Chủ tịch Côx hôiv Trần Thanh Mẫn nhiv kruôr cir Ủy ban Thường vụ Côx hôiv li Nghị quyết sôr 1870 hnuz 20/10/2025 lok luôs hâux lưv bâux xêir tsar đoanx đại biểu Côx hôiv khoar 15 tỉnh Sơn La. Lơưr co, bâux xêir zơưv Hoàng Văn Nghiệm, Bí thư Tỉnh ủy Sơn La, đại biểu Côx hôiv khóa 15, uô Tsar Đoàn đại biểu Côx hôiv khoar 15 tỉnh Sơn La. Zơưv Hoàng Văn Nghiệm tâu Bôv Chinhr triv chiê cxaz chuôz Ban Chấp hành, Ban Thường vụ, uô Bí thư Tỉnh ủy Sơn La  ntu 2025-2030 txix hnuz 15/10/2025. Uô ntêx co, zơưv Hoàng Văn Nghiệm uô Bí thư Tỉnh ủy, Tsar Đoàn đại biểu Côx hôiv khoar 15 tỉnh Lạng Sơn./.

Thanh Thủy-Lik Thox cxêik nhênhv

             Chủ tịch UB tỉnh Lào Cai nhiv kruôr thôngz đhâu bê 4 dự án yưv pênhr côngz tsov cưv, pênhr yưv uô zos 799 tỷ đeiv ntâu, chiê cxiv tsa têx tsêr cơưv phổ thôngz nội trú têx cấp ntơưv têx xã ntus đriv, hâur co muôx: Tsêr cơưv phổ thôngz nội trú têx cấp 1 thiêz 2 Y Tý, A Mú Sung, Mường Khương thiêz Pha Long. Pênhr yưv txix trung ương li nhiêx txiêx, tỉnh li nhiêx txiêx thiêz têx phênhv huv cêr chei txơưr. Têx côngz tsinhx zuôr tâu yưv pênhr uô uô cê, muôx tsêr trâu cưk kriê, qar cơưv, têx côngz tsinhx txơưr thiêz thax tsav qơư nhoz so trâu shux xênhz, cưk kriê, taz por Bộ zaoz zux li cơ sở chuôz zênhx chuôz tas độ 2. Hâur co, tsêr cơưv A Mú Sung lox tiv zix, đros 36 lớp cơưv trâu 1 cxênhz 260 lênhx shux xênhz; 3 luz tsêr cơưv tsênhv yuôr muôx nhos 28 lớp, 980 lênhx shux xênhz. Ban seiz car dự án yưv pênhr cxiv tsa tỉnh Lào Cai uô tsưr yưv pênhr, uô hâur ntu 2025-2026. Tas nro côngz tsinhx tsuv uô tiêr uô ntêx hnuz 30/8/2026./.

An Kiên-Txâur Vax cxeik nhênhv

             Hợp tác xã Sâm Lai Châu-Khun Há tưz huôv tsar tâu muôx 1.000 ntâu thiêr ndis chos sâm, xar muôx 6.000 tsoz xav tas nro zuz thiêz chor sâm lâul. Iz chas tuôr tsês jông chor sâm txix 3 txos 20 shông, chor thành viên tsênhv tsêx trung uô chor zuz chiê kriz đar thax tsav. Đrâuv Hợp tác xã Sâm Lai châu, ntâu ziv chuôz zis thiêz tôv sik côngv ntơưv chor jêx jok nhoz Khun Há cux đros chos chor yuôx đrox njuôz, hâur co muôx sâm. Tix lâus Lứ Xênhv Zax-tôv tsar tôv sik côngv jok Lao Chải 2, xar Khun Há khav tênhv tsưr ziv chos sâm tsênhv paz muôx tâu ntâu kror jông tsênhv tsênhz: “Têx shông đhâu pêz chos siv mak pov đêx ar, qiv hơưv lok six huv đros. Pox nhuôs sơưr đơưk cux chos ntơưv iz cxiê qơư thiêz pov huôv tsar lok six jông. Khov trâu qênhx shênhx tsênhv tsênhz sâuv thax tsav, pox nhuôs tưz sir jos sik côngv. Nhiv no uô lơưr tỉnh đề anr pêz muôx nhos 5 héc ta sâm thiêz phênhv ntâu zos chos ntơưv chor jêx jok”./.

Khắc Kiên-Lik Thox cxêik nhênhv

             Đhâu 25 hnuz tsi so nriêr zok, lưx lươngv muôx txơưx jênhv ntơưv Lào Cai tưz nriêr tâu lênhx nênhs lơưr kaz ciês hâur txuz tox poz ar lơưk vôngz yêz ô tô bán teiv muôx yưv thâuv kaz hli 9 nhiv kruôr đhâu. Lơưr xor mông yiêz tiv zix, thâuv zuôr txos 5 six zar hnuz kêix hnuz 23/10, Phùng Văn Tuấn tưz tâu nriêr pov ntơưv thax tsav tox poz niêv cêr 279, nhoz xã Minh Lương, huyện Văn Bàn kuz. Li ntơưv, tas nro 3 lênhx nênhs hâur txuz txiêz nav pôngz siêz no tưz tâu nriêr pov. Uô ntêx co, thâuv tas cik hnuz 29/9 tiv trâus coz nas chuô số 10 uô ntux lok nas lox thiêz tox poz zov chênhr, luz yêz bán teiv Nissan Navara thâux tix lâuk Hoàng Văn Định, tix lâuk Hoàng Đức Giang thiêz tix lâuk Phùng Văn Tuấn tưz trâus yênhx puôk cxênhz khối ar poz jêz poz lok vôngz tas nro luz yêz thâuv yêz tsênhv muk đhâu thax tsav qơư no./.

An Kiên-Txâur Vax cxeik nhênhv