Chiê paz cxuô lênhx nênhs, cxuô ziv chuôz zis puôr lênhx muôx iz luz tsiêz cxix cxuô, sor si, têx hnuz đhâu, txix tsưr tsix công đoàn li phênhv nhiêx txiêx, Ban thường vụ Liên đoàn lox tôngv tỉnh Sơn La tưz paz, khơưk muôz huv tsiêz trâu 5 cxênhz 600 ntâu lênhx đoàn viên, nênhs lox tôngv muôx luz nênhx txov nhêv, tas nro nhiêx txiêx khơưk muôz ndê txos 3 tỷ đeiv ntâu. Đros co zos krêz uô Tsaz yênhx “Ciêz ntux yiêz công đoàn shông 2025” trực tuyến trâu zuôr xar 2 cxênhz 500 đoàn viên, nênhs lox tôngv, đros tas nro nhiêx txiêx uô zos 1,2 tỷ đeiv. Ciês ntơưv tsaz yênhx “Tsiêz sor siêz- cheix ntux yiêz ndo txos Đảng” nhiv kruôr tsưr tsix ntơưv huyện Mộc Châu, Liên đoàn lox tôngv tỉnh Sơn La tưz khơưk muôz 100 phênhv huv, iz phênhv 1 tsov đeiv trâu 100 lênhx đoàn viên, nênhs lox tôngv muôx luz nênhx txov nhêv. Zơưv Lường Minh Xuấn, Phưv Chủ tịch Liên đoàn lox tôngv tỉnh Sơn la puz pâuz:“Đros tsưr ziv tas nro đoàn viên lox tôngv puôr lênhx muôx tsiêz nox, chor đoàn viên, nênhs lox tôngv tâu tsoz phưz ntâu đuô, phênhv nhiêx khơuk muôz, huv tsiêz trâu nênhs lox tôngv cux siêz đuô shông tov ntêx; tiv zix no zos têx tsaz yênhx muk txos yênhx tiv phaz, nênhs sir zôngv lox tôngv cux xưk li têx cấp, têx nganhx, chính quyênx tiv phaz sik côngv tsov cưv, cxơưx ntâu đuô trâu nênhs lox tôngv”./.          

                                                                                                    Trấn Long-Txâur Vax cxeik nhênhv

Hôiv ntux yiêz nzor zos chor tuz lênhv pênhz phax thiêz cấp ủy, chinhr quyền thax tsav qơư tsưr tsix tưz paz trâu mênhx cxưx La Hủ thiêz tsôngv box cxuô mênhx cxưx nhoz huyện Mường Tè, tỉnh ntus đriv Lai Câu sor siêz đuô.

Sín Chải B zos jok tox siêz ntus đriv, kuôk tsênhv qơư xar  Pa Vệ Sủ, huyện Mường Tè xar muôx 19 cêik cêr. Jok muôx 56 ziv chuôz zis, 260 lênhx nênhs, phênhv ntâu zos tsôngv box La Hủ uô nênhx nhoz. Tok shông yiêz Naz shông, Bôv đôiv Pênhz phax thiêz chinhr quyền thax tsav qơư tưz tsưr tsix tsaz yênhx “Bôv đôiv Pênhz phax paz trâu tsôngv box tok tsiêz”. Tsaz yênhx tâu tsưr tsix chiê phêi kênh iz phênhv tưs phiv liv, paz muôx tâu iz chêix ntu no sor siêz, shir phaz trâu shux xênhz thiêz pêx xênhv, cux li kriz uô jông ngaz tuk xar hôiv ntơưv thax tsav qơư ndax jiês tsiêz ntux yiêz lok txos. Txix cấp ủy, chinhr quyền cxuô thax tsav qơư, cux li chor bôv đôiv pênhz phax li têx sir jos đros paz, iz chêix ntux yiêz tsâu sor, shir phaz tsênhv muôx lok txos têx jêx jok nhoz tox siêz ntus đriv Lai Châu./.

                                                                                                  Khắc Kiên-Lik Thox cxêik nhênhv

Hâur jiês ntux no njiv uô jêx tưv nhoz Yên Bái txu grês ntâu, sâuv iz cxiê tox siêz nhoz têx huyện Trạm Tấu thiêz Mù Cang Chải tưz pov muôx đâuk bu. Lơưr xor mông txix tsôngv box xã Bản Công, huyện Trạm Tấu, sâuv đrik trôngz Tà Xùa nhoz siêz 2 cxênhz 865 yiv pir đros ntus đêx hiêr pov muôx đâuk bu tuôz. Đâuk bu cux pov muôx sâuv iz cxiê đrik trôngz nhoz xã La Pán Tẩn, huyện Mù Cang Chải. Chiê chuv tôngv phax tar ntux no, Ban chỉ huiz phax tar ntux nas thiêz nriêr chơưv nanv tỉnh Yên Bái thix ziv têx lênhx nênhs thiêz Ub têx huyện, thị xã, TP yax six seiz njôngr qiv hơưv, qênhx shênhx ntux no, tsôngv box chuv tôngv phax tar têx trâus ruôr hiêv; chuv tôngv krêz uô têx tsưr ziv phax tar ntux no trâu lênhx nênhs, tsoz chos, tsiêx tu zus; bax lưx lươngv uô ntêx nyuôk, chuôz zênhx ntơưv qơư krêz uô têx tsưr ziv chơưv paz thâuv zuôr trâus./.

                                                                                             Trịnh Xuân-Txâur Vax cxeik nhênhv

Hâur têx hnuz no, tox siêz Sa Pa (Lào Cai) tsik so muôx ntux no njiv, jêx tưv kik đuô 10 tưv. Txơưv muôx ntux no chênhr, taz sik hâux lưv kriê ntơưr cux tâu kriz uô jông, đros co zos sir jos phax tar ntux no, uô cov sor trâu chor shux xênhz. Lơưr cưk kriê ntơưr Ong Thị Hiên, Hiệu trưởng Tsêr cơưv Cxênhz iz Tả Phìn, hâur têx hnuz ntux no, tsêr cơưv cux cxaz nzir tsơưr pưr, uô têx zav nox cov siêr jông, sor trâu shux xênhz nhoz hâur tsêr cơưv nox; phêiz côngz trâu chor cưk kriê ntơưr sêiz car tsik so sik thav đros 400 ntâu lênhx shux xênhz niêv txir chiê hêik lơưr hnar cov txâuk sor trâu chor shux xênhz:“Đros chor shux xênhz niêv txir tsik tâu bax txâuk têx trik yo sor mak ntơưv tsêr cơưv pêz cux bax tsês iz chor trik yo chiê muôz trâu chor shux xênhz tuôx cơưv ntơưr trâus ntuz nas lok sik hnar tsik tâu txâuk sor hnar cov tsik no”./.

                                                                                                   An Kiên-Lik Thox cxêik nhênhv