Tỉnh Sơn La tsênhv sêi đrơưv kriz uô chor dưv anr kho đuô qơư nhoz trâu pêx xênhv ntơưv jok Ngậm, xar Song Pe, huyện Bắc Yên chiê paz ngaz tuk trâu 100 ntâu ziv chuôz zis tiv zôngx ziv muôx ar xưz poz.

Tiv coz chuô sôr 3, hnuz 11/9/2024, ntơưv jok Ngậm pov muôx iz caz xưz jơưx lox, zôngx ziv poz lok cxuz tas nro thax tsav kriz uô tôngx thiêz qơư pêx xênhv nhoz muôx 520 ntâu lênhx nênhs. Đros qênhx shênhx no, Ủy ban huyện Bắc Yên uô tsưr yưv pênhr dưv anr đros tas nro pênhr muôx 65 tiv đêiv ntâu txix chor nhiêx txiêx têz qơưk tỉnh ntu 2021-2025, muôx côngz trinhx zoz thôngz, năng lượng thiêz cxuô kror.

Qênhz yuôx tsênhv tsênhz dưv anr no hnuz 1/4, Chủ tịch Ủy ban tỉnh Sơn La, zơưv Nguyễn Đình Việt, hêik chor sở, nganhx thiêz huyện Bắc Yên tsêx trung đơưk kho têx phiv liv, sir jos uô sêi, tiv zix zos côngz xưv uô qơư nhoz. Zơưv hêik mênhx tsuv sir jos uô chor tsêr cơưv ntơưr, cêr muk lok, ar uô nox, paz ngaz tuk jông trâu pêx xênhv thiêz cxuô zav: “Vav tiêk ntu zuôr txos, thâuv huyện kriz uô chor dưv anr yưv pênhr, mak pox nhuôs zuôr paz thiêz hlôngr njêx muôs Mặt trận Têz qơưk, chinhr quyền xar, sơưr đơưk zuôr mnôngs, nriêr pâuz txos pêx xênhv siêz xar thiêz têx ziv chênhv chiê hâur ntu kriz uô zuôr tax tâu jông thiêz siêz tiv zix trơưk pox nhuôs li siêz nhiêv thiêz luz nênhx”./.

Trấn Long-Lik Thox cxêik nhênhv

Chủ tịch Ủy ban tỉnh Lào Cai nhiv kruôr cir Quyết định heik pâuz zênhx max lok têx zôngx ziv trâus ntux uô ruôr hiêv chiê taz por truôx tuk trâu 31 chuôz zis pêx xênhv nhoz phường Pom Hán, TP Lào Cai. 31 chuôz zis co uô nênhx nhoz trơưk 2 saz ntus cêr 23/9 sâuv ntar trôngz siêz. Uô ntêx co, thâuv hli 9/2024, lok nas lox ntêr hnuz tiv coz nas chuô sôr 03 uô hiêv tưz pov muôx têx caz tơưs xưz ntêr đhâu cêr, zôngx ziv uô tsi truôx tuk trâu tsôngv pêx xênhv.

Txix hnuz 10-13/3/2025, thax tsav no tror lok nas lox, uô têx caz plêz ntơư ziv tơưs xưz lox đuô. Txix têx tsi jông li heik sâuv, Chủ tịch Ủy ban tỉnh heik hâu nov ntơưv qơư thiêz cxuô ngênhx muôx vax huôv zênhx max yêik txar 31 chuôz zis pêx xênhv muk nhoz qơư truôx tuk, qênhz shuôs njôngr têx caz tơưs xưz chiê muôx tsưr ziv phax tir thêir, txar jav; iz chas ntơư qênhz yuôx, ntâuk grê thiêz cxiv kho tax têx tsi jông....lơưr cui tinhv./.

An Kiên-Riê Lâux cxeik, nhênhv

Cơ quan muôx vax huôv tỉnh Lai Châu puz pâuz, thax tsav qơư tưz paz cxiv uô zuôr xar 2.100 luz tsêr trâu chor ziv chuôz zis pluôs, chuôz zis zuôr xar pluôs thiêz chuôz zis muôx côngz trâu têz qơưk, hâur co zuôr xar 500 luz tưz uô tâu tiêr.

