Xav tênhv cxuôv đis muôs ntơưr zos Đảng, têz qơưk li tsưr ziv lox chiê paz muôz siêz tsôngv box li jênhv pâuz chiê huôv tsar lênhx nênhs, tỉnh Lai Châu thâuv tưs cux tsov cưv txos côngz xưv sik phổ cập zaoz zux, cxuôv đis muôs ntơưr trâu tsôngv box mênhx cxưx tsơưs nênhs nhoz tox siêz. Tam Đường zos huyện tox siêz muôx 80% zos tsôngv box mênhx cxưx tsơưs nênhs nhoz uô nênhx. Viv KTXH txov nhêv, tsôngv box li jênhv pâuz tsi cxix cxuô, ntâu lênhx tsi pâuz ntơưr. Huyện Tam Đường tsênhv huôz tôngv tas nro cxix luôk chính trị yax mông, vênhv tôngv tsôngv box tsi pâuz ntơưr muk cơưv ntơưr; thôngx cxix hlôngr yiêz têx tsênhv qoư cơưv shâuv côngv thôngx li huôx tôngv chiê krêz lớp cxuôv đis muôs ntơưr. Lơưr phongx zaoz zux huyện Tam Đường shông cơưv 2022-2023, tas nro huyện krêz tâu 17 lớp cxuôv đis muôs ntơưr đros 356 học viên cxaz chuôz, gôngr phênhv muôz siêz yênhx tưv jênhv pâuz trâu tsôngv box, tiv zix zos tsôngv box nhoz tox siêz, thax tsav txov nhêv tiv zix./.

DTMN-Txâur Vax cxeik nhênhv

Huyện Sông Mã, tỉnh Sơn La nhiv no muôx zuôr xar 300 héc ta (txir lưv tsiz sôngz siêr nzor), tsêx trung ntơưv têx xar Chiềng Khoong, Chiềng Khương thiêz Nà Nghịu. Txir lưv tsiz sôngz Sông Mã lox, tơưr nhiêk, nôngz mê, kaz jiz. Pir li iz cxiê zav tsoz chos txơưr, chor txir lưv tsiz sôngz Sông Mã tâu chôngz nênhs nhiêv zuôr đuô. Taz sik, thâuv uô mak tsuv uô cov huv zos lơưr têx ploz tsênhr ntiêx têz. Viv li, chor hợp tác xã, ziv chuôz zis tsuv sir jos uô lơưr têx ploz tsênhr lok tsơưr lươngv thiêz ngaz tuk zav nox, li: VietGAP, hữu cơ, ClobalGAP, ISO 22000.

Chiv txir lưv tsiz sôngz 2023, chor txir lưv tsiz sôngz ntơưv huyện tâu chor nênhs uô lax luôv sâu zuôr txix 25-35 cxênhz đêiv iz cir, muôx têx ntu tâu muôx 40 cxênhz đêiv iz cir, viv li nênhs chos txir lưv tsiz sôngz lok six shir phaz, sâu tâu siêz đuô 4-5 jiês pir li chor txir lưv tsiz sôngz siêz ndax chiv. Chor txir đaz tuôs đuô mak tâu chor qơư kra kruôr zuôr lok têr chiê kra đros gri txix 11-14 cxênhz đêiv iz cir./.

DTMN-Lik Thox cxêik nhênhv

Thâuv 8 six tas cik hnuz xiêz 2/8, Tòa án tỉnh Điện Biên krêz tik cêr cxâuv txuz án Nguyễn Thị Khương đros 8 lênhx nênhs phamv cxâuv “Uô cxâuv cui tênhv lok pâux nzir, paz txưv qơư nhoz yiêz thâuv têz qơưk sâu zuôr xar” thiêz “Liv zôngv hâux lưv uô uô têx hâux lưv tsi jông thâuv uô côngz xưv” hâur ntu uô Dự án qar yêz za Điện Biên. Lơưr Viện kiểm sát tỉnh Điện Biên li qênhz yuôx, muôx coaz txos hâux lưv car chêx, paz txưv qơư nhoz yiêz chiê zuôr qơư uô qar yêz za Điện Biên, UB TP Điện Biên Phưv tưz choz trâu Tsênhv qơư seiz car ar têz lov lik uô côngz xưv njuôs xav, muôx tsưr ziv pâux nzir, paz txưv qơư nhoz yiêz. Nguyễn Thị Khương tâu choz uô tsar nhóm 6 uô jênhv vưv njuôs xav, cxiv tsa tsưr ziv pâux nzir, paz txưv thiêz txar qơư nhoz yiêz trâu têx lênhx nênhs trâus sâu ar, hâur co muôx Công ty cổ phần tsiv uô xiv huv kôngz nuv Điện Biên li mênhv chêx. Txix hli 4 txos hli 12/2022, Khương thiêz iz cxiê lênhx nênhs txơưr tưz uô cxâuv cui tênhv lok pâux nzir, paz txưv thiêz txar qơư nhoz yiêz trâu tsongv box, uô ruôr hiêv nhiêx txiêx têz qơưk 13 tỷ đeiv ntâu./.

Vũ Lợi-Txâur Vax cxeik nhênhv

Ntu đhâu, gri chuôz lov cxiv tsa li suôz jêz, poz jêz ntơưv Lào Cai tsik so chuôz ndê siêz uô trâu ntâu côngz trinhx ndê nzir têx pênhr nhiêx kriz uô. Đrâuv gri thâux xa ndê siez, qênhx shênhx muôx tsik txâuk têx chuôz lov cxiv tsa zos qir tiv chênhr uô muôx yưv qênhx shênhx no.

Lơưr zơưv Hồ Cao Khải, Giám đốc Sở Tài nguyên thiez Tênhv qơư tỉnh Lào Cai, chuôz lov cxiv tsa muôx tsơưs zos tiv zoz qơưx cxiv tsa chuôz ndê siêz, hok chor suôz jê hâur têx đêx mak grêk tsơưs ntâu, uô muôx yưv qênhx shênhx phênhv sir zôngv ntâu đuô phênhv cungz. Iz chas co, ntâu dưv anr njiz phiv liv cik txos têx ntâuz ntơưr tsuv cơư kror trôngx, sâu tsês ar, qơư kriz uô./.

TTTB-Lik Thox cxêik nhênhv