Nhiv kruôr đhâu, Phòng Cảnh sát qênhz yuôx nênhs phamv cxâuv lok zax zênhz – Công an tỉnh Sơn La sik côngv đros Cục kỹ thuật nghiệp vụ (A06) Bôv Công an thiêz chor lưx lươngv Công an tỉnh Quảng Ninh tưz cxov tâu lênhx nênhs tsuv trâus zok cxov phiv liv thâuv tsênhz nhoz gâuv zos iz lênhx công nhân cxiv tsa.

Lênhx nênhs trâus cxov zos Cầm Văn Bun (zus shông 1986) nhoz jok Huổi, xar Mường Hung, huyện Sông Mã, tỉnh Sơn La. Bun zos lênhx nênhs trâus zok cxov phiv liv lok kror cxâuv zuôr muôs zax zênhz, lơưr Công an tỉnh Sơn La li cuêz tênhv zok cxov sôr 05 hnuz 5/4/2023.

Đhâu côngz xưv xav jênhv, zok nriêr, lưx lươngv Công an Sơn La tưz nriêr pov Bun thâuv tsênhv nhoz gâuv hâur côngz trinhx cxiv tsa qơư đô thị nhoz phường Hùng Thắng, thành phố Hạ Long, tỉnh Quảng Ninh. Nhiv no txuz hâux lưv tsênhv tror tâu qênhz yuôx uô cov tsênhz mênhx./.

TTTB-Lik Thox cxêik nhênhv

Chủ tịch Ủy ban tỉnh Yên Bái Trần huy Tuấn nhiv kruôr cir tso tơưv Quyết tinhv yênhx lix Tổ côngz xưv chox kriê, cxiz uô sei, muôz têx pênhr nhiêx têz qơưk trâu uô chor dưv anr, côngz trênhx zov chênhr hâur thax tsav tỉnh. Tổ côngz xưv uô hâux lưv chox kriê, cxiz thiêz muôz têx pênhr nhiêx txiêx têz qơưk shông 2023 uô têx côngz trênhx, dưv anr zov chênhr hâur thax tsav tỉnh Yên Bái. Sir jos uô jông hâux lưv seiz car lok sâuv yưv pênhr cxiv tsa hâur thax tsav; gra siêz chor tsưr yưv pênhr uô, tsưr tsix, lênhx nênhs lês uô luôs hâux lưv co li tsơưr lươngv. Iz chas ntơư, Tổ côngz xưv cux muôx txơưx jênhv heik trâu tỉnh cov xưv bluô jông têx sở, ngênhx, ntơưv qơư, tsưr yưv pênhr thiêz lênhx nênhs uô tsi jông, tuôr thênhv txos fuô uô têx dưv anr, cux iz zav taz por tsơưr lươngv, muôz nhiêx txiêx uô côngz trênhx li txơưx jênhv./.

Thừa Xuân-Riê Lâux cxeik nhênhv 

Iz lênhx pox niêv nhoz jok Hát Khoang, xar Pú Xi, huyện Tuần Giáo, tỉnh Điện Biên nhiv kruôr trâus tuôs trâu hnuz 16/4 đhâu 2 luz hli trâus đêr zus hâur chuôz zis tov. Uô ntêx co, lênhx pox niêv no muôx moz thiêz tâu qơư y têr njuôk shuôk hêik pâuz tiêk trâus moz vưv.

Chor nênhs cxênhz jê lênhx pox niêv no puz pâuz, 2 hli uô ntêx, lênhx pox niêv no trâus chuôz zis tuk đêr zus tov trâu ndêx puôz saz lâux. Đhâu trâus đêr tov,txơưv tưz tâu canr bôv xar hêik kriê cov cxax yuôx phax moz vưv, taz sik tsik muk cxax yuôx.

Đhâu iz ntu tov kaz, lênhx pox niêv no đas jos cux nhoz liz kuz. Txox hnuz 14/4, thâuv pov trâus moz đraz kâuv, iz chêr tsik thor jông nhoz, tưz tâu nênhs hâur tsêr chox muk Tsênhv qơư Y têr huyện Tủa Chùa chiê njuôk shuôk moz; đhâu co, tâu yêv muk tsêr kho moz Đa khoa tỉnh Điện Biên thiêz tâu njuôk xav tiêk trâus moz vưv; txos hnuz 16/4 chêk trâus tuôs./.

Vũ Lợi-Lik Thox cxêik nhênhv

Thâuv 2 six zar hnuz kêix 18/4, ntơưv jok Pho I, xã Pa Tần, huyện Sìn Hồ, tỉnh Lai Châu muôx iz txuz hluôr tơưk cuz jôngr. Đhâu hlo thâuv qênhz pov hluôr tơưk cuz jôngr, hâu nov ntơưv qơư tưz hu sơưr đơưk, muôx nhos 100 lênhx nênhs muk đros tuô hluôr tơưk. Txos 4 six ntâu zar zuôr tsâuk ntux đros hnuz, sơưr đơưk tuô tâu hluôr tơưk.

Thôngz sâu xuz thơưx tso pov, hluôr tơưk tưz cuz, uô ruôr hiêv tas iz ha jôngr ntông. Chor jôngr ntông heik sâuv zos Ủy ban xã Pa Tần uô tsưr. Qir tiv tsênhv tâu chor lưv lươngv muôx vax uô qênhz yuôx, uô tsênhz mênhx.

Ntâu hnuz đhâu, hâur thax tsav tỉnh Lai Châu ntux cuz sor, kror cxiê kruôr gis guôr. No cux chênhr zos ntu tsôngv box sơưr đơưk ntơưv qơư tsênhv uô liêx têz, zôngx ziv uô hluôr tơưk txeik chis cuz jôngr. Chênhr viv li, lưv lươngv muôx vax huôv tỉnh Lai Châu tsênhv đros hâu nov cxuô thax tsav qơư sir jos yax kriê chiê pêx xênhv gra siêz tsưr ziv jênhv pâuz, đros chênhr phax tsi uô hluôr tơưk txeik har jôngr xuz tsuôs, iz chas ntơư, cir ntơưr chos luk uô jông trơưk têx cui tinhv, tsưr ziv fuô kriê lok sâuv hlơưr têz chiê phax tir thêir tâu zênhx max thiêz jông tsi uô hluôr tơưk txeik cuz jôngr./.

Khắc Kiên-Riê Lâux cxeik nhênhv