Hnuz 29/8, tsaz yênhx Úc đros Việt Nam huôv  tsar pênhr jos, iz phênhv hâur tsaz yênhx sik côngv huôv tsar Australia-Việt Nam tưz cir sik côngv gra siêz huôv tsar pênhr jos đros tsêr cơưv đại học Tây Bắc. tsêr cơưv Đại học Tây Bắc nhoz ntơưv tỉnh Sơn La, muôx zuôr xar 80% shux xênhz zos mênhx cxưx tsơưs nênhs. Tsêr cơuvư li jênhv vưv zos thox cxov pênhr jos tsơưr lươngv siêz, nhênhz chơưv thiêz cungz dịch vụ paz lok kinh tế thiêz kỹ thuật trâu huôv tsar thax tsav Tây Bắc. thông đhâu chor huôx tôngv hâur dự án li: Tsêr cơưv li chor khóa cơưv lur gra siêz đas jos txux chi trâu lênhx tov, hlôngr yiêz tênhv qơư thiêz tsưr ziv kriê ntơưr, paz cxaz nzir cơưv ntơưr trâu shux xênhz muôx luz nênhx txov nhêv…zuôr paz trâu tsêr cơưv ziv hnuz ziv gra siêz tsơưr lươngv thox cxov; tax tâu jông zoz qơưx xêir zuôr nênhs uô hâux lưv. Tiến Sỹ Nguyễn Văn Bao, Hiệu trưởng tsêr cơưv Đạ học Tây Bắc hêik:

“Dự án paz trâu tsêr cơưv gra siêz cán bộ cưk kriê li đas jos txux chi hâur sêiz car, tsưr tsix kriê ntơưr thiêz nhênhz chơưv. Txix co zuôr paz trâu thax tsav tox siêz Tây Bắc muôx txux chi thiêz tsưr ziv huôv star kinh tế-vênhx huôv, xã hội”./.

(Hồng Việt-Lik Thox cxêik nhênhv)

Xiêz 2/9 shông no, canr bôv, công chức, viên chức thiêz nênhs lox tôngv zuôr tâu so 3 hnuz, viv li, tsôngv box Yên Bái zoz qơưx mul lok njuôk xav zuôr chôngz lênhx. Chiê tuôv zênhv zoz qơưx mul lok trâu tsôngv box, ngênhx Zoz thôngz-yêz lox Yên Bái tưz bax jông têx qơư đrêk tok kruô, yêz phưx vưv tsôngv box. Tỉnh Yên Bái nhiv no muôx zuôr xar 30 qơư cxaz chuôz thâux xa kruô mul lok truôx hâur tỉnh thiêz trâu luôs 2 chas thax tsav đrâuv, 2 taz viv yêz taxi, 70 chuôz zis car uô đreiv luôs hâux lưv thâux xa kruô mul lok txix hux thôngx. Ntơưv qơư tsav yêz nhoz têx huyện, thị xã thiêz hâur Yên Bái, tsôngv box mul lok cux tâu zôngx ziv. Têx qơư tsav yêz co puôr lênhx muôx yêz bax tsês chiê thâuv tưs zuôr trâus txos mak zênhx max muôx yêz thâux xa kruô mul lok. Zơưv Bùi Danh Tú, Phưv Giám đốc Sở zoz thôngz-yêz lox tỉnh Yên Bái heik pâuz:

"Sở zoz thôngz yêz lox tưz chox kriê têx taz viv muôx yêz lox thâux xa kruô mul lok bax jông têx yêz uô li chas cov yêz taz por ngaz tuk, iz chas ntơư bax tsês chiê têx yêz nzir chiê thâuv tưs yêz tsi txâuk mak thiêx muôx yêz thâux xa kruô mul lok. Têx taz viv yêz lox cir ntơưr chos luk, tsi tsar ndê grê yêz, tsi tâu thâux ntâu lênhx đhâu cui tinhv, uô lơưr têx cui tinhv yêz lox thâux xa kkruô mul lok"./.

(Thừa Xuân-Riê Lâux cxeik, nhênhv)

Hnuz 29/8, Đồn pênhz phax Y Tý sik côngv đros zênhx hangx kôngz nuv thiêz huôv star jêx jok Việt Nam thax tsav tox siêz thiêz Trung du Bắc bộ, tsưr tsix khơưk muôz nhux đas, nênhl nôngz trâu chor ziv chuôz zis txov nhêv nhoz sâuv thá stav ntus đriv xã A Lù, huyện Bát Xát, tỉnh Lào Cai. 5 ziv chuôz zis tâu jênhv nhux đas, nênhl nôngz jiês no zos chor ziv chuôz zis muôx luz nênhx txov nhêv, chuôz zis pluôs tsik muôx pênhr uô nox. Lơưr co, iz ziv chuôz zis tâu paz iz tuk nhux đas nôngz (tsiv gri iz tus txix 15-17 triệu đêiv, nênhl mak 20 triệu đêiv iz tus). Tas nro chor nhiêx zuôr nhux đas, nênhl zos cán bộ, chiến sĩ Đồn pênhz phax Y Tý, zênhx hangx kôngz nuv thiêz huôv tsar jêx jok Việt Nam thax tsav tox siêz thiêz Trung du Bắc bộ sik côngv paz. Đhâu thâuv choz zok tsiêx nôngz, Đồn pênhz phax Y Tý zuôr tso cán bộ paz trâu chor ziv chuôz zis uô tsêr guôx thiêz kruôz kriê tsưr ziv tu zus, tsoz phưz./.

(KT-Lik Thox cxêik nhênhv)

Trơưk li thôngz sâu txix Tsênhv qơư y tế dự phax tỉnh Điện Biên, txos iz jiês no, hâur thax tsav tỉnh Điện Biên muôx 61 lênhx nênhs tâu njuôk xav zos trâul moz suôz liêz. Hâur ntơư, 37 lênhx nênhs tưz tâu seiz njuôk shuôs moz, thiêz muôx 20 lênhx trâus moz suôz liêz; nhiv no tsi tâu muôx lênhx nênhs tưs trâul tuôs. Li ntơư, tsuôk hâur 15 hnuz, chor nênhs trâus moz suôz liêz hâur thax tsav tỉnh tưz tsar ndê txix 5 lênhx txos 20 lênhx nênhs. Txix têx li heik sâuv, Sở Y tế tỉnh Điện Biên tưz xa tsưr ziv sik đros phax tar moz suôz liêz trâu têx ngênhx cik txos, Tsênhv qơư Y tế dự phax, Tsênhv qơư yax xa mông piêr kriê đas jos, Tsênhv qơư Y tế têx huyện, thị xã, TP thiêz qơư y tế têx xã, phường, thị trấn sik đros phax tir thêir chiê zênhx max tar tâu têx moz suôz liêz hâur thax tsav tỉnh; tsi chiê lênhx tiz nênhs tưs trâul tuôs tiv moz suôz liêz, phax tir thêir tsi chiê moz siz cik đêz đar./.

(KT-Riê Lâux cxeik, nhênhv)