Tas cik hnuz 12/9, zơưv Hoàng Công Thủy, Phưv CHủ tịch UB TW MTTQ VN đros đoanx côngz xưv tưz muk Điện Biên qênhz yuôx hâux lưv uô Đề án vênhv tôngv uô tsêr nhoz niêv côngv siêz paz têx ziv chuôz zis pluôk. Đề án uô sâuv thax tsav tỉnh Điện Biên chiê ndar txos chiv nhênhv 70 shông ntâuk zênhx Điện Biên Phuv (xiêz 7/5/1954-7/5/2024). Xav txos hnuz xiêz 10/9, Cuiv “Viv nênhs pluôk” tỉnh tưz jênhv tâu 13 tỉnh, thành phố; 7 bộ nganhx, chiz coaz Trung ương; 22 tsưr tsix doanh nghiệp li phênhv paz đros tas nro chor nhiêx txiêx zos 102 tỷ đeiv. Txix phênhv pênhr no, Ban vênhv tôngv Cuiv “Viv nênhs pluôk” tỉnh tưz muôz 98 tỷ đeiv ntâu, bâuv uô tâu muôx nhos 1 cxênhz 960 luz tsêr. Nhiv no tsênhv krêz uô 2 cxênhz 100 ntâu luz tsêr thiêz muôx muôx nhos 470 ziv chuôz zis tưz uô tiêr tsêr nhoz. Phuôx plov ntơưv jiês uô hâux lưv, zơưv Hoàng Công Thủy, Phưv Chủ tịch UB TW MTTQVN ntâuk grê siêz chính quyênx tiv phaz li sik côngv uô jông thiêz txơưx jênhv uô hâux lưv cxiv uô tsêr niêv côngv siêz paz chor chuôz zis pluôk nhoz hâur tỉnh./.

Vũ Lợi-Txâur Vax cxeik nhênhv

           Lơưr thôngz sâu, xav txos tas hli 8 shông 2023, Lào Cai nhiv kruôr sâu tâu trâu nhiêx txiêx têz qơưk xar muôx 4.500 tiv đêiv, thâuv mak tỉnh li tsưr ziv txos tas shông zos 12.000 tiv đêiv. Lào Cai li tsiv gri uô công nghiệp nhiv kruôr tâu xar muôx 30.000 tiv đêiv, bâuv 55% pir li tsưr ziv tso tơưv. Tsiv gri muôs tơưv saz đrâuv têz qơưk đhâu Lào Cai xar muôx 1,3 tiv USD, lok six lax tax tâu lơưr tsưr ziv tso tơưv zos 5 tiv USD. Iz chas co, gri cxuô zav, zav nox trâu tsiêx cxu cux chuôz ndê uô phiv liv trâu nganhx kôngz nuv. Chủ tịch Ủy ban tỉnh Lào Cai-zơưv Trịnh Xuân Trường hêik tiêk, phiv liv tsuôk zos kror xuz thơưx xưz, muk ntêr mak Lào Cai cux muôx ntâu kror liv chiê huôv tsar. Hâur 4 luz hli kaz shông, cxuô nganhx, thax tsav qơư tsuv uô truôx jông 4 luôs hâux lưv tso tơưv; qênhz shuôk đuô pênhr nhiêx chiê muôz phêiz uô cov huv đros; tsêx trungk đơưk kho têx phiv liv, uô cov tâu truôx đrênhk./.

An Kiên-Lik Thox cxêik nhênhv

           Đêx cuôr yôngz thâuv hmo 12/9 nhoz thax tsav thị xã Sa Pa, tỉnh Lào Cai uô 6 lênhx nênhs tuôs thiêz plox mông. Tas nro têx lênhx nênhs trâus nanv puôr lênhx nhoz xã Liên Minh thiêz zos lênhx tưs mak nhiv no tưz xav tênhv tâu tsênhz mênhx. Uô ntêx xav tênhv, đêx nas uô ruôr hiêv 8 pas njuôs tu zus njêk đêx txiêk sâuv thax tsav. Ntâu côngz tsinhx trâus ruôr hiêv hnhar. Lơưr zơưv Tô Ngọc Liễn, Chủ tịch UB thị xã Sa Pa, tas cik hnuz 13/9 hlôngr njêx muôk lênhs tov tỉnh Lào Cai tưz tuôx ntơưv qơư chox kriê khưx phưx têx trâus ruôr hiêv: “Sa Pa cux tưz lok six chuv tôngv chox kriê Ban chỉ huiz phax tar ntux nas, tiv zix zos lưx lươngv quân sự sik côngv đros tiv phaz nriêr têx lênhx nênhs trâus plox mông. Lok thị xã mak pheiz côngz lênhs tov muk ntơưv qơư chox kriê cux xưk li tôngv vênhx, pheiz kênh đros têx chuôz zis muôx nênhs cxênhz jê trâus plox mông”.

           Đrâuv Sa Pa, iz cxiê tiv phaz txơưr hâur tỉnh Lào Cai cux muôx ntux lok nas lox hmo 12/9. Uô ntêx sâu jênhv ntơưv huyện Bát Xát cux muôx 1 lênhx nênhs trâus đêx cuôr yôngz lơưv./.

An Kiên-Txâur Vax cxeik nhênhv

            Cơ quan Cảnh sát qênhz yuôx, Công an huyện Tuần Giáo, tỉnh Điện Biên nhiv kruôr muôx cuêz tênhv ntêk cxov 3 lênhx nênhs zos Lường Văn Quý (xênhz shông 2006), nhoz jok Chấng, xar Quài Tở, huyện Tuần Giáo; Lò Văn Hải (xênhz shông 1999) thiêz Lò Văn Long (xênhz shông 2003), nhoz jok Chiềng Đông, huyện Tuần Giáo, tỉnh Điện Biên zuôr muôs zax zênhz. Têx sâu tâu zos 3 hnaz yuôx zêx ntiv xar muôx 3 cir zênhz đơưz khor li poz jê thiêz iz cxiê zav cik txos. Ntơưv cơ quan Công an, chor nênhs no tưz lênhk nhav zuk têx uô cxâuv. Nhiv no cơ quan muôx vax huôv tsênhv qênhz yuôx uô cov tsênhz mênhx chiê muôz 3 lênhx nênhs hêik sâu tik cêr cxâuv cov zos đrêiv chêi têz qơưs tso tơưv./.

Vũ Lợi-Lik Thox cxêik nhênhv