Tỉnh Sơn La tsênhv bax uô cxuô luôs hâux lưv chiê krêz uô txox cêr muk chênhr Hòa Bình-Mộc Châu ntu muk đhâu thax tsav tỉnh Sơn La lok hnuz 19/5 shông no. Zơưv Nguyễn Đình Việt, Chủ tịch Ủy ban tỉnh Sơn La, Tsar ban chox kriê tưz heik cxuô sở, ngênhx hâur tỉnh; thị xã Mộc Châu thiêz huyện Vân Hồ tror sir jos siz paz uô cxuô luôs hâux lưv zok muôz, chiê bax uô tâu dưv anr trơưk tsưr ziv tso tơưv. Lơưr Sở cxiv tsa Sơn La heik pâuz, txos nhiv no, Chủ tịch Ủy ban tỉnh Sơn La tưz cir ntơưr heik pâuz nhênhz chơưv fuô uô 03 dưv anr zos: Pâux nzir ar, paz yêik txar qơư nhoz trâu tsôngv pêx xênhv hâur huyện Vân hồ, huyện Mộc Châu (nhiv no zos thị xã Mộc Châu) chiê zuôr qơư uô txox cêr muk chênhr heik sâuv; dưv anr yưv pênhr cxiv tsa côngz trênhx zoz thôngz. Nhiv no tsưr yưv pênhr uô têx dưv anr heik co tsênhv zênhx max chox kriê fuô uô dưv anr têx luôs hâux lưv tsênhv yuôr./.

VOVTB-Riê Lâux cxeik, nhênhv

Nhiv no, tas nro tỉnh Yên Bái kriz uô truôx jông thax tsav yuôx zêx 7.400 héc ta, sâu tâu muôx 68 cxênhz ntâu tânz iz shông. Sik côngv uô hâur hâux lưv no tưz paz trâu thax tsav yuôx zêx tsêx trung tas nro tỉnh muôx 5 cxênhz héc ta. Đros co, yưv pênhr chor mêir uô yiêz jông, cxuô ntu uô cux tâu uô jông cov têx hax huv tax tâu ploz tsênhr jông tiv zix. Iz hax huv yuôx zêx tưz tâu cir jênhv đros chor siêu thị, qơư muôs hax huv đrâuv tỉnh; tâu chor nênhs sir zôngv nhiêv zuôr thiêz muôs ciês muk trâu têx têz qơưk txơưr li: Anh, chor têz qơưk EU li: Hồng trà Shan tuyết; Diệp trà Shan tuyết; Tuyết sơn trà Suối Giàng…/.

BaoYen Bai-Lik Thox cxêik nhênhv

Ntơưv tox siêz Lai Châu, ntâu lênhx đảng viên hluôk tưz thiêz tsênhv khav tinhv uô ntêx nyuôs hâur huôv tsar kinh tế, uô tâu trơưk têk, cxơưz paz hâur thax tsav hlôngr yiêz. Đảng viên Lò Văn Vượng nhoz xã Mường Than, uô ntêx nyuôs hlôngr yiêz zuz nôngz tsoz chos, tsiêx tu zus li: Huôv tsar chos tsoz dâu tây, txir khơưz, txir lưk pax thiêz tu zus buô, iz shông muôx phênhv sâu tâu 300 tsov đeiv. Niêv lâul Phan Thị Huyền, nhoz thị trấn Than Uyên uô tâu yênhx côngz luôs hâux lưv uô grêix caz puôz kra kruôr muôx suôz bê to, iz shông muôx phênhv sâu tâu 300 tsov đeiv. Tix lâus Páo Xênhv Muôk nhoz xã Tà Mung huôv tsar uô tâu jông luôs hâux lưv chos yuôx zêx trơưk VietGAP, muôx phênhv sâu tâu ntâu nhiêx txiêx.... Tsi tas li, têx lênhx đảng viên hluôk heik sâuv tsênhv sik heik kriê tsưr ziv uô nox, muôz hâux lưv uô trâu lox tôngv hâur thax tsav, paz cxơưz kinh tế xã hội huôv tsar. Huyện Than Uyên cux muôx ntâu chei paz chor hluôk nênhs huôv tsar uô nox, uô hnar chiê sơưr đơưk sik đros muôx luz hlôngr yiêz, tsâu sor, cxơưz paz hâur thax tsav huôv tsar./. 

            DTMN-Riê Lâux cxeik, nhênhv

Ntênhk hôiv pax lâus shông 2025 thiêz Hnuz hôiv Vênhx huôv, Thể thao, Du lịch cxuô mênhx cxưx tỉnh Điện Biên jiês tiv 8 tưz tok muôx 50 cxênhz ntâu lênhx kruô du lịch tuôx ndis shuôk, uô si. Tas nro phênhv sâu txix huôx tôngv du lịch njuôk xav tâu muôx 92 tiv đêiv ntâu, paz gôngr côngv trâu sâu nhiêx txiêx têz qơưk thiêz paz thơưz huôv tsar kinh têr-xar hôiv thax tsav qơư. Ntênhk hôiv pax lâus shông no muôx ntâu huôx tôngv vênhx huôv, thể thao thiêz du lịch jông. Thik tưr nênhs jông gâux thax tsav pax lâus tror zos kror tâu sơưr đơưk nhiêv sêiz txos, tưz tsik zos kruôk txos chor hluôk nxêik jông gâux mak tsênhv zos hêik txos têx vênhx huôv mênhx cxưx jông nhoz Tây Bắc. Nênhs tâu kruôk zos nênhs jông gâux thax tsav pax lâus shông 2025, Trần Linh Đan hêik pâuz:

“Cur lok six shir phaz thâuv tax tâu kror khơưk kruôk siêz tiv zix hâur jiês thik nênhs jông gâux thax tsav pax lâus. Đros zos nênhs jông gâux tiv zix thax tsav pax lâus, cur zuôr sir jos piêr pâuz lok du lịch Điện Biên, cxuô mênhx cxưx Điện Biên têx vênhx huôv, paz hêik pâuz cxuô kror thiêz lênhx nênhs ntơưv Điện Biên txos trâu têx fôngx zưs hâur thiêz đrâuv têz qơưk pâuz”./.

Vũ Lợi-Lik Thox cxêik nhênhv