Lơưr Sở Kôngz nuv thiêz Tênhv qơư tỉnh Lào Cai, coz chuô sôr 3 (Yagi) shông 2024 tưz uô ruôr hiêv ntâu, taz sik txos nhiv no cxuô thax tsav qơư hâur tỉnh tưz phênhv tưs đơưk kho têx phiv liv, paz trâu pêx xênhv luz nênhx tror truôx tuk li kuz.

Đhâu ciês trâus coz chuô ruôr hiêv, tỉnh tưz huiz tôngv tâu 18 tiv đêiv ntâu chiê paz sêi đrơưv (hâur co muôx 4,2 tiv đêiv txix nhiêx txiêx têz qơưk, 14 tiv đêiv ntâu txix chor tsưr tsix, tiz nênhs), muôz têx zav nox thiêz cxuô zav paz trâu pêx xênhv. Đuô li, côngv thôngx gôngr côngv nzir 500 tiv đêiv ntâu; zuôr xar 600 tấn cxur, paz 775 ziv chuôz zis đros muôx 3.100 ntâu lênhx nênhs. Tỉnh cux tưz kho đuô, cxiv uô yiêz 1.730 luz tsêr, cxiv tsa 3 kror qơư nhoz yiêz tsêx trung muôx 90 luz tsêr khor truôx jông, muôx txâuk cxuô kror. Zơưv Lê Tân Phong, Phưv Giám đốc Sở Kôngz nuv thiêz Tênhv qơư tỉnh Lào Cai puz pâuz: “Txơưv njiz ntâu kror phiv liv, uô ruôr hiêv txos kinh têr xar hôiv ntơưv thax tsav qơư, taz sik têx trâus ruôr hiêv txix coz chuô sôr 3 tưz tâu Tỉnh ủy, Hôiv đôngx, Ủy ban tỉnh sir jos paz, thiêz tưz sêi đrơưv paz trâu pêx xênhv nzor truôx tuk luz nênhx. Txos nhiv no, qênhx shênhx uô nox cux li pêx xênhv luz nênhx ntơưv têx jêx jok, têx qơưk trâus ruôr hiêv tưz tâu paz chiê muôx tâu luz nênhx jông đuô”./.

An Kiên-Lik Thox cxêik nhênhv

Tỉnh Yên Bái tsênhv fuô uô ntâu faz tsưr ziv truôx tuk thiêz muôx txâuk tênhv phưx vưv huôv tsar kinh tế, xã hội chiê uô tâu cxuô luôs hâux lưv tso tơưv chuôz tsar 8% ntâu trơưk li Chính phủ zok muôz.

Têx tênhv tso chiê phưx vưv uô cxuô luôs hâux lưv li heik sâuv hâur 3 luz hlik txix hli 1 txos hli 3 hâur thax tsav tỉnh Yên Bái tax 332 tsov kWh, tsar ndê 10% ntâu pir li shông uô ntêx; hâur co, tênhv sir zôngv trâu công nghiệp, cxiv tsa zos 190 tsov kWh (tsav zuôr xar 57%). Zơưv Cao Bình Định, Giám đốc Công ty tênhv tênhz tỉnh Yên Bái heik pâuz: “Pêz hux jos truôx đros Tổng Công ty tênhv tênhz faz Bắc Ban seiz car dưv anr tênhv yưv pênhr cxiv uô qơư tuô tênhv 110KV Bảo Hưng, iz chas muôx txâuk tênhv trâu thax tsav công nghiệp Vilacera, thax tsav công nghiệp Trấn Yên tưz tâu Chính phủ cir mak tsênhv taz por muôx txâuk tênhv trâu têx thax tsav nhoz jê iz ndis co hur si”./.   

Đinh Tuấn-Riê Lâux cxeik, nhênhv

Ntênhk hôiv Then Kin Pang xar Khổng Lào, huyện Phong Thổ, tỉnh Lai Châu tâu tsưr tsix têis cik 7/4.

Tuôx trâu ntênhk hôiv shông no, tsôngv kruô zuôr tâu sêiz txos tsôngv box Thái luz nênhx vênhx huôv cxôngx nzor; tâu nox têx zav nox kaz. Đuô li, tsôngv kruô zuôr tâu sêiz chor hluôk nxêik Thái hnar tsôngk tiêz cxôngx nzor chiê tsâus plâuz hâu. Tiv zix, tsôngv kruô cux zuôr tâu sêiz pov têx pax vuôs xòe thiêz suôz gâux Then-zos oz zav di sản vênhx huôv tưz tâu UNESCO kruôk zos di sản vênhx huôv phi vật thể. Zơưv Trần Mạnh Hùng, Giám đốc Sở Vênhx huôv, Thể thao thiêz Du lịch, Phưv trưởng Ban Tsưr tsix Ntênhk hôiv Then Kin Pang shông 2025 ntơưv Lai Châu puz pâuz: “Ntênhk hôiv shông no muôx iz cxiê kror yiêz zos tsưr tsix hnar tsôngv box Thái ntơưv Lai Châu têx tsôngk tiêz tsôngk yo cxôngx nzor; tsưr tsix hu gâux Then, trax tính thiêz đhiê 6 zav pax vuôs xòe lâul, tiv zix zos muôx têx huôx tôngv jông hâur đêx. Đhâu ntênhk hôiv, tỉnh zuôr tror yax kriê, piêr txos trâu pêx xênhv thiêz tsôngv kruô pâuz txos tsôngv box Thái thiêz tsôngv box cxuô mênhx cxưx tỉnh Lai Châu li têx tsiv gri jông cxôngx nzor. Txix co tror phuôx huiz tâu jông têx tsiv gri vênhx huôv thiêz paz thơưz huôv tsar du lịch”./.

Khắc Kiên-Lik Thox cxêik nhênhv

Thị xã Mộc Châu (Sơn La) txix thâuv nzor lok tưz zos qơư muôx jông cxuô tsar zav. Iz chas ntơư, hâur thax tsav tsênhv por hưv, tuôr tâu tsês ntâu qơư di tích vênhx huôv, lịch sử jông thiêz. Trơưk li pos Nguyễn Thị Hoa, Phưv Chủ tịch Ủy ban thị xã, têx qơư di tích cấp têz qơưk li: Kror tsuô puôr, di tích Trung đoanx 52 Tây Tiến, Zênhx Mộc Lỵ....tưz tâu yênhx lix ban seiz car thiêz krêz uô tâu jông phưx vưv tsôngv kruô tuôx ndis seiz uô si. Iz shông, têx qơưk li heik co hu zâuv yênhx puô lênhx kruô tuôx ndis shuôs uô si, gra lok phênhv sâu tâu yênhx tyv đeiv:

“Pêz xar tiêk, chiê huôv tsar uô tâu têx qơư ju lix, qơư di tích đros trâu hu zâuv tsôngv kruô tuôx ndis seiz têz qơưk uô si hâur thax tsav mak xuz thơưx pêz tsuv yưv pênhr kho đuô, uô jông têx qơư di tích ntơư, taz por cê zos qơư di tích lịch sử cê zos xiv huv ju lix, chiê zôngx ziv trâu kruô muk lol ndis seiz uô si, piêr kriê trâu sơưr đơưk pâuz txos têx muôx jông thiêx ziv hnuz ziv hu zâuv tâu ntâu tus chôngz lênhx kruô tuôx ndis shuôs uô si”./.

    Trấn Long-Riê Lâux cxeik, nhênhv