Hnuz 26/10 nhiv kruôr đhâu, đoanx côngz xưv Bộ Nhiêx txiêx zos Bộ trưởng Nguyễn Văn Thắng uô thơưx chox đoanx tưz uô hâux lưv đros tỉnh Điện Biên lok huôv tsar kinh tế-xã hội, yưv pênhr côngz thiêz têx hâu nov lês uô cxuô luôs hâux lưv lơưr 2 cấp. Bộ trưởng Nguyễn Văn Thắng heik mênhx, tỉnh hâux lưv chuôz tsar phênhv sâu tâu shông 2025 tax tâu 7,5%, jux juk huôv tsar uô tâu jông đuô hâur têx shông txuôk lơưr co; khav tinhv Chính phủ zuôr sir jos paz chiê Điện Biên uô tiêr têx hâux lưv tso tơưv.

           Trơưk li heik pâuz, 9 luz hlik hâur shôngk shông 2025, tỉnh phênhv sâu tâu tax zuôr xar 7%, muôz pênhr nhiêx huôv tsar uô tax 45% ntâu. Tỉnh njiz trâus phiv liv lok pênhr jos thiêz qơư, têx chuôz zênhx uz no thâuv fuô uô cxuô luôs hâux lưv lơưr 2 cấp. Zơưv Trần Tiến Dũng, Bí thư Tỉnh ủy Điện Biên heik T.Ư krêz đar muôv muôs ntus đriv, cxơưz fuô uô sei têx dưv anr cêr muk chênhr, phênhz pênhr uô 02 dưv anr zov chênhr zos: Por hưv, cxiv kho Tsênhv qơư tir ntâuk tros châuz Điện Biên Phủ thâuv ntêx thiêz chaz xor tênhv txos trâu têx thax tsav tox siêz đêz đrôngs chiê pêx xênhv muôx tênhv tơưk pov cêr./.

Vũ Lợi-Riê Lâux cxeik, nhênhv

           Sik tưr “hlôngr yiêz tsưr ziv yax kriê” ntơưv tỉnh Sơn La tâu kriz uô đêz đar, paz trâu luôs hâux lưv huôv tsar kinh têr, vênhx huôv, xar hôiv ntơưv thax tsav qơư. Ntơưv jiês cơưv hêik pâuz kriz uô Chỉ thị 11 ntu 2021-2025 tâu kriz uô hnuz 27/10, Ủy ban tỉnh Sơn La muôz ntơưr kruôk trâu 9 tập thể, thiêz 4 lênhx uô tâu hâux lưv jông; Ban Chox kriê tỉnh kruôk 5 tập thể hâur Giải pov tsir lok tsênhv njiêz “hlôngr yiêz tsưr ziv yax kriê” ntu 2023-2025”, đros co zos muôz 5 giải A, 5 giải B, 5 giải C thiêz 15 giải khuyến khích trâu cxuô zav jax sâu pov tsir. Hâur co, VOV Tây Bắc muôx iz giải A, 1 giải Ba, 1 giải C thiêz 2 giải khuyến khích nhoz chor zav pov tsir nta suôz. Hêik ntơưv jiês cơưv, zơưv Lò Minh Hùng, Phưv Bí thư Thường Trực Tỉnh ủy Sơn La hêik mênhx: “Cur njênhs tiêk, cxuô cấp ủy, chinhr quyền, cxuô ban nganhx, mặt trận têz qơưk thiêz chor tsưr tsix chinhr triv, xar hôiv txix tỉnh txos thax tsav qơư zuôr phuôx huiz têx tưz uô tâu, chuôz cxaz côngz xưv lênhx tov, chox kriê kriz uô jông chor jênhv vưv, tsưr ziv chiê uô cov tâu jông côngz xưv dân vận, dân chủ ntơưv thax tsav qơư thiêz phongz yaox sik tưr dân vận txơưx, paz uô tâu jông Nghị quyết Đại hôiv đảng bôv tỉnh jiês tiv 16 tưz tso tơưv”./.

Trấn Long-Lik Thox cxêik nhênhv

           Zar hnuz kêix 27/10, Tsêr kho moz Đa khoa tỉnh Lai Châu đros Tsêr kho moz Đa khoa sôr 2 tỉnh Lào Cai tsưr tsix cir ntơưr sik hux jos, siz paz têx txux chi tsưr ziv uô hâux lưv seiz njuôk shuôs, kho moz gênhk. Cêr sik hux jos co tâu fuô uô trơưk cui tinhv têz qơưk, taz por txưv zênhv, muôx chei, vax huôv siz luôs, sik đros muôx liv thiêz huv đros ngênhx y tế 2 tỉnh cêr huôv tsar. Trơưk li tsênhv njiêz cir, 2 tsêr kho moz zuôr sik paz hâur cxuô cêr nuv li: Seiz njuôk shuôs moz, chơưv kho moz hnhar, fêis kho moz gênhk, xênhz zus nhuôs, phax tir thêir têx moz zôngx ziv siz cik uz no..... Têx luôs hâux lưv sik hux jos zos siz paz kriê cxaz tsưr ziv uô hâux lưv thiêz huôv tsar lênhx nênhs muôx txux chi jông, nhênhz chơưv khoa học thiêz hlôngr yiêz tsưr ziv, seiz car tsơưr lươngv, truôx tuk trâu nênhs moz. Six hơưv sik hux jos co, zuôr fuô uô ntêr 5 shông, txix hnuz 27/10/2025 txos hnuz 27/10/2030./.

Báo Lai Châu-Riê Lâux cxeik, nhênhv

         Têx hnuz no, ntơưv ntâu thax tsav qơư trâus đêx ngaz cuôr Lào Cai, pox nhuôs sơưr tsênhv tror sir jos kho đuô uô kôngz nuv, truôx tuk luz nênhx. Pos Hoàng Thị Ánh Tuyết, Phưv Trạm trưởng Trạm Dịch vuv, paz kôngz nuv Trấn Yên hêik tiêk, têx tsưr ziv kho đuô têx trâus ruôr hiêv li txiêr blôngx, njil chiê sâu lok sik tror tu tâu jông chor jâuz caz tsuôk zos kror uô xuz thơưx xưz; tsưr ziv uô jông muk ntêr zos hlôngr yiêz đuô chiê phax tar tâu ntux têz uô ruôr hiêv. Lơưr co hlôngr six hơưv zus ntâu chor caz txix chiv ntux las (hli 8-11) trâu chiv ntux sor (hli 5 -7). Chiê uô tâu kror no, tsuv uô lơưr tsưr ziv tu zus caz hâur têx tsêr thêir vor công nghệ siêz, muôx điều hòa chiê tso jêx tưv cov huv đros, đros trâu muôx qơư zus jông chiê paz zus tâu ntâu đuô. Tsưr ziv no tưz tsik zos hlôngr yiêz tu zus chor lưk caz mak tsênhv hlôngr yiêz đuô tsưr ziv uô nox thiêz: “Cux vav tiêk cxuô cấp, cxuô nganhx muôx nhiêx txiêx chiê paz, uô ntêx zos cxiv tsa tsưr ziv. Zuk tsuv muôx tsưr ziv uô tso, tsuv uô tsênhv tsênhz ntơưv thax tsav qơư chiê pêx xênhv pâuz tuôx sêiz shuôk thiêz cơưv shâuv uô trơưk”./.

Đinh Tuấn-Lik Thox cxêik nhênhv