Têis cik 18/5, 48.000 ntâu Đảng viên sâuv thax tsav tỉnh Điện Biên tưz sêiz shuôk jông Jiês cơưv tas nro têz qơưk hêik pâuz, kriz uô Nghị quyết 66 lok hlôngr yiêz côngz xưv cxiv tsa, uô lơưr chêi têz qơưk thiêz Nghị quyết sôr 68 lok huôv tsar kinh têr tư nhân. Chôngz lênhx đảng viên ntâuk gri, tsênhv njiêz chor nghị quyết jiês no lok six huv đros tsênhv tsênhz, paz trâu huôv tsar pênhr jos thiêz paz thơưz huôv tsar kinh têr-xar hôiv ntơưv thax tsav qơư. Pos Đào Thị Ngọc Thủy, Ủy viên Ban Chấp hành Đảng bôv, Phưv Chủ nhiệm Ủy ban Qênhz yuôx Huyện ủy Điện Biên hêik pâuz:“Nghị quyết 66 thiêz 68 hêik tơưv Đảng li sir jos chinhr triv lok six lox hâur uô têx chêi têz qơưk thiêz phuôx huiz pênhr jos kinh têr tư nhân. Đros Điện Biên, no zos kror paz trâu sir jos hlôngr yiêz hành chính, gra siêz sêiz car têz qơưk, đros co paz pêx xênhv, doanh nghiệp ntơưv thax tsav qơư sir jos đuô-tiv zix zos hâur kôngz nuv, zuôr muôs nhoz thax tsav ntus đriv thiêz du lịch. Hâux lưv hêik pâuz jông zuôr paz uô hlôngr yiêz jông cxuô kror tsênhv tsênhz hâur tỉnh li huôv tsar”./.

Vũ Lợi-Lik Thox cxêik nhênhv

Tas cik hnuz 18/5, ntơưv thị xã Mộc Châu, tỉnh Sơn La qir tsưr tsix ntênhs krêz côngz uô Dưv anr yưv pênhr cxiv tsa txox cêr muk chênhr Hòa Bình-Mộc Châu, ntu muk đhâu thax tsav tỉnh Sơn La. Cêr muk chênhr Hòa Bình-Mộc Châu zos cêr zov chênhr, thâuv uô tiêr zuôr paz trâu huôv tsar kinh tế, xã hội, ju lix thiêz muôv muôs; zos cêr yiêz, zos đas jos chiê cxơưz Sơn La thiêz têx tỉnh Tây Bắc huôv tsar đros têx thax tsav kinh tế hâur tas nro têz qơưk. Txox cêr co tưz tâu Thủ tướng Chính phủ cir cxaz nzir trâu tsưr ziv huôv tsar cêr muk chênhr VN txos shông 2020, uô txos shông 2030. Xav hur si ntêr muôx 32 cêik ntâu, dưv anr tâu fuô uô txix shông 2025 txos 2028; pênhr yưv uô tas muôx 4.445 tyv đeiv txix T.Ư thiêz tỉnh nhiêx txiêx. Heik ntơưv ntênhs krêz uô cêr txox cêr co, zơưv Mai Văn Chính, Ủy viên T.Ư Đảng, Phưv Thủ tướng Chính phủ heik:“Đros thiêz dưv anr têx jông, muôx liv, cur heik cxuô bộ, ngênhx T.Ư tsuv tsi so moz siêz chox kriê uô dưv anr, zênhx max đơưk têx phiv liv lok ntâuz ntơưr, hâux lưv trơưk li vax huôv tâu choz. Đros thiêz tỉnh Sơn La, tsuv sir jos chox car, kriê uô dưv anr chiê taz por dưv anr uô tâu tiêr trơưk hâux lưv tso tơưv”./.

Thu Thùy-Riê Lâux cxeik, nhênhv

Chiê paz trâu chor txir vải lok zos txir lưv tsiz lox txix têx tỉnh li Bắc Giang, Hải Dương tâu muôs sêi muk trâu saz Trung Quốc, Ban Sêiz car Qơư Kinh têr tỉnh Lào Cai kriz uô tsưr ziv paz trâu chor yêz thâux xa chor txir lưv tsiz lox ntơưv trôngx đrov Kim Thành, piz txix hnuz 20/5. Lơưr tsưr ziv, chor yêz thâux txir lưv tsiz lox zuôr tâu chiê muk đhâu trôngx đriv lơưr iz kror qơư txơưr, đrêk ntơưv qơư nhoz tok uô ntâuz ntơưr chiê muk đhâu, đhâu co muk trâu qơư đrêk yêz ntơưv luz tsêr qênhz shuôk liên ngành chiê tâu muk sêi đhâu trôngx đriv. Hok chor yêz thâux têx hax huv txơưr thiêz yêz Trung Quốc chor yêz khôngz muôs huv tas tror lok cux tâu hêik kriê muk lok jông cov tsik muôx yưv têx phiv liv. Lơưr zơưv Vương Trinh Quốc, Trưởng Ban Sêiz car Qơư kinh têr tỉnh Lào Cai:“Thâuv chor yêz thâux hax huv tuôx txos trâu trôngx đriv Kim Thành, pêz chiê nênhs nhoz tok, kriê muk lok trâu ntơưv têx qơưk đrêk; sik côngv đros pênhz phax, hải quan kho qơư đrêk trâu chor yêz chiê zôngx ziv thiêz uô tâu sêi têx ntâuz ntơưr tiv zix, sir jos paz trâu chor txir lưv tsiz lox tâu muôs sêi tơưv trâu saz đrâuv têz qơưk”./.

An Kiên-Lik Thox cxêik nhênhv

Txos nhiv no, lênhx nênhs trâus moz thiêz chor nênhs trâus tuôs li nênhs hâur tsêr hâur txuz tox xưz poz lok cxuz thiêz trâus ntơưv côngz trênhx đêx tênhv Tả Páo Hồ 1A nhoz jok Lả Nhì Thàng, xã Sì Lở Lầu, huyện Phong Thổ txeik tâu tsưr yưv pênhr uô thiêz chor cơ quan muôx vax huôv hâur tỉnh Lai Châu zuôr xar 1,1 tyv đeiv nhiêx paz. Txos 2 six zar hnuz kêix 17/5, lênhx nênhs tiv 5 hâur 5 lênhx nênhs trâus tuôs tưz zok nriêr tâu. Cơ quan muôx vax huôv ntơưv qơư cux tưz uô têx ntâuz ntơưr chiê choz zok trâu chuôz zis chox muk uô đaz uô kruô lơưr chei phôngz cxưx ntơưv qơư. Xưk li VOV tưz xa mông, thâuv 10 six ntâu tas cik hnuz 16/5, ntơưv côngz trênhx cxiv uô tsêr meir tênhv Tả Páo Hồ 1A, nhoz jok Lả Nhì Thàng, xã Sì Lở Lầu, huyện Phong Thổ, tỉnh Lai Châu tưz muôx tox xưz poz lok cxuz 9 lênhx nênhs thâuv lơưr tsênhv taz tov cxiv puôz, uô njưk tar đêx, hâur co muôx 5 lênhx tưz trâus ar, poz jêz cxuz thiêz trâus tuôs./.

Khắc Kiên-Riê Lâux cxeik, nhênhv