Tỉnh Lào Cai tsênhv krêz uô ntâu tsưr ziv uô uô cê, sir jos uô tiêr hâux lưv phổ cập zaoz zux cxênhx mê nhuôk zâu 4 shông hâur shông 2024. Nganhx zaoz zux tỉnh Lào Cai ntâuk grê tso pov, thâuv đăng cir, krêz uô siv txix shông 2022, txos nhiv no, tiv phaz tưz muôx 4/9 taz viv hâur co muôx huyện Bảo Yên, Bắc Hà, TP Lào Cai thiêz thị xã Sa Pa chiv chir qênhz yuôx tax ploz tsênhr, đros 134/152 xã, phường, thị trấn tưz tax têx ploz tsênhr lơưr cui tênhv, tax 88% tsưr ziv. Zos uô tiêr têx tsưr ziv tso tơưv, Lào Cai zuôr zos tiv phaz xuz thơưx hâur têz qơưk tax ploz tsênhr phổ cập zaoz zux cxênhx mê nhuôk zâu 4 shông./.

VOVTB-Txâur Vax cxeik nhênhv

Chiê paz trâu chor yêz muk lok tâu jông, Sở Zoz thôngz vận tải tỉnh Yên Bái hêik trâu chor yêz pâuz muk lok đhâu txox cêr 164 tsênhv muk lok tsik tâu tiv ntux nas chuô, ar poz txix xar An Bình muk trâu chor xar Lâm Giang, Lang Thíp huyện Văn Yên (Yên Bái); lok sik muk xar Bảo Hà, huyện Bảo Yên, tỉnh Lào Cai li đrav kaz:

Chor yêz thâux tsơưs đuô 3,5 tấn muk txos cêik cêr 3+650 txox cêr 164 mak lêv saz xik muk trâu jok Khe Rồng, jok Khe Trang muk trâu txox cêr 164 ntơưv cêik cêr 5+750 chiê tror muk trâu xar Lâm Giang, xar Lang Thíp (Văn Yên) lok sik muk xar Bảo Hà (Bảo Yên- Lào Cai) thiêz tror lok. Chor yêz thâux txix 3,5 tấn tror sâur muk trơưk txox cêr 163, txox cêr 151C txos cêik cêr 89+900, txox cêr 279 nhoz xar Bảo Hà (Lào Cai) mak lêv muk trâu txox cêr 161, txox cêr 164 tror lok xar Lang Thíp, xar Lâm Giang, huyện Văn Yên thiêz tror lok trơưk li co. Zơưv Nguyễn Đắc Quyền, Phưv giám đốc Công ty Cổ phần Huôv tsar Cxiv tsa thiêz zuôr muôs sôr 909-Taz viv tâu choz sêiz car txox cêr 164 puz pâuz: tiv thax tsav phiv liv viv li taz viv tsuôk tso tâu oz luz yêz câuk ar, 4 luz ô tô thiêz iz luz yêz thoz huk ar chiê thoz huk, kho đuô cêr. Njuôk xav, txox hnuz 21/8 cêr thiêx zuôr muk lok tâu thôngz./.

             Đinh Tuấn-Lik Thox cxêik nhênhv

Xor mông txix lênhs tov xã Lâm Giang, huyện Văn Yên (Yên Bái) puz pâuz, tiv phaz tsênhv huiz tôngv 100 ntâu lênhx nênhs muôs Công an, quân đội, dân quân tự vệ thiêz tsôngv box têx jêx jos uô ntâu tuêv, paz lênhx nênhs nriêr tul mê nhuôk njuôs xav trâus pôngz jông. Uô ntêx co, zar tar su hnuz 17/8, tul mê nhuôv xênhz shông 2018 nhoz jos Khay Dạo, xã Lâm Giang đros chuôz zis muk nox 7 hli ntơưv cưr tix nênhx tsa. Txos zar hnuz keix, tul nhuôv đros thiêz 8 lênhx fôngx zưs muk tsêr, so ntơưv thax tsav jôngr tov tos tsêr đê txir ntông nox. Taz sik, đhâu co tul mê nhuôv ho mul iz txox cêr txơưr thiêz txix co tsi pov nhoz tưs lơưv. Ciês thâuv jênhv tâu xor mông, chính quyênx tiv phaz tưz huiz tôngv lưx lươngv ntơưv qơư đros tsôngv box hâur jos cxaz chuôz nriêr tul mê nhuôv no. Têx lưx lươngv pheiz muk cxuô qơư chiê nriêr. Taz sik txos nhiv no cux tsi tâu nriêr pov. Nhiv no tiv phaz tsênhv sir jos nriêr zok thiêz heik têx tiv phaz nhoz buôk co paz max chiê nriêr tul mê nhuôv co./.

VOVTB-Txâur Vax cxeik nhênhv

Hâur chor hnuz txix 28/8 txos 4/9 zuôr txos no, ntơưv huyện Mộc Châu, tỉnh Sơn La zuôr tsưr tsix ciêz Vênhx huôv Du lịch muôx ntâu kror huôx tôngv jông. No zos shông tiv 2, thax tsav qơư tâu tsưr tsix têx huôx tôngv vênhx huôv Du lịch cấp tỉnh. Zơưv Lê Trọng Bình, Chủ tịch Ủy ban huyện Mộc Châu puz pâuz, Ciêz Vênhx huôv Du lịch Mộc Châu shông 2024 tâu tsưr tsix chiê yax kriê trâu têx doanh nghiệp, tsôngv kruôr hâur thiêz đrâuv têz qơưk pâuz lok têx kror liv, yax mông paz hêik pâuz “Mộc Châu-qơư tuôx ndis shuôk têx qơư jông jav, chiv xênhz sơưr thơưx sâuv ntiêx têz”; cxiv tsa thiêz huôv tsar têx côngz bê jông lok du lịch Mộc Châu; zaz zâuv chor nênhs yưv pênhr tuôx huôv tsar chor dịch vuv du lịch, cxiv tsa Mộc Châu cov zos yênhx qơư du lịch sơưr thơưx nhoz thax tsav Tây Bắc, zos qơư jông jav tâu tsôngv kruô hâur têz qơưk thiêz đrâuv têz qơưk nhiêv tuôx ndis shuôk, uô si./.

Thu Thùy-Lik Thox cxêik nhênhv