Dự án cêr kror ar Hoàng Liên- côngz tsinhx zaoz thôngz tsênhv txuôk tỉnh Lai Châu đros Lào Cai ntu đhâu đơưv Ô Quý Hồ tsênhv tâu tỉnh Lai Châu thiêz têx taz viv cik txos ciêr chênhr uô tiêr têx ntâuz ntơưr chiê taz por krêz côngz uô trơưk tsưr ziv hâur hli 11 zuôr txos. Lơưr zơưv Mai Khắc Phượng, Giám đốc Ban seiz car dự án têx côngz tsinhx zaoz thôngz tỉnh Lai Châu- taz viv tsưr yưv pênhr, shông 2025 dự án tâu bax 1 cxênhz 979 tỷ đeiv ntâu nhiêx txiêx. Taz sik, txos nhiv no nhiv kruôr muôz tâu zuôr xar 34 tỷ đeiv, viv hâux lưv uô ntâuz ntơưr yưv pênhr thiêz tsưr ziv njuôs xav kỹ thuật thiêz đấu thầu truz ntêr. “Hâur ntu krêz uô dự án tsênhv yuôr ntâu vênhv thix li côngz xưv car chêx thax tsav qơư, têx ntâuz ntơưr cik txos. Tiv zix zos dự án 2 hâur cêr kror ar li dự án tsênhv muôx 90 tỷ nhoz thax tsav tỉnh Lào Cai, mak nhiv no pêz tưz sik côngv đros phường Sa Pa chiê krêz uô. Taz sik, nhiv kruôr đhâu qiv hơưv sâuv thax tsav muôx ntâu txơưr txar, ntux lok nas ntâu viv li cux njiz ntâu phêv liv hâur ntu krêz uô”./.

Khắc Kiên-Txâur Vax cxeik nhênhv         

             Hnuz 22/10, ntơưv xar Chiềng Khương (huyện Sông Mã kuz), Bôv Chỉ huy Quân sự tỉnh Sơn La tsưr tsix “Jiês kriz uô cxiv tsa tsêr cơưv nội trú Cxênhx iz thiêz Cxênhx oz”. No zos iz hâur 13 côngz trinhx tâu kriz uô lơưr tsưr ziv yưv pênhr cxiv tsa tsêr cơưv ntơưr trâu chor xar ntus đriv, lơưr Bôv Chinhr triv hêik pâuz sôr 81. Tsêr cơưv tâu cxiv tsa sâuv thax tsav đar xar muôx 5 héc ta, ntơưv jok Búa thiêz jok Tân Lập, txâuk trâu xar muôx 1.000 lênhx shux xênhz tuôx cơưv. Dưv anr muôx cxuô nro cxuô kror phưx vưv trâu shux xênhz cơưv ntơưr, xenhz huôx thiêz cơưv shâuv đas jos. Tổng Công ty yưv pênhr huôv tsar Tsêr thiêz Đô thị (Bôv Côx phax) zos taz viv uô, đros sir jos uô cov tiêr uô ntêx hnuz 30/7/2026. Bôv Chỉ huy Quân sự tỉnh-tsưr yưv pênhr dưv anr- hêik zuôr sir jos uô cov huv zos tsơưr lươngv, hnuz nhôngs thiêz uô cov tâu jông, sik côngv truôx đros thax tsav qơư chiê nzor muôz côngz trinhx lok sir zôngv./.

Thanh Thủy-Lik Thox cxêik nhênhv

             Uô li chas chiê huôv tsar công nghiệp mak tsênhv tuôr truôx jông tâu trôngz jôngr chiv xênhz, cêr vênhx huôv thiêz tsôngv box li luz nênhx shir phaz? Ntơưv Lào Cai, têz trâu lo luk co ziv hnuz ziv tâu pov tsênhz: li muôx têx xeir tsov chiê zaz zâuv yưv pênhr, tsov cưv txos công nghệ siêz thiêz jông trâu tênhx qơư. Xav txos nhiv no, tas nro tỉnh Lào Cai tưz muôx zuôr xar 1 cxênhz 500 dự án muôx txux zôngv đros tas nro pênhr đăng cir zos 945 cxênhz tỷ đeiv ntâu. Tiv zix zos nhoz tsơưr lươngv mak Lào Cai tso tơưv: tsov cưv dự án cxênhx txuôk năng lượng, công nghệ yưr lir tênhx qơư tsov cưv yiêz, tiv zix zos têx dự án muôx yênhx tưv siêz. Lok vênhv thix no, zơưv Phạm Trung Lân- Phưv giám đốc Sở công thương tỉnh Lào Cai puz pâuz cxaz: “Pêz hlôngr trâu ntu zos xeir lênhx nênhs yưv pênhr. Tso tơưv zoz qơưx zos têx dự án yưv pênhr lok têx thax tsav, qơư công nghiệp tsuv muôx phênhv yưv pênhr huv đros, cxuô zav meir thiêz chuôz zênhx, zôngv công nghệ yiêz, cxênhx txuôk trâu tênhx qơư thiêz por vêv tênhx qơư”./.

TTTB-Txâur Vax cxeik nhênhv

           Nhoz xar Mai Sơn, tỉnh Sơn La, niêv tix Nguyễn Thị Bích Hoài ziv chuôz zis nhoz tiểu khu 32, muôx ntâu shông chos chor txir na. Txix thâuv sir zôngv têx kỹ thuật uô txir na muôx tsơưr lươngv jông, niêv tix chuôz zis chor txir na tưz tsar ndê ntâu đuô. Muôx 2 héc ta, chiv shông no chuôz zis njuôk xav zuôr sâu tâu muôx 30 ntâu tấn, sâu tâu lok xar muôx 1 tiv đêiv đhâu xav tas têx côngz đas jos uô, khov co chuôz zis luz nênhx ziv hnuz ziv truôx tuk đuô: “Muôx chor nôngz txir na Thái no, pêz cux hlôngr uô jux juk txix ghép trâu chor txir na ntơưv qơư, lok zik zuôr chor zuz lok chos. Chos chor txir na no mak tsiv gri siêz đuô, tiv zix oz pêz shông xuz thơưx têx thâuv muôs tâu muôx 100 cxênhz đêiv iz cir; tov kaz no ntâu chuôz zis chos nzir ntâu viv li gri grêk kik mê njil, taz sik cux truôx tuk; njuôk xav shông no cur chuôz zis zuôr sâu tâu muôx 30 tấn txir”./.

Trấn Long-Lik Thox cxêik nhênhv