Hnuz đhâu 14/8, Zơưv Hầu A Lềnh, Bộ trưởng, Seiz car UB mênhx cxưx, Phưv tsar Ban chox kriê têx tsaz yênhx têz qơưk li qơư tsov txos nhiv kruôr đros đoanx côngz xưv uô hâux lưv đros tỉnh Yên Bái chiê ntâuk grê chêx cuk uô têx tsaz yênhx têz qơưk lui qơư tsov txos sâuv thax tsav shông 2024. Txos tas shông 2023, chor ziv chuôz zis pluôk hâur thax tsav tsôngv box mênhx cxưx tsơưs nênhs thiêz tox siêz nhoz Yên bái tsuôk yuôr 12% ntâu. Tas nro tỉnh muôx 17/28 huyện tax ploz tsênhr, uô tiêr jênhv vưv cxiv tsa nôngx cxênhz yiêz…. Bộ trưởng, Seiz car UB mênhx cxưx thix ziv hâur ntu zuôr txos, têx sở, ban nganhx tỉnh Yên bái tror sâu jênhv, cxaz nzir xor mông hâur pov cov chiê uô tsênhz mênhx đuô thiêz têx chêx cuk tax tâ hâur uô têx tsaz yênhx têz qơưk li qơư tsov txos; seiz njôngr TW li chox kriê chiê krêz uô muôx chêx cuk têx jênhv vưv tâu choz; đrâuv co, Yên Bái tsuv uô txos qơư đuô hâux lưv chox kriê têx tiv phaz muôz pênhr nhiêx, taz por uô trơưk cui tênhv tso tơưv…./.

VOVTB-Txâur Vax cxeik nhênhv

Hâur hli lok nas chuô ntâu hâur chêix ntux nas chuô, đêx ngaz cuôr shông no, cxuô cấp, cxuô nganhx thiêz chor lưx lươngv muôx vax huôv tỉnh Lai Châu tưz kriz uô ntâu tsưr ziv chiê phax tar đêx ngaz cuôr, ar poz. Lơưr zơưv Mai Khắc Phượng, Phưv Giám đốc Sở Zoz thôngz-Vận tải tỉnh Lai Châu; đros chor cêr lox, hâux lưv khưx phưx tâu uô huv zos lơưr Bôv Zoz thôngz-Vận tải li Thông tư 69, viv li têx cêr tâu thoz huk, kho đuô cov muk lok tâu thôngz sêi tiv zix thâuv muôx ar poz. Taz sik, đros chor cêr zâu ntơưv thax tsav qơư, chor qơư muôx ar poz txix thâuv hâur chêix ntux nas txos nhiv no nhiv kruôr tâu thoz huk, kho đuô huv trâu iz lênhx yêz muk lok thiêz tsênhv tok cơ quan muôx vax huôv tỉnh qênhz shuôk, xav jênhv, hêik pâuz tsưr ziv chiê khưx phưx: “Nhiv no pêz tưz choz trâu têx taz viv thoz huk, kho đuô, sêiz jor têx cêr yênhx hnuz hmo sâuv chor cêr tâu choz sêiz car. Zos muôx ar xưz poz, uô cêr muk lok tsik tâu, têx taz viv tsuv thoz huk, kho đuô cêr ciês cov têx cêr muk lok tâu thôngz”./.

Khắc Kiên-Lik Thox cxêik nhênhv

Huyện Tuần Giáo, tỉnh Điện Biên tưz ciêr chênhr txar têx ziv chuôz zis nhoz thax tsav qơư riêz nênhs njuôs xav muôx tox poz siêz nhoz thị trấn Tuần Giáo muk nhoz qơư taz por đuô. Lơưr pos Phạm Thị Tuyên, Phưv Chủ tịch UB huyện Tuần Giáo, tỉnh Điện Biên; tiv ntux lok nas ntêr txix hâur hlik hli 7 txos nhiv no, ntơưv thax tsav dốc đỏ, thị trấn Tuần Giáo pov muôx caz xưz ploz ntêr muôx nhos 150 yiv, siêz 42 yi, đros muôx nhos 6 cxênhz 300 yiv ndis thiêz xưz lox xar muôx 2 nto. Nhoz saz hâur caz xưz poz muôx 2 ziv chuôz zis zuôr trâus ruôr hiêv thiêz 10 ziv txơưr cux njuôs xav zuôr trâus zênhr shar: “2 ziv chuôz zis nhoz qơư riêz nênhs tưz tâu txar muk qơư nhoz yiêz. Yuôr têx niêv nhoz iz ndis thax tsav mak tsênhv heik lơưr muk pư thiêz nhoz qơư txơưr uô ntêx. Huyện tsênhv uô ntâuz ntơưr xa trâu thax tsav seiz car cêr ar 1- cục cêr ar VN thiêz chiz coaz seiz car têz qơưk zos Sở zaoz thôngz vênhv teiv tỉnh Điện Biên muôx tsưr ziv yưr lir thax tsav muôx ar xưz poz no” ./.

Vũ Lợi-Txâur Vax cxeik nhênhv

Công an huyện Bắc Hà, tỉnh Lào Cai tsênhv qênhz yuôx, nriêr pâuz iz txuz anr tuô tuôs nênhs muôx yưv sâuv thax tsav. Nênhs trâus tuôs zos niêv tix T Xênhv Zax (xênhz shông 1983), nhoz jok Cồ Dề Chải, xar Nậm Mòn. Nênhs tuô tuôs nênhs tâu xav jênhv zos lênhx pox niêv co tuk txir, Vũ Văn Tâm (xênhz shông 1967). Lơưr xor mông xuz thơưx, tiv siz char siz chês, hmo 2/8, Tâm tưz muôz zuk pox niêv tuô tuôs. Đhâu co, chox pox niêv muk trâu ntơưv tuk qox Bảo Nhai, xar Bảo Nhai por trâu hâur tuk đêx Chảy.

Txuz hâux lưv no tsuôk pâuz tâu thâuv nênhs trâus tuôs tuk nhuôv nxêik lôx hêik trâu cơ quan Công an pâuz. Đhâu qênhz yuôx, cơ quan Công an tưz hu Tâm tuôx nus thiêz Tâm tưz hêik pâuz jênhv tas nro zuk kror uô cxâuv. Nhiv no, cơ quan muôx vax huôv tsênhv sir jos qênhz yuôx, nriêr pâuz txuz anr, đros co zos kriz uô têx tsưr ziv zok nriêr nênhs trâus tuôs hêik co./.

An Kiên-Lik Thox cxêik nhênhv