Đại hội đại biểu Mặt trận Tổ quốc Việt Nam tỉnh Lào Cai  jiês tiv I, ntu 2025 – 2030, tưz uô tâu yênhxx côngz, huv đros. Đại hội tưz xêir tâu 114 ủy viên Ủy ban MTTQ Việt Nam tỉnh khóa I. Phưv Chủ tịch Ủy ban Trung ương MTTQ Việt Nam Hà Thị Nga cux muôx luk kruôk txos Mặt trận Tổ quốc Việt Nam tỉnh Lào Cai; lar hêik zos cxiv uô tâu yiêz 13 cxênhz luz tsêr trâu chor chuôz zis pluôs, pênhr nhiêx tas 1.400 tỷ đêiv. Pos Hà Thị Nga hêik pâuz: “Tsuv nhoz jê px, tsuv mnôngs px hêik, tsuv sik thav đros px, tsuv uôi ntêx nyuôk trâu cxuô luôs hâux lưv chiê px uô trơưk. Đhâu co, Mặt trận Tổ quốc thiêx tror zos tsênhv qơư huôv tsar truôx cêr côngv siêz Đảng têz qơưs thiêz px”

An Kiên -Tsu cxêik nhênhv

            Tỉnh Sơn La tưz uô tiêr luôs hâux lưv sâu nhiêx txiêx têz qơưk shông 2025 nzor đuô 2 luz hlik, co zos khov cxuô cấp, cxuô ngênhx têx sir jos fuô uô tâu jông hâux lưv no. Lơưr heik pâuz, 10 luz hlik hâur shôngk shông, xav hur si têx nhiêx txiêx sâu tâu muôx 25 cxênhz ntâu tyv đeiv, bâuv 138% hâux lưv zok muôz. Ciês phênhv sâu hâur thax tsav muôx 4.520 tyv đeiv, ntâu đuô T.Ư thiêz HĐND tỉnh tsưr ziv tso tơưv. Têx hâux lưv uô tâu co, khov sir jos seiz car, phax tir thêir uô tuôr xuôv, krêz uô tâu jông phênhv sâu tâu txix thax tsav saz đrâuv, nhiêx sir zôngv ar thiêz têx nhiêx sê. Têx nhiêx txiêx sir zôngv hâur 10 luz hlik muôx 15.790 tyv đeiv, bâuv 74% tsưr ziv njuôk xav, taz por sir zôngv tâu trâu têx hâux lưv huôv tsar kinh tế xã hội, côx phax, txiv ngaz thiêz truôx tuk xã hội. Hli 11, Sơn La sir jos cov sâu tâu nzir 500 tyv đeiv, iz chas ntơư, tror hlôngr yiêz têx ntâuz ntơưr hành chính, uô lơưr công nghệ thôngz xor mông hâur seiz car nhiêx txiêx, jux juk uô tâu truôx têx luôs hâux lưv zok muôz./.

Lê Hạnh-Riê Lâux cxeik, nhênhv

           Hnuz xiêz 2/11, ntơưv 3 xã ntus đriv Núa Ngam, Nà Bủng thiêz Sam Mứn, UB tỉnh Điện Biên tưz kriz cxiv uô 3 luz tsêr cơưv ntơưr cxênhx iz, cxênhx oz, pênhr nhiêx cxiv uô zos 600 tỷ đêiv. Co zos 3 hâur 9 dự án tâu tỉnh fuô uô hâur shông 2025 zos đrêiv li Bộ Chính trị luôs hâux lưv tso tơưv. Đros trâu 3 dự án no, Điện Biên tsênhv tâu muôz pênhr nhiêx cxiv uô nzir 6 luz tsêr cxênhx Iz, cxênhz oz txơưr haur shông 2025 no. Chor tsêr cơuv hêik sâu zuôr uô cov tiêr chox lok sir zôngv trâu 8/2026, huv đros shông cơưv 2026–2027. Zơuv Nông Quang Thắng, Bí thư Đảng ủy, Chủ tịch UB xã Núa Ngam hêik pâuz: “Txix ciês tso tơưv luôs hâux lưv cxiv uô tsêr cơưv ntơưr, xã tưz hêik Ban sêiz car dự án sik đros saz lax thôngx ziv thiêz xêir tsov  qơư uô tsêr cơưv ntơưr. Đhâu co, yax kriê hâu nov xã thiêz px jêx jos tsuv sik côngv đas jos tsưr ziv uô. Đhâu co, tưz tâu px thiêz hâu nov cxuô tsênhv qơư thôngx ziv, Dự án  tâu uô txos hnuz 31/8/2026, cov tiêr chox lok sir zôngv”./.

Vũ Lợi -Tsu cxêik nhênhv

             Công an tỉnh Lai Châu nhiv kruôr ruôr por tsês tâu iz txuz nênhs fêv nziêk đas luôs lưv tus nhiêx txiêx đhâu têz qơưk ntơưv tỉnh Kampot, Campuchia. Lưv lươngv muôx vã huôv ntêk tâu 60 ntâu lênhx zos nênhs Việt Nam, hâur co tuôr hâur zos Maiv Xênhv Shôngx, xênhz shông 1999, nhoz huyện Bảo Thắng kuz, tỉnh Lào Cai. Cơ quan Cảnh sát qênhz yuôx tưz ntêk Maiv Xênhv Shôngx đros tas nro chor nênhs zov chênhr, têx lênhx sik đros Maiv uô hâux lưv trơưk chei heik sâuv, sâu tsês ntâu chuôz zênhx phưx vưv luôs hâux lưv qênhz yuôx. Chor nênhs fêv no lơưr sir zôngv têx faz tsưr ziv đas tiêk zos nênhs xa khôngv, công an, tuz lênhv chiê nziêk đas 8 cxênhz ntâu lênhx nênhs hâur tas nro têz qơưk têx nhiêx txiêx, xav hur si muôx 300 tyv đeiv. Thiếu tướng Nguyễn Viết Giang-Giám đốc Công an tỉnh Lai Châu tưz kruôs txos chor công an têx hâux lưv uô tâu jông, iz chas heik cxuô cơ quan muôx vax huôv sik hux jos qênhz yuôx, xưv bluô txos qơư chor nênhs fêv trơưk chei têz qơưk cui tinhv./.

Báo Lai Châu-Riê Lâux cxeik, nhênhv