Txos nhiv no, Lào Cai muôz têx pênhr nhiêx chiê kriz uô têx luôs hâux lưv tưz tâu xar muôx 60% tsưr ziv lơưr Thủ tướng Chinhr phuv cuêz tênhv choz, nhoz hâur têx tỉnh, thành sơưr thơưx muôz tâu têx pênhr nhiêx siêz hâur tas nro têz qơưk. Uô tâu li no zos muôx tas nro cxiv luôs chinhr triv ntơưv thax tsav qơư li sir jos. Txơưv tiêk nhiv no tsênhv zos chêix ntux nas chuô, muôz têx pênhr nhiêx kênhz đuô pir li chor hli uô ntêx, taz sik lơưr Bôv Tài chính, xav txos tas hli 7/2024, Lào Cai muôz têx pênhr nhiêx tâu sơưr tiv plâuz hâur 63 tỉnh, thành.

Ntơưv jiês uô hâux lưv đros Ban Chox kriê Trung ương têz qơưk chor Tsaz yênhx li Đoanx qênhz yuôx, sêiz kaz nhiv kruôr đhâu, zơưv Hầu A Lềnh, Bôv trưởng, Chủ nhiệm Ủy ban Mênhx cxưx hêik thax tsav qơư tsuv sir jos đuô thiêz, sir jos uô cov tâu têx tsưr ziv tưz tso tơưv zos txos tas shông zuôr uô tiêr muôx pênhr nhiêx tâu muôx 100% thiêz tsơưs tiv zix 85% pênhr nhiêx sự nghiệp, txix co paz hlôngr yiêz jông đuô pêx xênhv luz nênhx./.

An Kiên-Lik Thox cxêik nhênhv

Lơưr Sở Zoz zux tỉnh Điện Biên, shông cơưv no nganhx zoz zux thax tsav qơư muôx tsik tâu txâuk zuôr xar 2.076 canr bôv. Hâur co phiv liv tiv zix zos muôx tsik tâu txâuk zuôr xar 300 cưk kriê ntơưr kriê têx môn cơưv, ciês môn luk Anh muôx tsik tâu txâuk 110 lênhx cưk kriê. Qir tiv zos tsik tâu muôx têx tsưr ziv uô jông chiê paz zaz zâuv chor cưk kriê ntơưr tuôx uô côngz xưv ntơưv têx thax tsav ntus đriv. Chor nênhs cơưv tiêr ntơưr kriê têx môn no tsuôk xar uô hâux lưv ntơưv têx thành phố lox muôx phênhv sâu siêz đuô. Zơưv Nguyễn Văn Đoạt, Giám đốc Sở Zoz zux tỉnh Điện Biên puz pâuz:

“Viv muôx tsik txâuk chor cưk kriê ntơưr luk Anh viv li uô ntêx hêik têx huyện zôngx ziv đuô paz trâu têx huyện txov nhêv chiê kriê trực tuyến. Iz zav li Điện Biên Đông muôx 11 tsêr cơưv tsik tâu txâuk chor cưk kriê ntơưr mak hêik thành phố Điện Biên Phủ zuôr paz chiê kriê trực tuyến. Iz chas co xêir tsov chiê chor shux xênhz muk cơưv đhâu xêir zuôr cử tuyển. Đros tsưr ziv co mak ntu zuôr txos cux zuôr paz muôx tâu chor cưk kriê ntơưr kriê luk Anh ntơưv tỉnh”./.

Vũ Lợi-Lik Thox cxêik nhênhv

Txuz tox poz zov chênhr nhoz xã Tà Xùa, huyện Bắc Yên, tỉnh Sơn La tưz uô ruôr hiêv hnhar lok lênhx nênhs thiêz chuôz zênhx chuôz tas. Ntux lok nas ntêr, thax tsav no pov muôx ntâu têx caz xưz poz lox. Côngz xưv khưx phưx paz txưv thiêz ngaz tul luz nênhx trâu tsôngv box thax tsav tox poz tsênhv tâu tiv phaz ciêr chênhr krêz uô. Zơưv Đào Văn Nguyên, Chủ tịch UB huyện Bắc Yên puz pâuz:

“Pêz ntâuk grê đhâu mak muôx nhos 20 ziv chuôz zis thiêz 5-6 tsêr so trâu tsôngv kruô ndis shuôk nhoz saz hâur cêr njuôs xav trâus zênhr shar. Nhiv no pêz tưz chox kriê lưx lươngv seiz jor thiêz txar tas nro têx ziv chuôz zis muk nhoz qơư taz por. Uô UB tỉnh li chox kriê pêz tror seiz shuôk têx ziv chuôz zis trâus zênhr shar thiêz qơư txar muk nhoz chiê yưv pênhr txar qơư nhoz trâu tsôngv box”./.

Lê Hạnh-Txâur Vax cxeik nhênhv

Chiz coaz cảnh sát qênhz yuôx, Công an tỉnh Lai Châu nhiv kruôr tso tơưv cuiz tênhv ntês cơư Tạ Quốc Dân, xênhz shông 1965, nhoz xã Phú Cát, huyện Quốc Oai (Hà Nội) thiêz Hà Đình Tuyên, xênhz shông 2000, nhoz xã Hòa Mạc, Văn Bàn (Lào Cai), viv uô cxâuv cui tênhv lok seiz car vưv qiv, chuôz zênhx cuz tơưs hâur txuz muôz yuôx cuz tơưs tuô poz jêz uô 2 lênhx công nhân trâus tuôs ciês ntơưv tsêr meir đêx tenhv Nậm Cấu, nhoz xã Bum Tở, huyện Mường Tè (Lai Châu). Hâur ntu uô hâux lưv ntơưv công trường, zơưv Dân  heik Hà Đình Tuyên zos lênhx nênhs seiz qơư tsês chuôz zênhx cuz tơưs muôz chuôz zênhx cuz tơưs tsi trơưk chei trâu công nhân tuô poz jêz. Txơưv pâuz zuk hâux lưv uô zos cxâuv cêr chei, taz sik Tuyên cux mnôngs Dân uô cxâuv cui tênhv. Ciês thâuv muôx yưv txuz cuz tơưs heik sâuv, Dân tưz ciêr chênhr hêik cov cxuôv por tsês têx muôx nhoz ntơưv qơư. Thôngx cxix hêik kriê uô chuôr ntâuz ntơưr muôz yuôx cuz tơưs tuô poz jêz, chiê txar jav txơưx jênhv. Hnuz 12/8, chiz coaz cảnh sát qênhz yuôx, Công an tỉnh Lai Châu tưz cuiz tênhv ntêk cxov 2 lênhx nênhs uô cxâuv chêi hêik sâu.

Nhiv no chiz coaz cảnh sát qênhz yuôx, Công an tỉnh Lai Châu tsênhv sir jos qênhz yuôx, uô tsênhz mênhx têx lênhx nênhs, tsưr tsix muôx lênhx coaz txos txuz uô 2 lênhx công nhân trâus tuôs chiê muôz tik cêr cxâuv zos đrêiv chêi têz qơưs chêi tso tơưv./.

Khắc Kiên-Txâur Vax cxeik nhênhv