Ban chox kriê TW têx tsaz yênhx têz qơưk li qơư tsov txos nhiv kruôr tsưr tsix Đoanx qênhz yuôx, seiz car, ntâuk grê uô têx Tsaz yênhx têz qơưk li qơư tsov txos ntơưv tỉnh Lào Cai shông 2024. Ntơưv jiês uô hâux lưv, Chủ nhiệm UB mênhx cxưx Hầu A Lềnh, Phưv tsar Ban chox kriê TW têx tsaz yênhx têz qơưk li qơư tsov txos ntu 2021-2025 xar li no, Tỉnh ủy, HĐ, UB tỉnh Lào Cai thâuv tưs cux sir jos chox kriê uô côngz xưv tsưr tsix, krêz uô têx tsaz yênhx têz qơưk li qơư tsov txos truôx jông, paz Lào Cai zos iz hâur têx tỉnh tâu muôz pênhr nhiêx siêz, zos qơư chi cax chiê têx tiv phaz txơưr uô lơưr. Bộ trưởng xar njôngr, đros têx chêx cuk tưz tax tâu, tỉnh Lào Cai tsuv sir jos khưx phưx têx phêv liv chiê krêz uô muôx chêx cuk đuô thiêz têx Tsaz yênhx têz qơưk li qơư tsov txos, gôngr phênhv muôz siêz đuô thiêz tsôngv box luz nênhx./.

VOV4-Txâur Vax cxeik nhênhv

Têis cik hnuz 13/8, ntơưv qơư uô hâux lưv xar Chiềng Nơi, Trung ương Đoàn hluôk nênhs Hồ Chí Minh, Trung ương Hôiv hluôk nênhs Việt Nam sik côngv đros têx taz viv tsưr tsix tsaz yênhx khơưk muôz hax huv trâu pêx xênhv thiêz nhuôs zâu njiz trâus ntux nas chuô ruôr hiêv sâuv thax tsav huyện Mai Sơn, tỉnh Sơn La. Trung ương Đoàn, Trung ương Hôiv Hluôk nênhs Việt Nam tưz khơưk muôz trâu pêx xênhv, hluôk nênhs trâus ntux têz ruôr hiêv sâuv thax tsav xar Chiềng Nơi, huyện Mai Sơn iz tuk qox muk lok txuôk txix qơư pêx xênhv nhoz txos trâu tsêr cơưv nhuôs zâu, Cxênhx iz jok Cho Cong; 2 luz tsêr shir phaz trâu 2 lênhx nhuôv njuôs, trâus poz vâu tsêr ntơưv jok Hua Pư; 2 tấn cxur, 68 poz hax huv ngaz tuk, têx hax huv đros nhiêx txiêx… jênhv paz trâu 2 lênhx mê nhuôv Cuôv Xênhv Zax thiêz Quang Xênhv Vax tsik muôx niêv txir txos thâuv muôx 18 shông.

Phêiz kênh cêr pôngz siêz đros pêx xênhv njiz trâus ntux têz ruôr hiêv, tix lâus Ngô Văn Cường, Bí thư Trung ương Đoàn vav tiêk têx hax huv no zuôr paz tâu iz phênhv tưs trâu pox nhuôs nzor hla đhâu têx pôngz siêz, phiv liv chiê nzor truôx tuk luz nênhx hâur ntu zuôr txos./.

VOV-Lyk Thox cxêik nhênhv

Đhâu jiês tox poz ntơưv xã Tà Xùa, huyện Bắc Yên, tỉnh Sơn La uô ruôr hiêv hnhar lok lênhx nênhs thiêz chuôz zênhx chuôz tas, đros qênhx shênhx ntux nas tsênhv muôx ntâu txơưr txar, chính quyênx xã Tà Xùa, huyện Bắc Yên, tỉnh Sơn La tưz ciêr chênhr huiz tôngv têx lưx lươngv muôx txơưx jênhv seiz jor, canhv pov, txu grês tsôngv kruô, lênhx nênhs tuôx ntơưv tiv phaz hâur ntu no. Zơưv Mùa A Sang, Chủ tịch UB xã Tà Xùa puz pâuz, xã cux vênhv tôngv têx ziv chuôz zis muôv muôs, uô ju lix cir ntơưr tsi tos kruô txix nhiv no txos tas hnuz 16/8:

          “Thâuv mnôngs xã heik kriê, iz cxiê qơư uô ju lix uô trơưk cui tênhv; taz sik cux muôx iz cxiê qơư nhoz têx qơư taz por lơưr cux tsi yuô jông siêz uô trơưk thiêz cux xar tos kruô tuôx chiê muôx phênhv sâu, lok vênhv thix no xã tưz tror vênhv tôngv, yax kriê têx ziv chuôz zis no uô trơưk, chiê txu grês kruô tuôx Tà Xùa hâur ntu no”./.

Trấn Long-Txâur Vax cxiek nhênhv

Cơ quan Cảnh sát Qênhz yuôx Công an tỉnh Điện Biên nhiv kruôr muôx cuêz tênhv kriz uô qênhz yuôx chiê tik cêr cxâuv thiêz cxov cơư tsês Vax Xênhv Hav, Khu Xênhv Zax, nhoz ntơưv jok Húi To, xar Chung Chải; Suôr Xênhv Vax, nhoz jok Cây Sổ, xar Nậm Vì, puôr lênhx nhoz huyện Mường Nhé (Điện Biên); Hưv Xênhv Thox, Dua Xênhv Zax, nhoz jok Nậm Dính thiêz Lùng Xênhv Lâux, nhoz jok Tà Tổng, puôr lênhx nhoz xar Tà Tổng, huyện Mường Tè (Lai Châu), tiv zuôr muôs, thâux gra tsik zos chêi zax zênhz. Đhâu nriêr pâuz, lưx lươngv muôx vax huôv tưz sâu tsês 5 đêiv zênhz đơưz, 6.000 njiêr yuôx shơư zax zênhz. Nhiv no cơ quan muôx vax huôv tsênhv qênhz yuôx uô cov tsênhz mênhx chiê muôz chor nênhs hêik sâu tik cêr cxâuv trơưk chêi têz qơưk têx chêi tso tơưv./.

TTTB-Lik Thox cxêik nhênhv