Kriz uô Bôv Chinhr triv luôs hâux lưv tso tơưv sôr 81 lok yưv pênhr cxiv tsa tsêr cơưv ntơưr trâu xar ntus đriv, tỉnh Sơn La tưz sir jos chox kriê thiêz huiz tôngv chor pênhr jos chiê kriz uô dưv anr ntơưv 13 xar ntus đriv. Ủy ban tỉnh muôx ntâu ntâuz ntơưr zov chênhr, yênhx lix Ban chox kriê kriz uô dưv anr, tso tơưv tsưr ziv 207 hnuz 9/10/2025 thiêz choz trâu tsưr yưv pênhr, sir zôngv cxuô kror chiê uô cov tâu tiêr li tsưr ziv tso tơưv. Txos nhiv no, tas nro 13 xar tưz uô tiêr cêv kuôk qơư cxiv tsa, 12 hâur 13 xar tưz uô tiêr hâux lưv xav jênhv têx qơư uô, pâux nzir. Njuôk xav uô ntêx hnuz 25/10, cxuô thax tsav qơư zuôr thêv nhiêx trâu pêx xênhv. Chor ntâuz ntơưr nhênhz chơưv zuôr tâu muôz chiê xav jênhv, tso chêi uô uô ntêx hnuz 30/10. Tỉnh Sơn La tưz kriz uô ntơưv 3 xar: Phiêng Pằn, Chiềng Khương thiêz Mường Lèo; 8 xar tsênhv yuôr njuôk xav zuôr kriz uô hnuz 30/10. Tiv zix, xar Lóng Sập tâu xêir tsưr tsix jiês kriz uô đros tas nro têz qơưk lơưr Thủ tướng Chinhr phuv chox kriê trâu hnuz 2/11, đros muôx Đảng, Têz qơưk đros cơưv kriz uô./.

Trấn Long-Lik Thox cxêuk nhênhv

Tsêr kho moz đa khoa số 1 tỉnh Lào Cai nhiv kruôr tsưr tsix ntênhs chiv nhênhv 70 shông yênhx lix (27/10/1955-27/10/2025). No zos jiês coaz tsôngv hâur ntu huôv tsar, ndar txos tsưr ziv yênhx lix tsêr kho moz jông cấp tỉnh, tuôr truôx pưs txux tsêr kho moz thax tsav. Qir thơưx zos “ tsêr chơưv kho moz” zos Pháp cxiv uô đros muôx 25 luz txax kho moz shông 1955, txos nhiv no tsêr kho moz tưz muôx 750 luz txax trâu nênhs moz, zos tsêr kho moz hov 1 hâur tỉnh. Hâur 70 shông đhâu, tsêr kho moz uô tsưr 80% ntâu têx kỹ thuật tâu Bộ y tế thôngz đhâu, hâur co muôx 1 cxênhz 280 kỹ thuật jông; qênhx shênhx nênhs moz tsuv xa muk tuyến txơưr tsi nto 2%. Zos taz viv xuz thơưx hâur nganhx y tế, tsêr kho moz nhoz 35 taz viv muôx bệnh án điện tử, thiêz thêv nhiêx txiêx tsi zôngv txos nhiêx ntơưr. Lênhs tov Bộ y tế thiêz tỉnh LÀo Cai kruôk txos tập thể tsêr kho moz li têx sir jos, thôngx cxix thix ziv tror huôv tsar chuyên khoa tsênhv, uô tiêr trâur nuv tsêr kho moz yiêz, tsi nhos zos tsêr kho moz jông tiv zix hâur tỉnh./.

An Kiên-Txâur Vax cxeik nhênhv

Cuêv fix tưz tsik zos paz trâu pêx xênhv tox siêz Lai Châu muôx nzir phênhv sâu mak tsênhv paz muôx ntâu tsiv gri lok tênhv qơư, muôx jôngr vor têx tox trôngz, paz muôx đêx, uô trâu ar nông, paz phax tar qiv hơưv txơưr txar. Nhiv no pêx xênhv tưz muôx siêz njênhs trâu chor cuêv fix thâuv muôx tâu phênhv sâu truôx đhâu ntâu shông chos.

Zơưv Đao Văn Khánh, Chủ tịch Ủy ban xar Bum Tở puz pâuz: Đại hôiv Đảng bôv tỉnh Lai Châu jiês tiv 15 tưz tso tơưv tsưr ziv “Sir jos txos shông 2030, tỉnh Lai Châu zos yênhx tỉnh muôx ntâu ntông njuôz, sêi thiêz truôx đrênhk, zos tỉnh huôv tsar hênhr hâur têz qơưk”. Xar Bum Tở nhiv no muôx zuôr xar 1 cxênhz héc ta cuêv fix zos tsoz chos chênhr, sir jos txos shông 2030 ndê muôx 1.500 héc ta, paz uô tâu tsưr ziv chos muôx 30 cxênhz héc ta: “Xar Bum Tở tsêx trung kriz uô tsênhv chêi paz huôv star cuêv fix sâuv thax tsav. Hâur co, pox nhuôs tâu paz 100% zuz cuêv fix chiê chos. Tiv zix, tỉnh tsênhv muôx tsênhv chêi paz hâur 5 shông xuz thơưx chiê pêx xênhv por vêv, tu, paz trâu huôv tsar truôx. Nhiv no, ntâu thax tsav cuêv fix txix 5 txos 7 shông tưz piz jông sâu. Ntu zuôr txos, xar zuôr tror sir jos yax kriê, kriz uô chor phongz yaox , chos cuêv fix sâuv thax tsav, sêiz no zos tsoz chos chênhr, paz trâu pox nhuôs txo grêk yêiz pluôs thiêz huôv star kinh têr truôx đrênhk”./.

Khắc Kiên-Lik Thox cxêik nhênhv

Txix qênhx shênhx têx lênhx nênhs trâus moz muôx ntâu txơưr txar ntơưv xã Nậm Kè (huyện Mường Nhé) kuz, tỉnh Điện Biên, đros muôx 102 lênhx nênhs trâus moz, 1 lênhx trâus tuôs, Phưv Chủ tịch UB tỉnh Vax A Bằng tưz qênhz yuôx, chox kriê uô côngz xưv phax tar moz. Lơưr tsênhv qơư y tế Mường Nhé, thâuv 5 six zar hnuz keix hnuz 23/10, xã Nậm Kè muôx 102 lênhx nênhs muôx moz yưv; hâur co muôx 43 lênhx tưz jông moz, 58 lênhx tsênhv tâu cêv kuôk chiê kho moz. Nganhx y tế tưz sik côngv đros chính quyênx tiv phaz cêv kuôk, tsuôk yuôx tuô caz moz, qênhz yuôx thiêz chuôz tsar yax mông phax tar moz trâu tsôngv box. Phưv chủ tịch UB tỉnh heik krêz uô txos qơư têx tsưr ziv phax tar moz, taz por “4 ntơưv qơư” cxaz nzir lênhx nênhs, yuôx, chuôz zênhx y tế; thôngx cxix tsov cưv txos vêv xênhz taz por zav nox, đêx xênhz huôx thiêz thôngz xor mông muôz siêz siêz xar phax tar moz./.

Vũ Lợi-Txâur Vax cxeik nhênhv