Khov uô jông têx chinhr sách, tsaz yênhx, dự án txu grês cêr pluôs thiêz huôv tsar kinh têr trâu tsôngv box, tsôngv box mênhx cxưx sâuv thax tsav huyện Tân Uyên, tỉnh Lai Châu yênhx trus muôz siêz jênhv pâuz, sir jos hla đhâu cêr pluôs. Tsôngv box qir hlôngr cxôngx chiv chir uô chiv chir zôngv yênhx tsiv uô yênhx hax huv chiê muôv muôs, txos nhiv no, sâuv thax tsav huyện tưz muôx iz cxiê thax tsav huôv tsar kinh têr chox lok chêx cuk li: chos yuôx zêx, mắc ca, tu zus tsiêx cxu, tu zus shuôz njês sâuv niêv pas đêx tênhv....Đhâu co, kôngz krâur tax 32 cxênhz tênhr, yuôx zêx nhôngs tax 17 cxênhz 500 tênhr, tsiêx cxu chuôz ndê ntâu, niêx shông tax 2,4%, shuôz njês tax 500 tênhr...Khov co, tsôngv box hâur huyện li luz nênhx ngaz tul đuô, phênhv sâu fênhx pheiz lênhx nênhs ziv hnuz ziv chuôz ndê, njuôs xav tas shông 2020 phênhv sâu lênhx nênhs tax 37 tsov đeiv./.

(DTMN-Txâur Vax cxeik nhênhv)

Têis cik 8/9, Đoanx côngz xưv Bôv Zoz zux tưz muk qênhz yuôx thiêz chox kriê khưx phưx txiêz nanv vâu trôngx vas ntơưv tsêr cơưv Bản Phung, xar Khánh Yên Thượng, huyện Văn Bàn, tỉnh Lào Cai, uô 6 lênhx shux xênhz trâus saz thiêz trâus tuôs zar hnuz kêix 7/9. Hêik ntơưv jiês qênhz yuôx, zơưv Bùi Văn Linh-Vụ trưởng Vụ Zoz zux Chính trị thiêz Côngz xưv shux xênhz-Bôv Zoz zux hêik tsêr cơưv ntơưr, chính quyền tiv phaz tsuv tror sik côngv đros cơ quan txơưx jênhv uô tsênhz mênhx chiê nriêr pâuz qir tiv, xav jênhv cxuô tos cik txos li txơưx jênhv.

“Hâux lưv qênhz shuôk cxuô kror, công trinhx taz por ngaz  tuk hâur chor tsêr cơưv ntơưr ntơưv tiv phaz cux tsuv tror tâu kriz uô, tsuv uô tsênhz mênhx yênhx tsênhv njiêz chiê uô ntov jông hâur sêiz car, chox kriê nhoz têx tsêr cơưv cov tiêr jông thiêz huv đros”.

Cux têis cik 8/9, Đoanx côngz xưv Bôv Zoz zux tưz muk sêiz nus, paz trâu chor chuôz zis muôx mê nhuôs trâus tuôs thiêz trâus saz tiv txiêz nanv./.

(An Kiên-Lik Thox cxêik nhênhv)

Cxôngx hnuz 22/8 txos hnuz xiêz 8/9, Công an thành phố Yên Bái, tỉnh Yên Bái tưz sik côngv đros Ub têx xã, phường sâuv thax tsav yưr lir 189 lênhx nênhs tsi chox đeiv bos kror ndâux ntơưv qơư muôx chôngz lênhx nênhs lơưr cui tênhv chiê phax tar moz Covid-19. Tas nro chor nhiêx txiêx xưv phuôv têx lênhx nênhs no zos zuôr xar 30 tsov đeiv. Txơưv txos nhiv no, sâuv thax tsav tỉnh Yên Bái tsi tâu sâu jênhv lênhx nênhs tưs trâus moz Covid-19. Taz sik, cxôngx moz li txơưr txar ntơưv ntâu tiv phaz hâur têz qơưk thiêz sâuv ntiêx têz, têx lưx lươngv muôx txơưx jênhv tỉnh Yên Bái xav tênhv tsuv tror chuôz tsar têx tsưr ziv phax tar moz tsi chiê cik đêz đar. Têx lênhx nênhs tsi uô trơưk tsưr ziv phax tar moz li tsi chox đeiv bos kror ndâux ntơưv qơư muôx chôngz lênhx nênhs, por đeiv bos kror ndâux tsi trơưk cui tênhv...zuôr trâus yưr lir trơưk phuôx lix li cui tênhv./.

(Thừa Xuân-Txâur Vax cxeik nhênhv)