Nhiv kruôr pov muôx 50 lênhx nênhs hâur tsêr cơưv ntơưr ntơưv huyện Văn Bàn (Lào Cai) trâus moz Covid-19. Caz moz huôv xênhz ntơưv Tsêr cơưv cxênhx oz thị trấn Khánh Yên, huyện Văn Bàn, tỉnh Lào Cai. Hâur co, muôx 32 lênhx nênhs trâus moz jiês 2, yuôr 20 lênhx trâus moz jiês xuz thơưx. Phênhv ntâu chor nênhs trâus cik moz puôr lênhx trâus moz zâu lok sik tsik pov muôx yưv moz.

Đhâu txêik tâu xor mông hêik pâuz lok caz moz hnuz 8/4, chinhr quyền ntơưv qơư tưz chox kriê chor cơ quan y têr sik côngv đros tsêr cơưv ntơưr sêiz đrơưv cêv kuôk, qênhz yuôx, phax tar caz moz; txo grêk tsơưs tiv zix têx phiv liv txos hâux lưv kriê thiêz cơưv ntơưr.

Ủy ban tỉnh Lào Cai tưz chox kriê cxuô thax tsav qơư tsik cxoz tso siêz; sir jos uô côngz xưv cxax yuôx phax moz Covid-19, tiv zix zos chor nhuôs txix 5-17 shông./.

An Kiên-Lik Thox cxêik nhênhv

Qênhx shênhx hlôngr kho đuô yiêz têx đaz yêz chiê thâux hax huv muk lok sâuv têx txox cêr ar cxaz nhoz Sơn La njuôs xav tsi taz por zaoz thôngz. Thôngz sâu txix hâur shôngk shông txos nhiv no, lưx lươngv cảnh sát zaoz thôngz công an tỉnh Sơn La tưz xưv bluô 330 ntâu luz yêz teiv uô cxâuv lok thâux hnhar hax huv tsi trơưk cui tênhv. Hâur hli 3, lưx lươngv muôx txơưx jênhv tưz yax mông vênhv tôngv 13 doanh nghiệp, 51 lênhx nênhs...tsuv uô jông trơưk cui tênhv thâux hax huv cov huv đros. Thượng tá Nguyễn Trung Kiên, Phưv tsar phongx cảnh sát zaoz thôngz, Công an tỉnh Sơn La puz pâuz: “Hâux lưv  xưv bluô tâu uô sâuv tas nro tỉnh, viv li yêz thâux ntâu hax huv tsi trơưk cui tênhv tưz  txu grês ntâu. Tiv zix hâur ntu lưx lươngv muôx txơưx jênhv seiz car, lênhx nênhs tsar yêz thâux xa hax huv cux uô huv đros. Khov co 3 luz hlik hâur shôngk shông 2023, sâuv thax tsav tsi muôx txiêz nanv zaoz thôngz muôx lênhx coaz txos yêz thâux hnhar hax huv tsi trơưk cui tênhv; taz por trâu nênhs tsar yêz muk lok hâur thax tsav”./.

Lê Hạnh-Txâur Vax cxeik nhênhv

Cux ntơưv tỉnh Sơn La, hnuz 11/4, 500 ziv chuôz zis sâuv thax tsav phường Quyết Thắng, thành phố Sơn la, tỉnh Sơn La chor đêx xênhz huôx tsik hur tiv txar chor car tok đêx. Lơưr xor mông txix Công ty Cổ phần cungz đêx Sơn La, tar su đros hnuz, Xí nghiệp cungz đêx thành phố sôr 1 kriz uô txar ntu car tok đêx txix tsêr mêir Nậm La lok. Đhâu thâuv uô tiêr, txơưv tưz uô têx tsưr ziv tso đêx, nzuôr cov hur si taz sik thâuv tror tso đêx lok mak chor đêx cux tsik hur. Đhâu thâuv pêx xênhv hêik pâuz, xí nghiệp cungz đêx thành phố sôr 1 tưz tso nênhs tror tso thiêz nzuôr cov hur si tas nro têx car tok đêx chiê đơưk kho têx phiv liv no./.

Lê Hạnh-Lik Thox cxêik nhênhv

UB huyện Tuần Giáo nhiv kruôr tso tơưv 4 cuiz tênhv xưv bluô hành chính đros 4 lênhx tsôngv box nhoz jos Co Sản, Xã Mùn Chung viv ntor luôx jôngr tsi trơưk chêi cui tênhv. Tas nro chor nhiêx trâus xưv bluô zos 150 tsov đeiv khiêz trâu nhiêx txiêx têz qơưk. Uô ntêx co, Công an huyện Tuần Giáo li tuêv côngz xưv côngv đros Hạt qênhz jôngr huyện Tuần Giáo, UB xã Mùn Chung pov jôngr nhoz tiểu khu 538B, thax tsav jos Co Sản trâus ruôr ntor tas ntâu. Đhâu qênhz yuôx, xav tênhv mênhv chêx jôngr trâus ntor zos 8 cxênhz 720 yiv ndis. Qir tiv zos tiv iz cxiê lênhx nênhs li jênhv pâuz kis, tsưr ziv uô pôngz kaz. Viv li đrâuv xưv bluô hành chính, chính quyênx tiv phaz heik têx lênhx nênhs co tsuv khưx phưx têx uô ruôr hiêv jôngr, chos yiêz jôngr lơưr tsưr ziv yưv pênhr nhoz tiv phaz./.

Vũ Lợi-Lan dịch đọc