Hnuz 23/4, Thượng tướng Suvon Luongbunmi, Phưv Chủ tịch Côx hôiv Lào, đros đoanx côngz xưv tưz sêiz yuô, uô hâux lưv ntơưv tỉnh Sơn La. Phưv chủ tịch Côx hôiv Lào hêik mênhx, Sơn La zos thax tsav qơư muôx chax chês zênhz shôngx cách mạng, thiêz tưz tso nênhs muk uô jênhv vưv ntiêx têz ntơưv Lào hâur ntu ntâuk tros châuz thâuv ntêx no. Thiêz txos nhiv no, Sơn La cux sir jos paz, tiv zix zos ntơưv 9 tỉnh têz qơưk Lào tưz sik côngv. Bí thư Tỉnh ủy Sơn La, zơưv Hoàng Quốc Khánh puz pâuz, muôx buôs ti đros têz qơưk Lào, tỉnh Sơn La tsik so zos qơư paz trâu coangz siv nhoz oz têz qơưk. Nhiv no tỉnh muôx coangz siv sik côngv cxuô nro đros 9 tỉnh saz têz qơưk Lào sâuv ntâu kror. Txix shông 2022 txos nhiv no, tỉnh Sơn La đros têz qơưk Lào têx tỉnh tưz muôx 25 sêiz lax sik côngv tâu cir nhoz cxuô cấp, cxuô nganhx oz tos, đros muôx 10 ntâuz ntơưr cấp tỉnh, 15 ntâuz ntơưr cấp sở, nganhx, huyện, xar ntus đriv: “Tỉnh Sơn La uô tsâus txos Chinhr phuv, Côx hôiv têz qơưk Lào thiêz Phưv Chủ tịch Côx hôiv têz qơưk Lào tưz paz trâu huôv tsar jông coangz sik thiêz sik côngv cxix cxuô nhoz tỉnh Sơn La đros Lào li cxuô thax tsav qơư. Hâur ntu zuôr txos, Sơn La zuôr tror sir jos sik côngv đros têx tỉnh têz qơưk Lào, sik côngv chiê sik đros huôv tsar sâuv cxuô kror, paz uô truôx thiêz huôv tsar jông coangz siv nhoz oz Đảng, oz Têz qơưk thiêz pêx xênhv oz têz qơưk Việt Nam-Lào”./.

Lê Hạnh-Lik Thox cxêik nhênhv

Ủy ban tỉnh Điện Biên nhiv kruôr cơưv jiês tiv 2 tso ziv chênhv lok Đêx anr phênhz thiêz muôz iz cxiê cơ quan, taz viv, thax tsav cấp xã lok uô cê đhâu thâuv zuôr pêx xênhv ziv chênhv. Đhâu cơưv, 83% ntâu hâur hur si 112 cxênhz lênhx cử tri cxaz chuôz tưz jông siêz, thôngx ziv đros luôs hâux lưv co. Trơưk li tsưr ziv, tas nro tỉnh zuôr txo grêk txix 129 yuôr 45 xã, phường (txo grêk 65% ntâu). Iz cxiê ziv chênhv cik txos qơư uô hâux lưv, bê hu yiêz, phênhz canr bôv uô hâux lưv....cux tưz tâu sâu jênhv, phênhz tsênhz mênhx. Zơưv Lê Thành Đô, Chủ tịch Ủy ban tỉnh heik cov uô tiêr têx hâux lưv heik sâuv thôngz đhâu trâu Ủy ban tỉnh, iz chas ntơư sir jos yax kriê, chiê tsôngv niêv txir lax pêx xênhv muôx cêr jông siêz, thôngx ziv đros. Lok sâuv muôz iz cxiê cơ quan, thax tsav qơư lok uô cê zuôr tâu fuô uô sei, truôx jông, taz por muôx liv trâu pêx xênhv: “Tsuv muôz jông six hơưv trâu pêx xênhv muk lol uô têx ntâuz ntơưr uz no đros cơ quan hành chính, cấp ủy hâu nov ntơưv qơư. Muôx tâu cêr njênhs njôngr, jông siêz chiê fuô uô tâu jông cxuô luôs hâux lưv. Cử tri puôr lênhx xar njôngr, qơư uô hâux lưv zuôr nhoz hâur zuk thax tsav xã, taz sik li ntơư zuôr muôx ntâu phiv liv, taz txix pêx xênhv têx ziv chênhv, luk heik pêz sâu jênhv thiêz zuôr cxiv kho cov huv đros”./.  

Vũ Lợi-Riê Lâux cxeik, nhênhv

Hâur jiês cơưv tiv 30 (kriz đar), Ban Chấp hành Đảng bôv tỉnh Yên Bái tưz thôngx ziv kho đuô 168 taz viv hành chính cấp xar yênhx 51 taz viv yiêz, grêk 117 taz viv (bâuv li muôx 69% ntâu). 6 xar tâu tuôr jông li kuz zos: Chế Tạo, Nậm Có, Lao Chải (Mù Cang Chải); Tà Xi Láng (Trạm Tấu); Cát Thịnh (Văn Chấn) thiêz Phong Dụ Thượng (Văn Yên). Tiv zix, Jiês cơưv cux thôngx ziv tsưr ziv chiê tỉnh Yên Bái thiêz Lào Cai lok uô cê yênhx luz tỉnh yiêz muôx bê zos Lào Cai, đar xar muôx 13.257 cêik cêr ndis, dân sôr xar muôx 1,78 triệu lênhx nênhs, muôx 99 taz viv hành chính cấp xar. Tsênhv qơư hành chinhr tâu chiê trâu ntơưv tỉnh Yên Bái nhiv no./.

Đinh Tuấn-Lik Thox cxêik nhênhv

Ntơưv tỉnh Lào Cai txix hâur shôngk shông txos nhiv no tưz muôx 7 qơư muôx moz vưv huôv xênhz nhoz têx tsiêx tu zus ntơưv huyện Bát Xát, Bảo Thắng thiêz TP Lào Cai. Moz vưv tưz uô iz lênhx nênhs trâus tuôs. Chiê phax tar moz vưv, lưv lươngv muôx vax huôv tỉnh tưz fuô uô luôs hâux lưv cxax 49 cxênhz côngz yuôx vắc xin phax tar moz vưv trâu têx tsiêx, tax 56% tsưr ziv tso tơưv hâur shông thiêz tsar ndê 99% pir li shông 2024. Nhiv no moz vưv nhoz têx đêr, mir ntơưv Lào Cai tưz tax tir thêir tâu. Taz sik, hâur cheix ntux sor cux tsênhv zôngx ziv muôx moz vưv tror huôv xênhz, chênhr viv li tsuv fuô uô jông luôs hâux lưv cxax yuôx phax phôngz moz vưv trâu têx tsiêx tu zus. Cơ quan muôx vax huôv heik têx chuôz zis tu zus cux muôz tơưz lôngx đêr thiêz mir têx kror ndâux; zos thâuv trâus đêr, mir tov thiêz khơưz mak tsuv zênhx max muk chuôs cưk yuôx chiê tâu chơưv kho moz sei đrơưv./.

   Thanh Thủy-Riê Lâux cxeik, nhênhv