Mông txix Sở Zoz zux tỉnh Lai Châu heik pâuz, jiês thik cơưv tiêr ntơưr lớp 12 shông 2025, tas nro tỉnh Lai Châu muôx 4 cxênhz ntâu lênhx shux xênhz tưr thik; hâur co chor shux xênhz tưr thik tâu ntơưr tax 99,76%, chôngz đuô pir li shông 2024. Tas nro tỉnh muôx 22 hâur 30 luz tsêr cơưv muôx shux xênhz tưr thik tâu ntơưr lớp 12 tax 100%. Hâur 10 lênhx shux thik tsi tâu ntơưr lớp 12 muôx 5 lênhx zos tưr thik tsi tâu jax xav fax thiêz luk Anh; 5 lênhx shux xênhz txơưr đuô zos tsi txâuk điểm chiê côngk nhav cơưv tiêr ntơưr lớp 12. Taz sik jiês thik shông no, Lai Châu tưz muôx 36 lênhx shux xênhz tưr thik tâu điểm 10, hâur co muôx 11 lênhx shux xênhz thik tâu 10 điểm jax địa lý.

Yuôr ntơưv tỉnh Sơn La mak muôx 12 cxênhz ntâu lênhx shux xênhz hâur hur si zuôr xar 12.300 lênhx shux xênhz cxaz chuôz dưv tưr thik tưz thik tâu ntơưr lớp 12, tax 99% ntâu, tsơưs đuô pir li shông uô ntêx; 80 lênhx shux xênhz thik tsi tâu ntơưr. Zơưv Nguyễn Văn Chiến, Phưv Giám đốc Sở zoz zux tỉnh Sơn la heik pâuz:

“Shông no zos shông xuz thơưx tưr thik ntơưr lớp 12 lơưr tsaz yênhx zoz zux phổ thông shông 2018, viv li chor shux xênhz thik tsi tâu ntơưr tsơưs đuô pir li shông 2024, taz sik co zos chor cưk kriê ntơưr thiêz shux xênhz têx sir jos lok six ntâu, lar heik zos tas nro cxix luôs chính trị cêr moz siêz txos tưz sik hux jos, paz ngênhx zoz zux thiêz chor shux xênhz cxaz chuôz tưr thik ntơưr jiês no. Txos nhiv no, muôx têx khav tinhv, tưr thik cơưv tiêr ntơưr lớp 12 tỉnh Sơn La shông 2025 tưz yênhx côngz jông”./.

Trấn Long-Riê Lâux cxeik, nhênhv

Chinhr quyền xar Tả van (nhoz Qơư Du lịch têz qơưk Sa Pa, Lào Cai) tsênhv qênhz yuôx, nriêr pâuz tsênhz iz kror qơư uô jâuz mor nox hâuk trâus hêik pâuz tiêk muôs chor chơưr txir khơưz đros gri zos 700 cxênhz đêiv iz lir. Uô ntêx co, hmo 14/7, iz tài khoản Facebook muôx bê T.H tso tơưv ntơưr lok pluôs nox tas 1,53 triệu đêiv, hâur co muôx 2 hưx chơưr txir khơưz zâu (500ml iz hưx) gri zos 700 cxênhz đêiv, đros lo luk nus “civ lok fênhx zis”. Jax sâu no tâu chôngz lênhx nênhs thav txos. Chôngz lênhx nênhs hêik tiêk no zos kror cxoz txưv đas chor kruô du lịch, hok iz cxiê lênhx nênhs mak hêik mênhx txos ntơưr hêik pâuz tsênhz gri muôs. Bí thư Đảng ủy xar Tả Van, zơưv Đỗ Văn Tân puz pâuz, đoanx qênhz yuôx tưz yênhx lix chiê xav jênhv kror hâux lưv no. Zos pov muôx uô cxâuv, zuôr xưv lik truôx. Đros co, chor qơư kinh doanh du lịch, tiv zix zos zav nox thiêz qơưk nhoz so cux zuôr tâu qênhz yuôx tas hur./.

An Kiên-Lik Thox cxêik nhênhv

Công an tỉnh Điện Biên nhiv kruôr đros Công an Lol Tsuôk ruôr por tsês tâu txuz nênhs fêv nziêk đas luôs lưv tus nhiêx txiêx ntơưv thax tsav kinh tế đriv têz 3 luz têz qơưk Myanmar-Thái Lan-Lol Tsuôk, ntêk tâu 74 lênhx nênhs, sâu tsês yênhx puô chuôz zênhx phưx vưv uô têx hâux lưv li heik sâuv đros trâu nhiêx txiêx thiêz iz cxiê zav chuôz zênhx txơưr đuô cik txos. Lênhx nênhs tuôr hâur uô têx nuv tsi trơưk chei co zos Hoàng Văn Trung, xênhz shông 1994 nhoz Cao Bằng, Trung tưz xar tsưr ziv cxiv uô qơư zuôr muôs nhiêx cuz chuôr chiê nziêk đas yênhx puô lênhx nênhs Việt Nam nhiêx txiêx hâur niêx hnuz. Chor nênhs fêv co sir zôngv mạng xã hội chiê đas tiêk, zos nênhs uô tâu nox ndê têk chiê nziêk đas, hâuz zâuv luôs lưv tus grêk pênhr đros uô lax luôv, đhâu ntơư đas luôs nhiêx txiêx zuôr. Txuz nuv no tâu Công an Điện Biên yơưz phơưz txix hli 2/2025, đros thiêz zuôr xar 200 lênhx canr bôv chiến sĩ 2 têz qơưk siz paz fuô uô. Hnuz xiêz 05/7, lưv lươngv muôx vax huôv tưz uô hâux lưv qênhz yuôx 03 qơư, ntêk tâu 45 lênhx nênhs ntơưv thax tsav đriv têz 3 luz têz qơưk heik sâuv, 14 lênhx nênhs ntơưv yar yêz za Viêng Chăn thiêz 15 lênhx ntơưv Trôngx đriv Tây Trang. Txos hnuz xiêz 09/7, tas nro 59 lênhx nênhs Việt Nam đros trâu têx sâu tâu tưz tâu choz trâu Việt Nam. Công an tỉnh Điện Biên tưz tik cêr cxâuv 38 lênhx nênhs fêv lok sâuv nziêk đas luôs lưv tus nhiêx txiêx, muôx kênh lênhx trâus nhoz tux tas iz siv nênhx. Lơưr Công an tỉnh, co zos txuz nuv lox hâur phax tir thêir têx nênhs fêv nziêk đas luôs lưv tus li heik ntơư, no zos lưv lươngv Công an Việt Nam thiêz Lol Tsuôk cêr sik hux jos truôx./.

Vũ Lợi-Riê Lâux cxeik, nhênhv