Hlôngr njêx muôs Sở Zoz thôngz Vận tải tỉnh Yên Bái puz pâuz, đhâu ntâu hnuz sir jos khưx phưx, txos zar hnuz kêix 10/8, txos cêr 32 đhâu thax tsav huyện Mù Cang Chải tưz muk tâu yêz đhâu,ntu xar Hồ Bốn, huyện Mù Cang Chải, tax tâu pêx xênhv li zoz qơưx muk lok thiêz hâux lưv kho đuô têx trâus ntux nas chuô ruôr hiêv. Ciês ntu txix cêik cêr 325-cêik cêr 330 mak txưr chor yêz lox muôx 3,5 tấn thiêz yêz ô tô thâux nênhs muôx ntâu đuô 9 luz trôngx jâuv muk lok đhâu. Xar muôx 8 six têis cik 11/8 tưz muk lok tâu thôngz txix Mù Cang  Chải muk trâu Than Uyên (Lai Châu). Ntux nas đêx ngaz cuôr hâur têx hnuz đhâu tưz uô xưz poz 100 ntâu qơư sâuv txos cêr 32, hâur co muôx têx ntu xưz poz tas nro plas cêr./.

VOV-Lik Thox cxêik nhênhv

Ntux nas lox hâur têx hnuz txix xiêz 01-6/8 tưz uô ruôr hiêv hnhar lok lênhx nênhs thiêz têx chuôz zênhx chuôz tav hâur thax tsav tỉnh Sơn La. Hâur co, cêr zoz thôngz muk lol trâul uô ruôr hiêv ntâu, thâuv muôx yênhx puô qơư trâul xưz poz sâuv ntâu txox cêr lox muk lol hâur tỉnh, xã. Trâul ruôr hiêv hnhar đuô hur si zos ntơưv  cêik cêr txix 32+300 txos cêik cêr 32+600 sâuv txox cêr lox 279D, ntu muk đhâu tsêr meir tênhv Huội Quảng, huyện Mường La (Sơn La). Têx lênhx hlôngr njêx muôs hâu nov Sở Zoz thôngz tỉnh Sơn La heik pâuz, muôx têx tsuv txos hnuz 13/8 cêr thiêx zuôr muk lol tâu thôngz. Zơưv Nguyễn Văn Chính, Phưv Giám đốc Sở Zoz thôngz tỉnh Sơn Heik pâuz: “Đros thiêz tsưr ziv 4 ntơưv qơư, ngênhx zoz thôngz tưz hu lênhx nênhs, têx meir uz no sir jos uô hâux lưv thoz huk, cxiv kho cêr cov taz por yêz muk lol đhâu. Txos tas cik hnuz xiêz 06/8, tưz kho tâu 7 qơư trâu xưz poz; yuôr 4 qơư trâul xưz lox txix tsêr meir tênhv huội Quảng muk trâu Than Uyên, Lai Châu, nhiv no Sở tsênhv tror hu zâuv lênhx nênhs, têx yêz câuk ar uz no tuôx nhoz trơưr ntơưv qơư chiê khưx phưx, cxiv kho cov yêz muk lol tâu sei”./.

Thu Thuỳ-Riê Lâux cxeik, nhênhv

Ntơưv Điện Biên, iz lênhx pox niêv zos Quàng Thị Lả, zus shông 1977, nhoz ntơưv jok Xuân Ban, xar Ngối Cáy muk uô liêx lok đhâu đêx Nặm Cô (xar Ngối Cáy, huyện Mường Ảng, tỉnh Điện Biên) tưz trâus chor đêx huôv lok cuôr yôngz thiêz plox mông. Ciês txêik tâu xor mông hêik pâuz, chinhr quyền ntơưv qơư tưz sêi đrơưv chox kriê chor lưx lươngv muôx vax huôv thiêz pêx xênhv tsưr tsix zok nriêr nênhs tsik pov. Taz sik, txos nhiv no, cux tsênhv zok nriêr tsik tâu tâu. Pox nhuôs sơưr đơưk tsuv uô jông sêiz shuôk zos muk lok đhâu đêx thâuv muôx ntux nas đêx huôv lox, chiê txo grêk tsơưs têx trâus hiêv./.

Vũ Lợi-Lik Thox cxêik nhênhv

Ntux nas lox uô đêx ngaz, cuôr yôngz thiêz xưz poz tưz uô tuôs yênhx châuv lênhx pêx xênhv ntơưv têx tỉnh: Yên Bái, Lào Cai, Lai Châu thiêz Sơn La hâur ntu lok nas ntêr hnuz hâur têx hnuz đhâu. Iz chas co, yênhx châuv luz tsêr trâul đêx nas cuôr yôngz, yênhx puô luz tsêr trâul puôk tsuôx; ar, poz jêz cxuz cêr tas; têx xor tênhv trâul tuô, côngz trênhx côngz côngv cux trâul uô ruôr hiêv hnhar..... Uô li chas chiê phax txar jav, txo grêk tsơưs têx tsi jông tiv ntux uô? Iz chas cxuô thax tsav qơư li têx sir jos, tsuv uô lơưr tsưr ziv yiêz lok sâuv njuôk xav ntux li txơưr txar, txo grêk tsơưs têx tsi jông tiv nas chuô, tox xưz poz uô cux li sir jos yax mông, fuô kriê txos trâu tsôngv pêx xênhv pâuz lok têx tsi jông heik sâuv. Iz chas ntơư, tsôngv box sơưr đơưk cux tsuv chênhr phax, tir thêir, txar jav chiê txo grêk tsơưs têx tsi jông zôngx ziv njiz trâul hâur cheix nas chuô./.

VOVTB-Riê Lâux cxeik, nhênhv