Đros thiêz têx txir ntông njuôk xav tsar ndê 28%, ntu sâu đê phênhv ntâu zos txix hli 4 txos hli 11, tỉnh Sơn La tưz fuô uô cxuô faz tsưr ziv, taz por sâu zuôr, muôs têx kôngz shông 2023 tâu trơưk tsưr ziv. Tỉnh Sơn La nhiv no muôx 84 cxênhz ntâu ha têx tsoz chos nox txir, njuôk xav shông no zuôr sâu đê tâu nhos 452 cxênhz tênhr, tsar ndê 28% pir li shông 2022. Hâur co, iz cxiê zav txir muôx ntâu li: Txir tsơưz, txir khơưz, mo môngk, txir lưv tsiz sôngz….

Ntu sâu đê phênhv ntâu zos lok hli 4-11. Chor txir phưx vưv têx tsêr meir, qơư tsiv uô hâur tỉnh njuôk xav muôx nhos, 70 cxênhz tênhr, yuôr đuô li zos sâu zuôr hâur têz qơưk. Phưx vưv muôs trâu luôs 2 chas thax tsav, Sơn La tưz muôx 281 qơư chos đros thiêz zuôr xar 5 cxênhz ha liêx têz, muôs trâu têx ciêz đrôngs li: Úc, Mỹ, Trung Quốc, Liên minh châu Âu thiêz iz cxiê ciêz đrôngs txơưr đuô. Đros trâu hâu nov ntơưv qơư, chor chuôz zis pêx xênhv, HTX cux tsênhv bax têx tsưr ziv tsoz phưz, gra siêz tsơưr lươngv xiv huv. Pos Lò Thị Ly, nhoz xã Chiềng Ngần, TP Sơn La heik pâuz: “Cur chuôz zis muôx ha txir mo môngk, njuôk xav shông no zuôr sâu đê tâu 15 tênhr txir. Xiv huv phênhv ntâu zos muôs trâu ciêz đrôngs Trung Quốc, yuôr đuô li mak muôs hâur thax tsav. Pêz bax tsoz phưz, krưr têx txir cov caz tsi tho nox, chor txir thiêx jông gâux, muôs tâu gri”./.

Lê Hạnh-Riê Lâux cxeik nhênhv

Zar hnuz kêix 12/4, Tâu Thủ tướng Chinhr phuv tso chêi, Bôv trưởng Bôv TSưr ziv thiêz Yưv pênhr Nguyễn Chí Dũng tưz muôz Cuêz tênhv cêv kuôk tỉnh Lào Cai ntu 2021-2030, tsưr ziv uô txos shông 2050. Tsưr ziv cêv kuôk huôv tsar tỉnh Lào Cai no zuôr tâu uô đhâu 8 ntu, lơưr chor sở, nganhx, thax tsav qơư li 29 đề anr, tâu zuôr ziv chênhv truôx jông, zuôr zos côngz trinhx lox. Cêv kuôk tỉnh Lào Cai chiê ndar txos cxiv tsa, huôv tsar tỉnh Lào Cai zos yênhx iz kror qơư huôv tsar thiêz zos tsênhv qơư txuôk đros kinh têr nhoz Việt Nam thiêz têx têz qơưk ASEAN đros thax tsav Tây Nam, Trung Quốc, huv đros trâu tsưr ziv huôv tsar cxuô nhoz thax tsav Trung du thiêz tox siêz Bắc Bộ thiêz tas nro têz qơưk, paz thơưz huôv tsar kinh têr-xar hôiv, taz por côx phax, ngaz tuk thiêz đối ngoại trâu thax tsav thiêz tas nro têz qơuk./.

Vũ Lợi-Lik Thox cxêik nhênhv

Tòa án tỉnh Điện Biên nhiv kruôr tu trôngx plâuz, tik cêr cxâuv 2 lênhx nênhs, co zos Chẻo Sần Lồng, xênhz shông 1995, nhoz jok Lả Nhì Thàng, xã Sì Lở Lầu, huyện Phong Thổ, tỉnh Lai Châu thiêz Ntax Xênhv Zax, xênhz shông 1978, nhoz jok Huổi Cọ, xã Mường Nhé, huyện Mường Nhé, tỉnh Điện Biên lok sâuv zuôr muôs zax zênhz tsi trơưk chei.

Trơưk li Viện Kiểm sát tỉnh Điện Biên: Ntax Xênhv Zax chox kriê cêr trâu Chẻo Sần Lồng muk tỉnh Phoong-Sa-Ly (Lào) zuôr 2 poz zênhz đơưz chiê gra lok muôs trâu luôs lưv tus. Thâuv Chẻo Sần Lồng tsênhv taz tov thâux gra chor zax zênhz heik sâuv lok txos thax tsav jok Quảng Lâm, xã Quảng Lâm, huyện Mường Nhé, tỉnh Điện Biên txơưv trâul Công an huyện Mường Nhé qênhz pov, ntêk tâu. Hôiv đôngx xơưz xưv tưz tik cêr cxâuv Chẻo Sần Lồng nhoz tux tax tas iz siv nênhx, Ntax Xênhv Zax nhoz 20 shông tux./.                     

 Vũ Lợi-Riê Lâux cxeik, nhênhv

Cơ quan an ninh qênhz yuôx Công an tỉnh Sơn La sik côngv đros Viện Kiểm sát tỉnh nhiv kruôr kriz uô cuêz tênhv khởi tố txuz anr hình sự, khởi tố lênhx nênhs, cxov cơư tsês Phạm Văn Ba (zus shông 1985), nhoz ntơưv tôv 10, Pháp Vân, phường Hoàng Liệt, quận Hoàng Mai, thành phố Hà Nội lok kror cxâuv “Tsưr tsix chiê têx nênhs txơưr nhoz hâur têz qơưk Việt Nam tsik zos chêi”. Uô ntêx co, hnuz 13/12/2022, Phòng sêiz car muk lok hâur têz qơưk thiêz Phòng An ninh qênhz yuôx Công an tỉnh Sơn La qênhz yuôx thiêz pov ntơưv tsêr kruô nhoz so Sơn Mến (tiểu khu 6, thị trấn Mộc Châu, huyện Mộc Châu, Sơn La) muôx 7 lênhx nênhs Trung Quốc tsik muôx ntâuz ntơưr lok hâur têz qơưk, hộ chiếu thiêz têx ntâuz ntơưr huv cêr chêi tâu nhoz hâur têz qơưk Việt Nam. Đhâu qênhz yuôx, xav jênhv Phạm Văn Ba zos lênhx nênhs tok thiêz ntiêr tsêr nhoz trâu 7 lênhx nênhs hêik co. Đhâu thâuv choz zok lênhx nênhs, Ba zuôr tâu thêv nhiêx zos 14 triệu đêiv. Taz sik tsik tâu choz zok chêk trâus lưx lươngv muôx vax huôv pov thiêz cxov tsês. 7 lênhx nênhs Trung Quốc tưz trâus lưx lươngv muôx vax huôv xưv bluô hành chính thiêz hêik cov tơưv muk đhâu têz qơưk Việt Nam./.

TTTB-Lik Thox cxêik nhênhv