Hnuz 10/3, Tỉnh ủy Lai Châu tsưr tsix hêik pâuz Ban Bí thư li cuêz tênhv lok côngz xưv canr bôv thiêz bâux xêir nzir 1 ủy viên Ban Thường vụ Tỉnh ủy đros 2 ủy viên Ban Chấp hành Đảng bôv tỉnh. Lơưr cuêz tênhv sôr 1955-QĐNS-TW, Ban Bí thư hêik chiê zơưv Vương Thế Mẫn, Giám đốc Sở Công Thương, Đại tá Đặng Vĩnh Thụy, Chỉ huy trưởng Bôv Chỉ huye Quân sự tỉnh Lai Châu cxaz chuôz Ban Chấp hành Đảng bôv tỉnh Lai Châu, six cxiv 2020-2025. Jiês cơưv tưz hêik pâuz Ban Thường vụ  Tỉnh ủy Lai Châu khóa 14 li tờ trình, six cxiv 2020-2025 lok hêik pâuz bâux xêir nzrr Ủy viên Ban Thường vụ Tỉnh ủy khóa 14, six cxiv 2020-2025; đros co zos tso ntơưr trâu Đại tá Đặng Vĩnh Thụy, Chỉ huy trưởng Bôv Chỉ huy Quân sự tỉnh cxaz nzir trâu Ban thường vụ Tỉnh ủy khóa 14, six cxiv 2020-2025, đros chor ntơưr bâux muôx 100%./.

Khắc Kiên-Lik Thox cxêik nhênhv

Sik tưr ndê trôngz siêz tỉnh Lai Châu jiês tiv 3 zuôr tâu uô hâur 2 hnuz 22 thiêz 23/3/2025 ntơưv jok ju lix côngv thôngx Sì Thâu Chải, xã Hồ Thầu, huyện Tam Đường (Lai Châu). Têx lênhx nênhs sik tưr txux chi co zuôr qir muk txix jok Sì Thâu Chải txos trâu sâuv trôngz siêz xar muôx 3 cxênhz thiêr pir li đêx hiêr. Zơưv Trần Quang Kháng, Phưv Giám đốc Sở Vênhx huôv, Thêv thao thiêz ju lix tỉnh Lai Châu, Tsar ban Tsưr tsix sik tưr thik heik pâuz: Siz tưr ndê trôngz siêz tỉnh Lai Châu jiês tiv 3 shông 2025 tâu tsưr tsix chiê cxơưz cxiz ju lix, hu zâuv têx doanh nghiệp txeik tok kruô tuôx ndis shuôs têz qơưk uô si thiêz chor nênhs yưv pênhr tuôx cxiv tsa, huôv tsar txux chi sik tưr ndê trôngz yênhx ntơưv qơư iz txux chi ju lix jông:

“Co zos luz trôngz siêz nhoz sâuv trôngz Putaleng thiêz tưz tâu Hội kỷ lục Việt Nam côngk nhav zos thax tsav muôx pax đỗ quyên ntâu đuô hur si hâur Việt Nam. Jiês sik tưr no uô reik đros xor xưv ntênhs hội Putaleng yênhx xor xưv lox chiê piêr kriê têx muôx jông, tsôngv box cxuô heir nênhs Lai Châu li txux chi vênhx huôv trâu tsôngv kruô hâur thiêz đrâuv 2 chas têz qơưk pâuz txos, đhâu ntơư, cxơưz cxiz ju lix huôv tsar”./. 

Khắc Kiên-Riê Lâux cxeik, nhênhv

Ntênhk hôiv pax lâus thành phố Sơn La shông 2025 zuôr tâu tsưr tsix trâu hnuz 15 thiêz 16/3 zuôr txos ntơưv thành phố Sơn La, tỉnh Sơn La đros muôx ntâu huôx tôngv jông. Zơưv Trần Công Chính, Phưv Chủ tịch Ủy ban thành phố Sơn La puz pâuz, chor huôx tôngv muôx hâur ntênhk hôiv zos: Sik tưr nthuôr uô cêr lov jêv đhiê pax vuôs xòe Thái; sik tưr xơưk fuôv txiêx; thik tưr hnar têx tsôngk yo mênhx cxưx; giải ndê trôngx Hài; tsưr tsis chor zav uô si cxôngx nzor (sik truz hluô, tó má lẹ, tâus qox shôngz)… pir li chor jiês tsưr tsix uô ntêx, ntênhk hôiv shông no muôx ntâu kror yiêz thiêz jông sêiz đuô:

“Shông 2025, Ntênhk hôiv pax lâus Thành phố Sơn la muôx nzir chor huôx tôngv li paz trâu “Câu lạc bộ nhiêv vênhx huôv mênhx cxưx Thái” tsưr tsix chor huôx tôngv sik thav đros pox nhuôs nhoz cxuô thax tsav qơư hâur tỉnh thiêz têx tỉnh txơưr tuôx sêiz shuôk ntênhk hôiv. Tiv oz zos hâur chor huôx tôngv ntênhk hôiv mak muôx têx chiv xênhz ntâu đuô. Thâuv ntêx no, ntênhk hôiv phênhv ntâu zos tâu tsưr tsix ntâuk Quảng trường mak shông no muôx nzir chor huôx tôngv ntơưv trôngz pax lâus; ntơưv chor paz Phong Linh trơưk ntus đêx Nậm La; huôx tôngv ndê trôngz Hài thiêz iz cxiê huôx tôngv txơưr đuô… chiê zaz zâuv chor nênhs nhoz cxuô qơư tuôx uô si, nriêr pâuz txos têx huôx tôngv hâur ntênhk hôiv”./.

Thu Thùy-Lik Thox cxêik nhênhv