Cux hâur tsaz yênhx côngz xưv ntơưv tỉnh Điện Biên, Thủ tướng Chính phuv Phạm Minh Chính thiêz đoanx côngz xưv tưz khơưk muôz têx lênhx nênhs paz txưv li huv, học bổng trâu 300 lênhx mê nhuôk nhoz jos SOS thiêz mê nhuôk muôx luz nênhx txov nhêv sâuv thax tsav TP Điện Biên Phuv thiêz huyện Điện Biên. Thủ tướng heik mênhx, pêz sik đros truôx siêz uô tâu tsưr ziv huôv tsar tas nro trâu mê nhuôk, paz chiê mê nhuôk yênhx têx lênhx nênhs muôx liv trâu xã hội, tsiv nhos zos têx lênhx nênhs jông trâu têz qơưk./.

VOV-Txâur Vax cxeik nhênhv

Dros thax tsav đar muôx 84.000 ntâu héc ta, iz shông sâu tâu muôx 450.000 tấn, Sơn La tâu pâuz txos zos thax tsav qơư muôx txir ntông ntâu tiv zix thã xtsav faz Bắc thiêz sơưr tiv 2 tas nro têz qơưk. Têx shông đhâu, chor txir ntông Sơn La tâu muôs hâur têz qơưk thiêz muôs tơưv saz đrâuv têz qơưk; hâur co, muôs tơưv saz đrâuv tez qơưk yênhx shông xar muôx 23.000 tấn, tsav muôx 5-7% tas nro têx txir ntông hâur shông. Zơưv Nguyễn Thành Công, Phưv chủ tịch Ủy ban tỉnh Sơn La puz pâuz, tỉnh li tsưr ziv ntu zuôr txos zos tsik kriz đar thax tsav chos ntông nox txir mak tsêx trung uô chiê chuôz ndê tsơưr lươngv têx hax huv, txix co, paz chuôz ndê tsiv gri sâuv iz thax tsav uô, txar jav tâu qênhx shênhx huôv tsar sêi, uô trâu pox nhuôs sâu tâu kôngz lôngk, taz sik muôs tsik tâu: “Sơn La tưz hu zâuv, zaz zâuv yưv pênhr trâu uô kôngz nuv; paz têx tsênhv chêi cux xưk li paz jông tiv zix chiê zaz zâuv yưv pênhr. Txix co paz hlongr yiêz đuô cxuô kror, sir jss hlôngr yiêz đuô uô têx kôngz nuv, ndar txos cxiv tsa tỉnh Sơn La zos yênhx tsênhv qơư uô têx hax huv kôngz nuv thax tsav Tây Bắc”./.

Thùy-Huyền-Lik Thox cxêik nhênhv

Sâuv thax tsav tỉnh Điện Biên nhiv kruôr muôx yưv 2 txuz txiêz nanv uô 2 lênhx mê nhuôk trâus tuôs. Lơưr co, ntơưv jos Huổi Va B, xã Háng Lìa, huyện Điện Biên Đông muôx yưv tu hluôr tơưs cuz tsêr têz uô 1 tul mê nhuôk muôx 3 shông trâus tuôs. Yuôr ntơưv huyện Mường Ảng cux muôx txuz txiêz nanv pôngz đêx ntơưv xã Xuân Lao uô 1 tul mê nhuôk nhoz jos Pháy Váng, xã Xuân Lao, huyện Mường Ảng trâus tuôs. Chính quyênx, đoanx thêv têx xã tưz muk seiz nus, tôngv vênhx đros chuôz zis tsưr tsix uô đaz uô kruô trâu 2 tul mê nhuôk. Đhâu 2 txuz txiêz nanv heik sâuv, pox nhuôk tsuv chuôz tsar uô jông côngz xưv phax cuz hâur cheix ntux sor, seiz car, por vêv jông zuk têx mê nhuôk zâu./.

Vũ Lợi-Txâur Vax cxeik nhênhv

Công an huyện Vân Hồ sik côngv đros Công an xar Lóng Luông, Phòng Kỹ thuật nghiệp vụ, Công an huyện Mộc Châu, Đôiv Cảnh sát zoz thôngz cêr ar sôr 1 Phòng Cảnh sát zoz thôngz Công an tỉnh Sơn La tưz ruôr tâu yênhx côngz chuyên anr, cxov tâu 1 lênhx nênhs zos Sếnh Xênhv Zax (zus shông 1975), nhoz ntơưv jok Lóng Luông, xar Lóng Luông, huyện Vân Hồ, tỉnh Sơn La lok kror cxâuv thâux xa tsi zos chêi zax zênhz. Têx sâu tâu zos 8 đêiv zênhz đơưz; 900 ntâu gam zax zênhz khor li poz jêz, đros iz cxiê zav cik txos. Đhâu nus, Sếnh hêik pâuz tiêk thâux xa chor zax zênhz co trâu iz lênhx txir nênhs tsik pâuz tsênhz bê, qơư nhoz txix jok Lũng Xá txos trâu jok Lóng Luông zuôr muôx nênhs tuôx txêik chor zax zênhz co. đhâu thâux xa txos trâu nênhs txêik mak zuôr tâu muôz 18 triệu đêiv, taz sik tsênhv thâux xa chêk trâus pov thiêz cxov tsês. Nhiv no txuzz hâux lưv tsênhv tror tâu qênhz yuôx nriêr pâuz cov tsênhz mênhx./.

TTTB-Lik Thox cxêik nhênhv