Tas cik hnuz 13/5, Ủy ban tỉnh Lào Cai tưz cơưv fuô uô luôs hâux lưv zuôr tsôngv pêx xênhv ziv chênhv lok dự thảo kho đuô Hiến pháp shông 2013 iz cxiê grê. Jiês cơưv no tâu buôk ti thiêz cơưv txuôk đros 2 chas thax tsav, hu zâuv ntâu cơ quan, taz viv hâur thax tsav tỉnh cxaz chuôz. Kho đuô jiês no chiê khưx phưx têx tsi tâu thôngx ziv, xeir lênhx nênhs lês uô cxuô luôs hâux lưv, iz chas ntơư cux zos khov lok pêx xênhv, pêx xênhv uô tsưr, muôz qơư chuôz jos trâu têz qơưk huôv tsar truôx. Heik ntơưv jiês cơưv, zơưv Hoàng Quốc Khánh, Phưv Chủ tịch Thường trực Ủy ban tỉnh Lào Cai heik mênhx txos kho đuô Hiến Pháp têx zov chênhr; heik tas nro canr bôv, công chức, viên chức thiêz nênhs lox tôngv tsuv seiz co zos hâux lưv lox, zov chênhr, tsuv hu zâuv tâu tsôngv pêx xênhv đros cxaz chuôz chiê dự thảo uô tâu huv đros pêx xênhv tsưr ziv, siêz xar:“Taz por uô tâu truôx jông hâux lưv zuôr ziv chênhv hâur thax tsav tỉnh tsênhz mênhx, jênh tsuv, lar heik zos lok sâuv zoz zux, yax kriê, fuô uô têx luôs hâux lưv co; hu zâuv tâu ntâu tus chôngz lênhx pêx xênhv cxaz chuôz; tiv zix, zuôr pêx xênhv ziv chênhv tsuv tâu uô cxix cxuô, tsênhz mênhx, gra siêz tsơưr lươngv dự thảo kho đuô Hiến pháp shông 2013”./.

An Kiên-Riê Lâux cxeik, nhênhv

Tsưr ziv huôv tsar uô “Hur jông, huv đros”, tỉnh Yên Bái tưz sir jos uô cov pêx xênhv muôx tâu luz nênhx jông đuô. Têx kror uô tâu xuz thơưx, txơưv tsênhv yuôr ntâu kror phiv liv, taz sik tưz puz pov Yên Bái tsênhv sir jos hlôngr yiêz uô tâu ntâu luôs hâux lưv jông, zos iz thax tsav huôv tsar sêi taz sik cux tuôr tsês tâu têx kror jông jav, huv đros tênhv qơư thiêz pêx xênhv muôx luz nênhx shir phaz. Hâur 3 luz hli hâur shông shông 2025, GRDP tâu muôx 9,58%, paz trâu Yên Bái nhoz hâur chor tỉnh sơưr thơưx têz qơưk thiêz thax tsav trung du tox siêz faz Bắc; uô công nghiệp tax tâu muôx 4.450 tiv đêiv, tsar ndê 13% ntâu pir li shông uô ntêx; du lịch tror huôv tsar hênhr, tok xar muôx 742 triệu ntâu lênhx kruô, phênhv sâu njuôk xav tâu muôx 632 tiv đêiv ntâu… Iz chas co, tỉnh cux kriz uô tâu jông thax tsav muôx jôngr nzôngr tox trôngz câuv har zos 63%, nhoz hâur chor tỉnh muôx jôngr ntâu tiv zix hâur têz qơưk; côngz xưv chos jôngr yênhx shông tâu muôx 15.000 ntâu héc ta./.

Báo Yên Bái-Lik Thox cxêik nhênhv

Hâur ntu đhâu, chor tuz nxeik hluôk hloz tsi tâu tiêr nênhs uô cxâuv chei cheix tsar yêz muk lol tâus cêr tsar ndê ntâu. Hnuz 13/5, Tổ Cảnh sát zoz thôngz thax tsav Mường La, Công an tỉnh Sơn La đros Hội Liên hiệp pox niêv thị trấn Ít Ong cơưv fuô uô luôs hâux lưv sik đros seiz car, choz kriê têx nhuôs uô jông trơưk chei cheix yêz muk lol tâus cêr cov zos đrêiv cui tinhv ntu 2025-2030. Jiês cơưv co muôx 16 chi hội tsar pox niêv cxuô jêx jok hâur thax tsav đros cơưv. Ndax trâu ntu no, 16 chi hội tsar, chi hội pox niêv cxuô jok hâur thax tsav thị trấn tưz cir ntơưr chos luk seiz car, choz kriê têx tuz nhuôs uô trơưk chei têz qơưk cui tinhv lok truôx tuk zoz thôngz ntu 2025-2030. Txix hli 1/2023 txos hli 3/2025, tas nro tỉnh muôx 360 txuz uô yêz siz yar siz tsông muk lok tâus cêr, uô tuôs 261 lênhx nênhs, 356 lênhx txơưr đuô trâus saz, uô puôk tsuôx txos ntâu chuôz zênhx, njuôk xav tas 6 tyv đeiv ntâu. Hâur co, 121 txuz uô yêz siz yar siz tsông muk lok tâus cêr cik txos chor tuz nxeik hluôk shux xênhz. Xav hâur 3 luz hlik, txix hli 1-3/2025, tas nro tỉnh muôx 20 txuz uô yêz siz yar siz tsông muk lok tâus cêr, uô tuôs 14 lênhx shux xênhz, 16 lênhx txơưr đuô trâus saz, chor yêz siz yar siz tsông co phênhv ntâu zos yêz meir./.

            Báo Sơn La-Riê Lâux cxeik, nhênhv

    Qênhx shênhx zuôr muôs, sir zôngv têx triêv fov tsik zos chêi, tiv zix zos chor fov chiv chir uô sâuv thax tsav tỉnh Sơn La, tsênhv pov tror chuôz ndê thiêz txơưr txar phiv liv. Hâux lưv sir zôngv chor zav fov no tưz tsik zos uô cxâuv chêi têz qơưk, mak tsênhv muôx yưv ntâu txuz txiêz nanv pôngz siêz, phiv liv txos ngaz tuk xar hôiv thiêz pêx xênhv txox siêz. Thượng tá Nguyễn Trần Phương, Trưởng phòng Cảnh sát Sêiz car hành chính lok ngaz tuk xar hôiv, Công an tỉnh Sơn La puz pâuz: lưx lươngv Công an tỉnh tưz nriêr pâuz qênhx shênhx, chuôz cxaz uô côngz xưv, kriz uô cxix cxuô têx tsưr ziv tsav txênhz, phax tar chor nênhs phamv cxâuv, tiv zix zos têx kror uô cxâuv cik txos triêv fov; tsik so tsưr tsix chor jiês yax kriê, hêik cov choz zok têx triêv fov ntơưv chor jêx jok. Đhâu co, tưz muôx yênhx puô traz fov chiv chir uô tâu pêx xênhv choz zok./.

Báo Sơn La-Lik Thox cxêik nhênhv