Thường trực Hôiv đồng tỉnh Sơn La nhiv kruôr tsưr tsix jiês cơưv hêik pâuz nghị quyết Ủy ban Thường vuv Côx hôiv tso tơưv hâux lưv bâux xêir CHủ tịch thiêz Phưv Chủ tịch Hôiv đồng tỉnh, ntu 2021-2026. Zơưv Lò Minh Hùng, Phưv Bí thư Thường trực Tỉnh ủy, tâu bâux uô Chủ tịch Hôiv đồng tỉnh Sơn La, zơưv Nguyễn Việt Cường, Trưởng Ban kinh têr-Nhiêx txiêx têz qơưk Hôiv đồng tỉnh, uô Phưv Chủ tịch, txix hnuz 21/11/2025. Bí thư Tỉnh ủy Hoàng Văn Nghiệm phôngv jông trâu oz lênhx nênhs nhiv kruôr tâu bâux uô hâux lưv yiêz, sir jos uô hâux lưv, chox car jông bax trâu côngz xưv bâux xêir, mnôngs cử tri têx ziv chênhv thiêz đơưk kho cov tâu jông pêx xênhv têx ziv chênhv, hêik pâuz huv chêi./.

Trấn Long-Lik Thox cxêik nhênhv

3 hnuz tror lok no, nhoz ntâu thax tsav qơư li: Mộc Châu, Tà Xùa, Chiềng Cơi, tỉnh Sơn La tưz lok tê, uô ruôr hiêv txos têx kôngz lôngk. Ntơưv jok Hôm thiêz jok Muông Yên, phường Chiềng Cơi, tê tưz uô ruôr hiêv txos 10 ha têz cà phê. Chiê txo grêk tsơưs têx tsi jông, trâus ruôr hiêv, tsôngv box tưz bax muôz ntâuz tax vor thêir, por hưv têx tsoz chos. Tsênhv qơư kỹ thuật kôngz nuv tỉnh Sơn La thiêz tsênhv qơư dịch vụ lês uô têx hâux lưv uz no cxuô xã, phường tưz tso canr bôv muk qênhz shuôs thiêz kriê pêx xênhv zênhx max muôz têx ntâuz tax vor thêir, nzaz nzơưv têx đrox, kuôr cưk, kuôr blêx uz no chiê vâuv trâu têx hâur pâuk tsoz chos. Iz chas ntơư, heik tsôngv pêx xênhv hâur thax tsav bax đêx zưs têx tsoz chos hâur tas cik sơưr nzor cov đâuk tê zax, blôngx thiêx tsi trâus tuôs no. Đhâu lol đâuk tê, sơưr đơưk cux tsuv tu, qêz suô hur si têx blôngx jênhs, chês lor por tsês, thâuv tưs ntux yar, sor sơưr li muôz têx chês trâus tuôs, tsi jông ntơư txiêr yiz por tsês, zuôv qir trâu cov hlar câuk, hloz lox./.

Thanh Thủy-Riê Lâux cxeik, nhênhv

Nhiv kruôr đhâu, ntơưv Lào Cai, iz tsaz yênhx muôx tsiv gri jông tưz tâu kriz uô, paz muôx tâu shir phaz trâu chor shux xenhz nhoz pêz xar ntus đriv txov nhêv tiv zix. Hâur chêix ntux no nhoz tox siêz Pha Long, cêr lov jêv ntơưv tsêr cơưv nhuôv zâu Xà Khái Tủng sor so đuô thâuv kriz uô cxiv tsa luz tsêr cơưv yiêz tâu cxiv tsa uô. No zos kror hâux lưv kriz thơưx trâu dưv anr cxiv tsa 6 luz tsêr cơưv ntơưv chor xar Pha Long, Trịnh Tường thiêz Y Tý. Dưv anr muôx tas nro nhiêx txiêx uô 13 tiv đêiv ntâu txix Ủy ban Mặt trận Têz qơưk TP Hồ Chí Minh sik côngv đros Bôv đôiv Pênhz phax têx paz. Bôv đôiv Pênhz phax tỉnh Lào Cai zos taz viv tsưr yưv pênhr. Lơưr zơưv Đỗ Minh Tâm, Phưv Giám đốc Sở Zoz zus tỉnh Lào Cai, txơưx Đảng thiêz Têz qơưk tưz sir jos paz, taz sik, tiv zos thax tsav tox siêz, ntâu thax tsav txov nhêv, nhoz đêz tsuv kriz uô têx tsêr cơưv ntơưv chor jêx jok tsik so zos iz kror phiv liv hâur hâux lưv yưv pênhr: “Đros chor nhiêx tsênhv tsơưs, hâux lưv yưv pênhr txó stas nro chor tsêr cơưv lok sik phiv liv. Viv li, chor côngz trinhx no zuôr zos kror paz zov chênhr chiê paz trâu chor qơư zoz zux sâuv thax tsav sir jos gra siêz tsơưr lươngv zoz zux hâur têx shông zuôr txos”./.

An Kiên-Lik Thox cxêik nhênhv

Txix thâuv fuô uô têz qơưk tsaz yênhx huôv tsar thax tsav tsôngv box heir nênhs tsơưs thiêz tox siêz, ntơưv Điện Biên tưz muôx ntâu luôs hâux lưv huôv tsar uô nox tâu trơưk têk. Lar heik zos zơưv Lò Văn Pâng nhoz xã Nà Tấu, tỉnh Điện Biên qơư uô cuz thaz kok kriêr Hồng Phước. Zơưv Pâng qơư tsiv uô têx xiv huv co tâu yưv pênhr uô jông, txix tor têx hmôngr kok txos trâu uô cuz thaz, jiêz kra kruôr thiêz ntiv hnaz muôs..... Qơư jiêz kra mak uô lox đar, vor hur si tsi ntuz nas, jiêz kra tâu ntâu têx cuz thaz. Đros thiêz pênhr yưv uô tas muôx 10 tyv đeiv, iz hnuz zơưv Pâng qơư uô cuz thaz kok  kriêr co uô tâu muôx tênhr. Nhiv no iz hnuz tsiv uô txix 1,5-2 tênhr kok, đhâu yưx tas têx nhiêx txiêx uz no, zơưv chuôz zis muôx phênhv sâu tâu 400 tsov đeiv ntâu iz hlik. Cuz thaz kok kriêr Hồng Phước yênhx Điện Biên xiv huv kôngz nuv jông./.

Vũ Lợi-Riê Lâux cxeik, nhênhv