Cơ quan njuôk ntux yar ntux nas tỉnh Lào Cai, lok nas lox đros trâu phiv liv txix chor jiês lok nas uô ntêx uô trâu chor ar nhoz têx trôngz siêz thơưv đêx tas, zôngx ziv xưz poz, đuô li tsênhv zôngx ziv trâus cuôr yôngz thiêz. Têx huyện tox siêz li Bắc Hà, Bảo Yên, Bát Xát, Mường Khương, Si Ma Cai, Văn Bàn thiêz thị xã Sa Pa trâus phiv liv ntâu tiv zix. Njuôk xav, tsênhv zuôr lok nas lox txos hnuz 14/8 ntơưv iz cxiê qơư. Cơ quan muôx vax huôv hêik pêx xênhv thiêz chinhr quyền ntơưv qơư tsuv kriz uô têx tsưr ziv phax tar ntux têz ruôr hiêv, tiv zix zos têx qơư zôngx ziv muôx ar poz, đêx ngaz cuôr… Zơưv Lê Huy Giang, Phưv Trưởng phòng Kôngz nuv thiêz Huôv tsar jêx jok, tox siêz huyện Bát Xát, tỉnh Lào Cai puz pâuz: “Pêz tsênhv qênhz shuôk têx qơưk zôngx ziv trâus ntux têz ruôr hiêv, txix co hêik cov rêik fiêx hêik pâuz ntơưv têx qơư phiv liv, riêz nênhs trâu pêx xênhv pâuz; đros co zos hêik pâuz đhâu têx chuôz zênhx thôngz xor mông thiêz tin nhắn chiê hêik trâu chor chuôz zis nhoz sâuv thax tsav pâuz chiê phax tar”./.

An Kiên-Lik Thox cxêik nhênhv

Zuôr xar 3 ciêz txix thâuv muôx jiês đêx cuôr yôngz uô ruôr hiêv hnhar lok lênhx nênhs thiêz chuôz zênhx chuôz tas nhoz xã Mường Pồn, huyện Điện Biên, tỉnh Điện Biên, têx lưx lươngv muôx txơưx jênhv tiv phaz tsênhv sir jos krêz uô côngz xưv khưx phưx, chiê nzor ngaz tul luz nênhx trâu tsôngv box. Hâux lưv tsoz phưz đas jos, phax tar moz, bax qơư nhoz yiêz thiêz paz txưv tsôngv box tsiv uô xênhz yar zos têx hâux lưv tâu tsov cưv xuz thơưx. Lơưr zơưv Chu Văn Bách, Tsar phongx kôngz nuv thiêz huôv tsar nôngx cxênhz huyện Điện Biên, têx hnuz đhâu, chính quyênx huyện Điện Biên tưz chêx chôngk seiz shuôk thax tsav qơư chiê bax qơư nhoz yiêz trâu tsôngv box. Lơưr co, đrâuv iz cxiê ziv chuôz zis tưz muôx ar nhoz ntơưv qơư nhoz yiêz, zuôr muôx 20 ziv tâu bax qơư nhoz yiêz nhoz thax tsav qar ndơưk poz jos Lĩnh. Đros jos Tin Tốc mak huyện xeir tsưr ziv cxiv tsas thiêz njưk tar đêx chiê tsôngv box tso siêz nhoz ntơưv qơư, ngaz tul luz nênhx trâu tsôngv box./.

Vũ Lợi-Txâur Vax cxeik nhênhv

Cxiv tsa tsênhv qơư zuôr muôs suôz njêl đros tsưr ziv zos tsês chiê, zuôr muôs têx hax huv suôz njêl, cungz zuz nôngz thiêz dịch vuv lok suôz njêl trâu chor nênhs ntâuk cxov thiêz tu zus suôz njêl nhoz thax tsav qơư… taz sik tsik tâu muôx tsưr tsix tưs kriz uô, sir zôngv, phuôx huiz tâu jông côngz trinhx. Tsênhv tsênhz no tưz muôx yưv zuôr xar 5 shông lok no nhoz qơư ntâuk cxov suôz njêl lok đrêk, zuôr muôs Chiềng Bằng, xar Chiềng Bằng, huyện Quỳnh Nhai, tỉnh Sơn La. Zơưv Mề Văn Phái, Chủ tịch Ủy ban xar Chiềng Bằng, huyện Quỳnh Nhai, tỉnh Sơn La puz pâuz: “Tsik pov huôx tôngv, uô tâu tsuôk tsês khôngz nhoz co xưz. Viv txox cêr no zos cêr tưk, thâuv ntêx chiê uô ciêz, cux kriz uô 1, 2 jiês ciêz taz sik tsik muôx nênhs. Tov kaz no muôx dưv anr tu zus njêl tầm, đhâu thâuv uô tiêr mak cux tsik pov kriz uô li chak. Tsês khôngz li no mak tuôr xuôv hênhr, cux hêik pâuz tiêk tsuv uô li chak lok sik muôz muôs chiê uô têx kror hâux lưv txơưr đuô…”./.

TTTB-Lik Thox cxêik nhênhv

Hnuz 12/8, chiz coaz cảnh sát qênhz yuôx, Công an tỉnh Lai Châu tưz tso tơưv cuiz tênhv qênhz yuôx uô cxâuv cui tênhv lok seiz car vưv qiv, chuôz zênhx cuz tơưs muôx yưv ntơưv tsêr meir đêx tênhv Nậm Cấu nhoz huyện Mường Tè, tỉnh Lai Châu. Dự án tênhv tênhv Nậm Cấu, nhoz jos Khoang Thèn, xã Pa Vệ Sủ, huyện Mường Tè (Lai Châu) zos Công ty năng lượng Bảo Khang, nhoz phường Đông Phong, TP Lai Châu uô tsưr yưv pênhr. Công ty TNHH Duy Thành, nhoz phường Tân Mai, quận Hoàng Mai, TP Hà Nội cxiv uô. Đros uô muôx Công ty Việt Trung Lê Thanh, nhoz phường Kim Tân, TP Lào Cai, tỉnh Lào Cai. Hâur ntu cxiv uô, taz viv tưz ntiêr iz cxiê lênhx zos nênhs Trung Quốc đros uô. Thâuv 4 six 30 phênhz hnuz xiêz 9/8/2024, zơưv Chen Z, xênhz shông 1969 nhoz Thôn Trang, xã Hồ Nguyên, huyện Tấn Dân, tỉnh Chiết Giang (Trung Quốc) đros zơưv Trương Đăng H xênhz shông 1990 nhoz xã Quảng Thọ, TP Sầm Sơn, tỉnh Thanh Hóa tsưr tsix tso yuôx tuô poz jêz ntơưv kror qơư số 3. Yuôx tơưs uô zơưv Chen Z tuôs ciês ntơưv qơư, zơưv Trương Đăng H trâus saz.

Nhiv no, cơ quan muôx vax huôv tsênhv taz tov qênhz yuôx uô cov tsênhz mênhx, chiê muôx têx lênhx nênhs uô cxâuv quy tênhv tik cêr cxâuv cov zos đrêiv chêi têz qơưs têx chêi tso tơưv./.

 Khắc Kiên-Txâur Vax cxeik nhênhv