơưr lươngv công trình thiêz yưv pênhr cov tâu uô jông đuô./.

(Khắc Kiên-Lik Thox cxêik nhênhv)

Thâuv 4 six tas cik hnuz xiêz 7/6/2020, ntơưv thax tsav jos Căng Tỵ, xã Chiềng Khừa, huyện Mộc Châu, tỉnh Sơn La, zênhx pênhz phax trôngx đriv Lóng Sập lov lik đros Phongx phax tar zax zênhz thiêz nênhs phamv cxâuv, Bộ đội pênhz phax Sơn La, Phongx cảnh sát qênhz yuôx nênhs phamv cxâuv lok zax zênhz, Công an tỉnh Sơn La thiêz Công an huyện Mộc Châu ruôr yênhx côngz Chuyên án số SL 320.2 ntês tâu 2 lênhx nênhs muôv muôs zax zênhz. Chuôz zênhx sâu tâu muôx 1 cxênhz njiêr zax zênhz shơư yuôx, 190 gam zênhz đơưz, thiêz 2 luz điện thoại di động. Đhâu tơưv txênhz, 2 lênhx nênhs no heik: liv zôngv zos tsôgnv box nhoz thax tsav ntus đriv, zôngx ziv muk lok, tsơưs trâus lưx lươngv muôx txơưx jênhv seiz car, 2 lênhx nênhs no ưz muk thax tsav buôk ntus đriv zuôr chor zax zênhz co cxôngx iz lênhx nênhs tsi pâuz bê đros grê zos 59 tsov 500 cxênhz đeiv chiê chox muk muôs sâu liv. Thâuv tsênhv chox muk muôs txơưv trâus Bộ đội pênhz phax thiêz têx lưx lươngv muôx txơưx jênhv ntês cxov. Nhiv no hâux lưv no tsênhv tror tâu krêz đar qênhz yuôx./.

(Vì Hiện- Txâur Vax cxeik nhênhv)

Kuôk no 2 shông, Đaix TNVN tưz muôx chor jax sâu hêik lok pêx xênhv jok Huổi Hạ, xar Na Sang, huyện Mường Chà (tỉnh Điện Biên) li têx phiv liv tsuv đêi hluô, zôngv têx fuôx shôngz đaz tuôs hla đhâu đêx Nậm chim chiê muk lok. Tiv zix zos chor shux xênhz Huổi Hạ li têx phiv liv thâuv tuôx cơưv ntơưr tsuv gâuv hâur hnaz tax, chiê chor nênhs lâul chox hla đhâu đêx tuôx cơưv ntơưr. Nhiv no, têx kror li co tsuôk zos pêx xênhv, chính quyền tiv phaz li kror xar txos lơưv xưz, viv đhâu ciês VOV chor jax sâu, iz tuk qox bê tông khor jông tưz tâu kriz uô tiêr uô ntêx zuôr txos chêix ntux nas chuô đêx huôv lok nhoz thax tsav Tây Bắc no. Cưk kriê ntơưr Nguyễn Thị Dinh, kriê ntơưr ntơưv jok Huổi Hạ, tsêr cơưv ntơưr số 1 Na Sang, xar Na Sang, huyện Mường Chà thiêz tix lâus Chu Xênhv Zax, nhoz jok Huổi Hạ shir phaz hêik:

“Cur cux xa luk uô tsâus txos Đảng, têz qơưk, chor cơ quan tưz tsov cưv txos cưk kriê ntơưr thiêz shux xênhz nhoz no. Muôx qox muk lok mak zôngx ziv đuô hâur côngz xưv kriê thiêz cơưv ntơưr. Nhiv no thâuv muôx qox mak chor nhuôs li pluôs nox cux tưz tâu uô jông đuô, thiêz txos thưr 4 mak cưk kriê ntơưr zuôr muk gra tâu uz no thiêz zav nox tuôx trâu shux xênhz lơưv”./.

(Vũ Lợi-Lik Thox cxêik nhênhv)

Thâuv 3 six zar hnuz keix hnuz xiêz 8/6, tix lâuk Mà A K xênhz shông 1985 nhoz jos Làng Kén, xã Thượng Hà, huyện Bảo Yên, tỉnh Lào Cai tưz tâu nriêr pov, tix lâuk zos lênhx nênhs lơưr kaz ciês hâur txuz thâuv fuôx gox trâus nzênhr sâuv tul đêx Chảy ntơưv jos Bản Cái (Bắc Hà-Lào Cai) uô 3 lênhx nênhs trâus plox mông. Li VOV tưz tso mông, thâuv 7 six tsâus ntux hnuz xiêz 7/6, 7 lênhx hluôk nênhs nhoz huyện Bảo Yên, tỉnh Lào Cai sik đros muk sâuv iz luz fuôx gox mê sâuv tul đêx Chảy lơưr saz Thượng Hà-Điện Quan (Bảo Yên) muk thax tsav thác Cá, nhoz jos Cô Tông- Bản Vàng, xã Bản Cái, huyện Bắc Hà (Lào Cai) uô si. Thâuv nox hâuk tas, tror muk fuôx gox txos thax tsav 2 huyện Bắc Hà-Bảo Yên yêz gox đêx trâus nzênhr, uô 3 lênhx nênhs pôngz hâur đêx thiêz trâus plox mông, 4 lênhx txơưr mak môngr jông txơưx đa đêx. Thâuv nriêr pov 3 lênhx hluôk nênhs môngr tsi jông no tưz tuôs thiêz tâu choz trâu chuôz zis uô đaz uô kruô. Lưx lươngv muôx txơưx jênhv tsênhv tror xav tênhv tsênhz mênhx qir tiv txuz txiêz nanv muôx yưv./.

(An Kiên-Txâur Vax cxeik nhênhv)