Thâuv suôv câuv môn thik lơưr kaz ciês zos môn Ngoại ngữ lok zar hnuz keix hnuz xiêz 8/7, Sở zaoz zux thiêz thox cxov tỉnh Điện Biên tưz tsưr tsix khiêz phêv pov tsir thôngz xor mông lok jiês thik.

Ntơưv jiês khiêz phêv pov tsir, zơưv Nguyễn Văn Kiên, Giám đốc Sở zaoz zux thiêz thox cxov tỉnh Điện Biên puz pâuz: hâur 2 hnuz tsưr tsix thik, ntơưv 20 qơư thik uô jông cui chế thik thiêz phax tar moz Covid-19, cux xưk li uô jông côngz xưv phax tar ntux nas, taz por trâu shux xênhz thâuv tuôx thik. Txos zar hnuz keix hnuz đhâu, đhâu thôngz sâu tas nro tỉnh tsi muôx cán bộ seiz thik, shux xênhz tưs uô cxâuv cui chế thik. Môn ngoại ngữ zar hnuz keix hnuz xiêz 8/7 muôx 5 cxênhz 265 shux xênhz dưv thik, muôx 19 lênhx shux xênhz tsi tuôx thik.

Nhiv no Sở zaoz zux thiêz thox cxov tỉnh Điện Biên tsênhv chêx chôngk chox jax thik lok qơư cui tênhv.Thôngx cxix zuôr côngv đros Bộ zaoz zux thiêz thox cxov li đoanx seiz car chiê tsưr tsix chấm thik lơưr cui chế....Sở cux tưz heik têx qơư zaoz zux chox shux xênhz, cán bộ seiz thik muk qơư taz por./.

(Vũ Lợi-Txâur Vax cxeik nhênhv)

Lơưr Ban chỉ huiz phax tar ntux nas tỉnh Yên Bái, jiês lok nas lox nhiv kruôr đhâu tưz uô muôx tox poz ntơưv cei cêr 28+300 niêv cêr 174 cxôngx Nghĩa Lộ muk Trạm Tấu, uô zaoz thôngz muk lok tsi tâu ntơưv thax tsav no.

Ciês thâuv co, huyện Trạm Tấu tưz heik lưx lươngv muk qênhz yuôx, chêx chôngk khưx phưx. Công ty TNHH iz thành viên coar lik thiêz cxiv tsa cêr ar 1 Yên Bái tưz huiz tôngv cxuô zav meir, yêz ciêr chênhr tuôx khưx phưx tox poz. Tsuôk đhâu iz sir jos khưx phưx, cêr tưz muk lok tâu, tsi muôx hâux lưv tiêk muk tsi tâu txos huyện Trạm Tấu li iz cxiê xor mông sâuv mạng xã hội tso.

Zơưv Nguyễn Thành Hưng, Phưv chủ tịch UB huyện Trạm Tấu puz pâuz: Njuôs pov qiv hơưv zuôr tror muôx têx txơưr txar, huyện tsênhv chox kriê têx xã tror uô jông tsưr ziv phax tar ntux nas:

“Đhâu jiês lok nas nhiv kruôr đhâu, iz cxiê tsoz chos trâus ruôr hiêv, huyện tưz chox kriê têx xã tsưr tsix qênhz yuôx, thôngz sâu, pov cov chiê muôx chính sách paz txưv trâu pox nhuôs. Tiv 2 zos canhv pov têx qơư nhoz buôk tul đêx, nhoz jê qơư njuôs xav muôx tox poz mak tsuv ciêr chênhr paz txưv chiê txar qơư nhoz trâu tsôngv box. Đros niêv cêr 174 huyện sik côngv đros Ban coar lik cêr ar 1 bax yêz thiêz cxuô zav meir nhoz 2 tos, thâuv muôx tox poz mak ciêr chênhr huiz tôngv muk ntơưv co chiê khưx phưx. Đros cêr zaoz thôngz muk lok hâur xã, hâur jos mak tsi tâu muôx têx ruôr hiêv tưs”./.

(VOVTB-Txâur Vax cxeik nhênhv)