Ntơưv cần Thơ, sik côngv 8 tỉnh Tây Bắc tưz tsưr tsix jiês cơưv paz thơưz du lịch chiê piêr pâuz lok du lịch nhoz têx tỉnh Tây Bắc đros têx tỉnh, thành thax tsav tiêx đras đêx Cửu Long. No cux zos jiês chiê chor nênhs yưv pênhr nriêr pâuz, sik côngv yưv pênhr hâur hâux lưv du lịch. Zơưv Hà Văn Thắng, Giám đốc Sở Du lịch tỉnh Lào Cai, hlôngr njêx muôs trưởng chor tos sik côngv 8 tỉnh Tây Bắc zos Hòa Bình, Sơn La, Điện Biên, Lai Châu, Lào Cai, Yên Bái, Hà Giang, Phú Thọ puz pâuz: Jiês cơưv zos iz hâur chor huôx tôngv chiê paz uô tsênhz mênhx xor xưv “Ciêz Du lịch vênhx huôv Tây Bắc shông 2023”, zos 8 tỉnh Tây Bắc sik côngv tsưr tsix txix hnuz 8/4-11/4, ntơưv Công viên Bến Ninh Kiều, Thành phố Cần Thơ. Tsaz yênhx muôx lok six ntâu huôx tôngv jông, hêik tơưv tâu têx vênhx huôv jông muôx nhoz thax tsav Tây Bắc./.

VOV4-Lik Thox cxêik nhênhv

Txix hâur shôngk shông txos nhiv no, chor hax huv zuôr saz đrâuv luôs 2 chas têz qơưk lol đhâu têx trôngx đriv Lào Cai tsar ndê ntâu, lar heik đhâu thâuv khưx phưx tâu luôs hâux lưv zuôr muôs têx xiv huv muk lol đhâu têz qơưk. Đros trâu têx uô tâu li co, zôngx ziv muôx ntâu têx hax huv chuôr, tsi pâuz tsênhz qơư lok hâur thax tsav. Đhâu sox seiz têx yêz muk lol thâux xa hax huv hâur 3 luz hlik hâur shôngk shông, qênhz pov 22 luz yêz tâu xav zos thâux têx huv chuôr, huv tsi pâuz tsênhz qơư. Zơưv Nguyễn Thế Hùng, Phưv Chi cục tsar Chi cục Hải quan trôngx đriv Lào Cai heik pâuz: “Pêz sir jos uô luôs hâux lưv qênhz yuôx, qênhz shuôs thax tsav zov chênhr, têx huv chênhr; lar heik, tsưv ziv txos chor thax tsav trôngx đriv, qơư jê ntus đêx puôz đriv têz; chor hax huv sâu sê siêz, civ gri chiê phax tar qênhx shênhx zuôr muôs, fax thâux tsi trơưk chei hax huv muk lol đhâu ntus đriv”./.

An Kiên-Riê Lâux cxeik nhênhv 

Nhoz ntơưv kror qơư muôx qiv hơưv, đêx ar huv đros, txos nhiv no HTX Lũng Lô, xar Thượng Bằng La, huyện Văn Chấn, tỉnh Yên Bái tsênhv sir jos chos 5 héc ta yuôx đrox njuôz cxuô zav li Hà thủ ô, Đương quy, Kim ngân hoa… hax huv uô tâu bâuv chak mak tâu sâu, uô thiêz muôs tas nro bâuv co, paz uô tâu truôx tuk trâu chor thành viên HTX, paz muôx hâux lưv uô truôx trâu nênhs lox tôngv đros phênhv sâu zuôr xar 10 triệu đêiv iz hli. Zơưv Sầm Văn Nưa, Phưv Giám đốc HTX Lũng Lô puz pâuz:

“Kriê trâu tas nro canr bôv, công nhân viên txix bax ar, chos thiêz tsoz phưz, tas nro tâu uô jông tsik sir zôngv zav yuôx por vêv đrox tsuôs tưs. HTX cux tưz sik côngv đros iz cxiê công ty yuôx đrox njuôz hâur tỉnh, saz đrâuv tỉnh chiê muôs têx hax huv uô tâu”./.

TTTB-Lik Thox cxêik nhênhv

Ntơưv Tsênhv qơư Y tế huyện Than Uyên thiêz Tsêr kho moz Đa khoa tỉnh Lai Châu, Cuiv nhiêx por hưv nhuôs zâu tỉnh Lai Châu hux jos đros Tsêr kho moz plơưr Hà Nội thiêz VCF, tsưr tsix phi chính phủ Hoa Kỳ nhiv kruôr seiz njuôk shuôs moz plơưr thâuv tsênhv nhoz hâur đruôz thiêz trâu 2.500 ntâu lênhx nhuôs hâur thax tsav tỉnh. Chor nhuôs tâu seiz njuôk shuôs moz zos têx lênhx nhiv kruôr xênhz zus tâu lok txos 16 shông xar seiz njuôk shuôs moz gênhk, lok sik tưz tâu seiz njuôk shuôs ntơưv têx qơư y tế hâur tỉnh, tâu xav zos trâul moz plơưr; nhuôs zâu tưz tâu fêis kho moz plơưr li heik sâuv hâur têx shông uô ntêx xar tror seiz njuôk shuôs moz đuô./.

DTMN-Riê Lâux cxeik nhênhv