Ủy ban tỉnh Sơn La nhiv kruôr hêik trâu Bôv Nội vụ pâuz lok tsưr ziv kho đuô têx taz viv hành chính cấp xar. Lơưr tsưr ziv, tas nro tỉnh zuôr txo grêk txix 200 xar, phường, thị trấn txos yuôr muôx 92 taz viv, zos 87 xar thiêz 5 phường.

Tỉnh tuôr jông 22 xar tiv lax chiê lok uô cê. Đros co, njuôk xav yênhx lix yiêz 65 xar thiêz 5 phường lơưr tsưr ziv chiê lok uô cê txix 2 txos 7 taz viv hành chính nhiv no muôx.

Hâux lưv kho đuô tsênhz mênhx lơưr yênhx thax tsav qơư, li: Quỳnh Nhai yuôr 5 xar; Thuận Châu yuôr 12 xar; Mường La 8 xar; Bắc Yên 7 xar; Phù Yên 10 xar; Yên Châu 6 xar; Mai Sơn 11 xar; Sông Mã 11 xar; Sốp Cộp 5 xar; Vân Hồ 6 xar; thành phố Sơn La yuôr 2 phường, 1 xar; thị xar Mộc Châu yuôr 3 phường, 5 xar.

Hâu nov tỉnh khav tênhv hâux lưv kho đuô tâu kriz uô truôx jông lơưr Trung ương chox kriê, đros uô ntov jông bôv mêir, paz uô tâu jông hâux lưv sêiz car thiêz phưx vưv trâu pêx xênhv./.

Thu Thùy-Lik Thox cxêik nhênhv

Ban chox kriê uô lơưr Bộ Chính trị Nghị quyết 57-NQ/TW ntơưv Lai Châu nhiv kruôr cơưv jiês xuz thơưx, ntâuk grê têx luôs hâux lưv hlôngr yiêz sôr thiêz tso tơưv tsưr ziv fuô uô têx li heik sâuv hâur ntu zuôr txos.

Hâur 3 luz hlik txix hli 1-3/2025, tỉnh fuô uô 56 hâux lưv khoa học-công nghệ, sir jos huôv tsar xiv huv chênhr li: Yuôx zêx, cxur, yuôx đrox njuôz, paz uô tâu jông đuô têx xiv huv li heik co. Tas nro tỉnh tưz muôx mạng txuôk tâu têx sôr laov nhoz 100% sở, ngênhx, thax tsav qơư; fuô uô tâu zuôr xar 200 qơư cơưv txuôk đros 2 chas thax tsav; ntâu lênhx nênhs, pêx xênhv nhoz têx thax tsav đêz đrôngs muôx sóng xor tôngx.... Bí thư Tỉnh ủy Zax Páo mỷ heik pâuz, Lai Châu cux tsênhv njiz trâus ntâu phiv liv, muôx iz cxiê thax tsav tox siêz đêz đrôngs hu tsi tâu xor tôngx, tsi muôx mạng internet. Tỉnh zuôr tsov cưv pênhr jos, fuô uô jông đêx anr huôv tsar tênhx qơư khoa học-công nghệ txos shông 2030, cxơưz cxiz hlôngr yiêz sôr hâur cxuô ngênhx, cxuô cêr nuv./.  

Khắc Kiên-Riê Lâux cxeik, nhênhv

Ntơưv jiês cơưv Ban Chox kriê têz qơưk chor tsaz yênhx tỉnh Điện Biên ntu 2021-2025 hnuz 10/4, chor đại biểu khav tênhv sir jos uô cov sêi, uô cov tiêr chor hâux lưv hâur shông 2025.

Tas nro pênhr uô trâu têz qơưk 3 tsaz yênhx ntơưv tỉnh zos 6.730 tiv đêiv ntâu, txos nhiv no muôz uô tâu xar muôx 4.159 tiv đêiv (zuôr xar 62% tsưr ziv tso tơưv). Taz sik, tsênhv tsik tâu txâuk pênhr nhoz iz cxiê tsaz yênhx, tiv zix zos cxiv tsa jêx jok yiêz thiêz huôv tsar thax tsav tsôngv box mênhx cxưx tsơưs nênhs, hok muôz chor pênhr nhiêx uô muk ntêr mak tsênhv kênhz.

Txơưv tsênhv yuôr ntâu txov nhêv, chor tsaz yênhx tưz paz jông trâu huôv tsar kinh têr-xar hôiv, chor chuôz zis pluôs tâu txo grêk tsơưs 4% ntâu iz shông; txos nhiv no muôx 26 hâur 115 xar uô tiêr cxiv tsa jêx jok yiêz, haur co 5 xar uô tâu jêx jok yiêz jông.

Chủ tịch Ủy ban tỉnh Lê Thành Đô ntâuk gri siêz cxuô cấp li têx sir jos, đros co hêik tror tsêx trung đơưk kho têx phiv liv, hlôngr yiêz tsưr ziv uô chiê uô cov tiêr chor luôs hâux lưv tsênhv yuôr, sir jos uô cov tiêr tsaz yênhx huv zos lơưr tsưr ziv tưz tso tơưv./.

Vũ Lợi-Lik Thox cxêik nhênhv

Lào Cai tso tơưv hâux lưv txo grêk tsơưs têx chuôz zis pluôs yuôr 11% ntâu nhoz 10 xã txov nhêv yax lok shông 2025. Chiê uô tâu luôs hâux lưv co, tỉnh tsênhv sir jos fuô uô têz qơưk têx tsaz yênhx, paz huôv tsar uô nox, muôz hâux lưv uô....trâu tsôngv pêx xênhv.

10 xã tâu xav tinhv zos thax tsav txov nhêv hâur tỉnh ntơư zos: Hoàng Thu Phố, Lùng Cải (Bắc Hà); Dền Thàng, Pa Cheo (Bát Xát); Nậm Chày (Văn Bàn); La Pan Tẩn, Tả Thàng, Tả Ngải Chồ, Dìn Chin, Lùng Khấu Nhin (Mường Khương). Co zos têx suôv qơư txov nhêv đuô hur si, muôx tsi txâuk cxuô zav, chuôz zis pluôs ntâu....

Hâu nov ntơưv qơư tsênhv sir jos yax kriê, paz max pêx xênhv huôv tsar kinh tế, iz chas cxơưz cxiz nênhs lox tôngv muk uô hâux lưv ntơưv têx doanh nghiệp hâur thiêz đrâuv 2 chas têz qơưk, chiê jux juk txo grêk cêr yeiz pluôs, muôx luz nênhx tsâu./.

    DTMN-Riê Lâux cxeik, nhênhv