Zơưv Lê Bá Thành, Phưv Chủ tịch Ủy ban Mặt trận Têz qơưk Việt Nam tỉnh Lai Châu hêik pâuz, côngz xưv kho đuô chor tsêr đaz tuôs, lav nhoz tsênhv tâu tas nro cxiv luôs chinhr triv-xar hôiv sik côngv đros uô. Taz sik, thax tsav qơư tsênhv yuôr xar muôx 6.700 ziv chuôz zis xar tâu paz kho đuô chor tsêr nhoz, hâur co muôx 5.000 ntâu ziv chuôz zis xar tâu paz cxiv uô yiêz thiêz zuôr xar 1.600 ziv chuôz zis xar tâu paz kho đuô chor vax tsêr. Nhiv no phênhv nhiêx huiz tôngv tâu tsuôk txâuk chiê paz trâu xar muôx 4.000 luz: “Ủy ban Mặt trận Têz qơưk Việt Nam tỉnh thiêz huyện tưz kriz uô cxix cxuô chor tsưr ziv hêik sơưr đơưk đros paz; tsik so tsưr tsix qênhz yuôx, nriêr pâuz qênhx shênhx, chor ziv chuôz zis pluôs, zuôr xar pluôs, chuôz zis txov nhêv lok tsêr nhoz li siêz xar chiê muôx tâu tsưr ziv paz huv đros. Ủy ban Mặt trận Têz qơưk Việt Nam cxuô cấp cux tưz hêik chor doanh nghiệp, tsưr tsix siêz jông, chor ziv chuôz zis bluô nux sik côngv đros paz trâu chor chuôz zis pluôs txix nhiêx txiêx, pêx xênhv tsưr tsix cxiv tsa, côngv thôngx paz hnuz côngz chiê paz trâu chor ziv chuôz zis uô vax tsêr nhoz”./.

Khắc Kiên-Lik Thox cxêik nhênhv

Ủy ban tỉnh Điện Biên nhiv kruôr tso tơưv Quyết định sôr 633 hnuz xiêz 01/4/2025, heik pâuz lok suôx câuv, tsi muôx moz kruô piêk huôv xênhz nhoz xã Pú Xi, huyện Tuần Giáo, đhâu thâuv phax tir thêir tâu thiêz tsi muôx lênhx nênhs tưs trâus moz nzir.

Uô ntêx co, hnuz 25/12/2024, xã Pú Xi muôx 16 lênhx nênhs trâus moz kruô piêk, phênhv ntâu zos shux xênhz têx tsêr cơưv cxênhx nhuôs zâu Pú Xi, cxênhx iz Thẩm Mú, cxênhx nhuôs zâu thiêz cxênhx iz Hua Mức. Hâur têx lênhx nhuôs trâus moz co, tsuôk muôx iz lênhx thiêx tâu cxax yuôx vắc xin phax phôngz moz. Đhâu qênhz shuôs, ngênhx y tế qênhz pov 63 hâur hur si 196 lênhx shux xênhz nhoz têx tsêr cơưv tsi tâu cxax yuôx phax phôngz moz gênhk lok sik tsi pâuz tsênhz shor pok tâu cxax. Ủy ban tỉnh tưz heik pâuz moz kruô piêk huôv xênhz ntơưv xã Pú Xi lok hnuz 28/12/2024.

Chiê phax tir thêir txo grêk chôngz lênhx ntâu tus trâus moz, ngênhx y tế tỉnh fuô uô cxuô faz tsưr ziv phax tar, njuôk xav têx qơư muôx moz huôv xênhz, zôngx ziv siz cik tâu thiêz fuô uô luôs hâux lưv cxax yuôx vắc xin trâu chor nhuôs tsi tâu cxax. Cxuô cơ quan y tế sir jos chơưv kho moz thiêz paz tsênhv qơư y tế huyện Tuần Giáo uô hâux lưv phax tir thêir moz gênhk./. 

    Báo Điện Biên-Riê Lâux cxeik, nhênhv