Têis cik 31/7, muôx nas lok lox ntơưv thành phố Lào Cai uô yênhx puô luz tsêr trâus đêx ngaz.

Đêx ngaz ntâu tiv zix ntơưv ntu cêr Lê Thanh, ntu txix luz tsêr sôr 455 txos 515, nhoz phường Bắc Cường thiêz Nam Cường thành phố Lào Cai. Ntâu qơư đêx ngaz toz txix oz đok ntâu txos 4 đok. Ciês muôx xor mông hêik pâuz, chinhr quyền ntơưv qơư tưz tso nênhs muk paz pêx xênhv njêis yêv cxuô zav, thoz huk têx cuô ar thâuv đêx grêk tas.

Lơưr thôngz sâu, đêx ngaz uô phiv liv txos 120 ntâu luz tsêr, 10 héc ta jâuz tâuv. Đuô li, ntux nas lox cux uô phiv liv txos iz cxiê ntu cêr nhoz thành phố Lào Cai.

Đaix njuôk ntux yar ntux nas tỉnh Lào Cai hêik pâuz, jiês lok nas no zuôr truz ntêr txos tas 3/8, phênhv ntâu zos lok trâu thâuv hmo ntux thiêz têis cik sơưr nzor; cxuô thax tsav qơư tsuv uô jông phax tar muôx chuô lox, xoz tuô, đêx ngaz cuôr thiêz ar poz./.

An Kiên-Lik Thox cxêik nhênhv

Zar hnuz keix hnuz 31/7, đại tá Phạm Hải Đăng, Phưv gáim đốc Công an tỉnh Lai Châu puz pâuz, Công an tỉnh Lai Châu tsênhv chuôz tsar yax mông txos tsôngv box, shux xênhz têx tsưr ziv phax tar nênhs phamv cxâuv muôv muôs lênhx nênhs. Phongx cảnh sát hình sự tưz chuv tôngv sik côngv đros têx sở, nganhx muôx txơưx jênhv sâuv thax tsav tỉnh cxiv tsa njiêz luv yax mông phax tar nênhs phamv cxâuv muôv muôs lênhx nênhs, hâur co tsov cưv yax mông lok nênhs phamv cxâuv li têx tsưr ziv nziês đas muk Campuchia, Myarma…thiêz zuôv uô lox tôngv….Hâur 6 luz hlik hâur shôngk shông 2023, taz viv tưz tsưr tsix 296 jiês yax mông, heik kriê cêr chei trâu 74 cxênhz jiês tsôngv box, phênhv ntâu zos pox niêv, mê nhuôk thiêz shux xênhz. Hâux lưv chuôz tsar yax mông tưz gôngr phênhv muôz siêz têx lênhx nênhs, chuôz zis thiêz côngv thôngx li jênhv pâuz lok côngz xưv phax tar muôv muôs lênhx nênhs chiê paz tsôngv box chuv tôngv phax tar, hâur co tsov cưv txos têx lênhx nênhs njuôs xav trâus nziês đas siêz nhoz tox siêz, ntus đriv thiêz thax tsav tsôngv box mênhx cxưx tsơưs nênhs./.

VOV4-Txâur Vax cxeik nhênhv

Phòng phax tar zax zênhz thiêz nênhs phamv cxâuv, Bôv đôiv Pênhz phax tỉnh Điện Biên sik côngv đros Cục Phax tar zax zênhz thiêz nênhs phamv cxâuv  Bôv đôiv Pênhz phax thiêz chor lưx lươngv muôx vax huôv nhiv kruôr pov, cxov tâu Lik Xênhv Lâux, zus shông 1994, nhoz jok Na Khoang, xar Mường Nhà, huyện Điện Biên thâux gra 96 cxênhz njiêr yuôx shơư zax zênhz thiêz 11 cir zax zênhz khor li poz jêz.

Lênhx nênhs no hêik pâuz, jênhv thâux xa chor zax zênhz hêik co trâu iz lênhx txir nênhx nhoz têz qơưk Lào txix ntơưv thax tsav ntus đriv lok choz zok trâu iz lênhx nênhs pâuz tsik tsênhz bê nhoz xar Núa Ngam, huyện Điện Biên. Thâuv tsênhv thâux gra lok chêk trâus pov thiêz cxov tsês.

Nhiv no txuz hâux lưv tsênhv tror tâu qênhz yuôx nriêr pâuz cov tsênhz mênhx chiê muôz tik cêr cxâuv trơưk cêr chêi têz qơưk têx cui tênhv./.

Vũ Lợi-Lik Thox cxêik nhênh

Yên Bái nhiv no muôx zuôr xar 200 xiv huv tâu côngz jênhv tax ploz tsênhr OCOP, hâur co muôx 10 xiv huv OCOP tuôv zênhv ploz tsênhr tsơưr lươngv muôs tơưv saz têz qơưk Anh muôx: yuôx zêx ciêv fix, yuôx zêx njuôz, yuôx zêx Shan Tuyết, cuz thaz kok blôngx njê…Chiê xiv huv OCOP huôv tsar truôx vênhs, tỉnh Yên Bái tsênhv ciêr chênhr cxiv tsa Đề án huôv tsar xiv huv OCOP ntu 2022-2025, ndar txos shông 2030; thôngx cxix, tror uô chính sách paz txưv huôv tsar tsêz chos kôngz nuv; cxơưz tiês muôv muôs, txix tsưr ziv muôv muôs kuz txos muôv muôs điện tử. Zơưv Luyện Hữu Chung, Bí thư Huyện ủy Văn Yên puz pâuz:

“Huyện tror yênhx trus hlôngr yiêz, tsưr tsix tsêz chos nhoz nôngx cxênhz ndar txos yênhx lix têx doanh nghiệp, HTX chêx chôngk pênhr jos thiêz pheiz côngz tsưr tsix tsiv uô huv đros, muôx chêx cuk. Taz por tsôngv box nênhs lox tôngv tsêz chos, doanh nghiệp tsiv uô, muôv muôs xiv huv thiêz nênhs sir zôngv li liv zix”./.

Thừa Xuân-Txâur Vax cxeik nhênhv