Hnuz 9/8, Bí thư Tỉnh ủy Lào Cai-zơưv Đặng Xuân Phong tưz muôx njêx muôs ntơưv qơư chiê chox kriê khưx phưx trâus poz tơưs car tso cuô đêx vuôz tsuôz pak đêx uô tôngx Tả Phời (thành phố Lào Cai) trâus tơưs têis cik 8/8. Bí thư Tỉnh ủy Lào Cai hêik chor lưx lươngv muôx vax huôv sêi đrơưv truôx tuk luz nênhx trâu pêx xênhv hâur qơư trâus phiv liv; qênhz shuôk, txar chor chuôz zis hâur qơư njiz trâus phiv liv hâur Dự anr uô tôngx Tả Phời thiêz têx dưv anr txơưr muk trâu têx qơư ngaz tuk đuô, tsik chiê muôx yưv têx phiv liv li txuz hâux lưv no, tiv zix zos hâur ntu muôx ntux nas chuô đêx ngaz cuôr. Zơưv Đặng Xuân Phong hêik: “Tỉnh têx cơ quan ntâuk gri têx phiv liv txos tênhv qơư thiêz qir tiv chiê muôx tâu tsưr ziv khưx phưx. Lok saz công ty, tsuv uô jông uô, muôx txơưx jênhv siêz chiê sik côngv đơưk tu cov truôx jông thiêz uô cov sêi”./.

An Kiên-Lik Thox cxêik nhênhv

Đros chor lưx lươngv nhoz tỉnh tuôx paz, xar muôx 600 lênhx dân quân thiêz hluôk nênhs nhoz huyện Mù Cang Chải (Yên Bái) – thax tsav qơư trâus hiêv ntâu tiv ntux nas đêx ngaz cuôr nhiv no tsênhv sêi đrơưv muk trâu têx jêx jok paz trâu pêx xênhv thoz huk têx poz jêz chiê cêr muk lok tâu thôngz; kho đuô tsêr nhoz thiêz tsưr tsix txar nênhs thiêz njêis yêv cxuô zav muk đhâu têx qơư phiv liv, muôx ar poz… Đhâu muôx tas nro cxiv luôs Chinhr triv li têx sir jos, txos zar zuôr tsâuk ntux hnuz 8/8, tas nro chor jêx jok trâus cêv kuôk tưz muk txos tâu thiêz uô hâux lưv chơưv paz. Nhiv no huyện Mù Cang Chải tsik so cơưv chiê sêiz lax têx tsưr ziv khưx phưx têx trâus hiêv. Tỉnh, huyện li tsưr ziv zos tsik chiê lênhx nênhs tưs tsik muôx zav nox, yuôx, qơư nhoz… thiêz tsuv nzor tâu truôx tuk luz nênhx./.

Tuấn Xuân-Lik Thox cxêik nhênhv

Lơưr thôngz sâu txix Ban chỉ huiz phax tar ntux nas thiêz nriêr chơưv paz tỉnh Điện Biên, ntux lok nas txix hnuz xiêz 2 txos hnuz xiêz 8/8 sâuv thax tsav tưz uô tiv phaz trâus puôk tsuôx lok cxuô zav, xav nhiêx tas 31 tỷ đeiv. Tsênhz mênhx, ntux lok nas tưz uô tsôngv box li 150 luz tsêr trâus zênhr shar, ntâu chuôz zis tsuv txar qơư nhoz yiêz chiê taz por luz nênhx; zuôr xar 40 cxênhz hecta blêx thiêz jâuz tâuv trâus đêx ngaz, 4,5 hecta qơư zus shuôz njês trâus đêx cuôr yôngz, ntâu cêr muk lok têx xã, jêx jos trâus poz ntâu  ntu cêr, uô trâu yêz muk lok tsi tâu. Hâux lưv khưx phưx tưz tâu têx tiv phaz ciêr chênhr krêz uô, khov co txos nhiv no tsôngv box thax tsav trâus ntux nas ruôr hiêv luz nênhx jux jus ngaz tul, têx qơư muôx tox poz zaoz thôngz cux tưz muk lok tâu đhâu./.

Vũ Lợi-Txâur Vax cxeik nhênhv

Txos zar hnuz kêix 9/8, tỉnh Lai Châu tưz muôx 4 lênhx nênhs tuôs, 2 lênhx nênhs plox mông thiêz 4 lênhx nênhs trâus saz thiêz trâus hiêv tas xar muôx 80 tiv đêiv txix jiês đêx ngaz cuôr nhiv kruôr đhâu.

Chor nênhs trâus plox mông zos Ch Xênhv Muôk, zus shông 1994 thiêz D Xênhv Shôngx, zus shông 1996 puôr lênhx nhoz ntơưv jok Mở, xar Khoen On, huyện Than Uyên. Chor nênhs no trâus đêx cuôr yôngz thâuv tsênhv txix pêv tsêr têz tror lok têis cik 6/8. Nhiv no chor lưx lươngv muôx vax huôv ntơưv qơưv tsênhv tso nênhs sir jos zok nriêr. Đuô li, lưx lươngv muôx vax huôv thiêz pêx xênhv ntơưv huyện Than Uyên cux tưz muôz tâu Muôk Xênhv Cưr, zus shông 1949, nhoz jok Chống Nà, xã Hồ Bốn, huyện Mù Cang Chải thâuv trâus đêx cuôr yôngz lok trâu huyện Than Uyên. Nhiv no lênhx nênhs no tưz tâu chinhr quyền ntơưv qơư paz muôz yêz thâux muk trâu tỉnh Yên Bái chiê chuôz zis uô đaz uô kruô./.

Khắc Kiên-Lik Thox cxêik nhênhv