Hnuz 20/4, ntơưv huyện Bảo Thắng, tỉnh Lào Cai tưz tsưr tsix Hnuz ntơưr thiêz Vênhx huôv nhênhv ntơưr. No zos jiês xuz thơưx xor xưv no tâu tsưr tsix ntơưv iz qơư cấp huyện, chiê paz muôx tâu vênhx huôv nhênhv ntơưr ntơưv thax tsav qơư. Kror muôz xor xưv no lok tsưr tsix ntơưv cấp huyện cux zos chiê paz trâu pêx xênhv nhoz jêx jok, thax tsav txov nhêv, tiv zix zos chor shux xênhz, hluôk nênhs, hôiv viên… sêiz tâu chor ntơưr jông, tsơưr lươngv, paz huôv tsar vênhx huôv nhênhv ntơưr thiêz txux chi xar hôiv. Phạm Ngọc Khánh, shux xênhz lớp 11, Tsêr cơưv cxênhx pêz sôr 1 huyện Bảo Thắng hêik pâuz: “Đros cur mak ntơưr xưk li zos iz lênhx fôngx zưs, iz lênhx cưk kriê, iz kror paz trâu zuk đhâu têx jiês cơưv ntơưr. Đhâu jiês phuôx tôngv hnuz no, cur xar tiêk sơưr đơưk zuôr sir jos đuô, chiê nriêr tâu têx fâu ntơưr jông thiêz nhiêv sêiz, đhâu co paz trâu sơưr đơưk muôx tâu têx jax cơưv jông paz trâu zuk luz nênhx. Vav tiêk tas nro sơưr đơưk zuôr nhênhv ntơưr txix tas nro zuk siêz nhiêv”./.

An Kiên-Lik Thox cxêik nhênhv

Chiv nhênhv 15 shông Hnuz vênhx huôv têx mênhx cxưx VN (19/4) thiêz 48 shông hnuz giải phóng tas nro faz Nam, thôngx ziv têz qơưk (30/4/1975-30/4/2023), ntơưv huyện Trạm Tấu, Bảo tàng tỉnh Yên Bái đros UB huyện tsưr tsix jiês piêr kriê đros njiêz luv “Côngv thôngx têx mênhx cxưx thiêz tôn giáo Việt Nam hâur hâux lưv cxiv tsa thiêz por vêv têz qơưk”. Piêr kriê 400 đeiv đuôz shav, cxeix laov lok mênhx cxưx thiêz tôn giáo Việt Nam; ntơưr, pov tsir sâu lok mênhx cxưx thiêz tôn giáo...Njiêz luv piêr kriê muôx 6 njiêz luv tsênhv, pheiz yênhx 4 qơư: tsôngv box têx mênhx cxưx tsơưs nênhs phuôx huiz chinhz yênhx sik côngv siêz, xar tơưv, sik côngv thiêz huôv tsar; đuôz sahv, cxeix laov lok tôn giáo, tín ngưỡng VN; côngv thôngx têx mênhx cxưx tsơưs nênhs tơưv txênhz chiê mênhx cxưx tâu tiêx tul, por vêv thiêz cxiv tsa têz qơưk; cxeix laov lok tsôngv box têx mênhx cxưx thiêz tôn giáo tín ngưỡng ntơưv Yên Bái./.

VOV4-Txâur Vax cxeik nhênhv

Tox siêz Mộc Châu (Sơn La) tưz tsik zos tâu tsôngv kruô nhiêv tuôx ndis shuôk viv têx chiv xênhz, qiv hơưv lax, mak tsênhv zos kror qơư trâu ntâu xor xưv jông jiês so ntênhk 30/4-1/5 shông no. Zos qơư tuôx sêiz shuôk têx chiv xênhz sơưr thơưx ntiêx têz, Mộc Châu tâu tsôngv kruô nhiêv tuôx tiv muôx ntâu zav txir ntông, pax jông gâux. Kaz hli 4, hâur hlik hli 5 zos six hơưv Mộc Châu piz sâu đêx têx txir ntông li txir đuôx, txir khơưz đuz… No zos jiês chiê tsôngv kruô tâu đêx têx txir ntông thiêz nox têx zav txir ntông kaz muôx ntơưv thax tsav qơư. Tix lâus Hoàng Mạnh Duy, Trưởng phòng kinh doanh Thax tsav qơư du lịch Mộc Châu Island puz pâuz: “Pêz tưz bax jông cxuô zav chiê txêik tok tsôngv kruô lok six chôngz tuôx trâu tox siêz Mộc Châu jiês so ntênhk 30/4-1/5 shông no. Công xưv phax tar caz moz Covid-19 cux tâu pêz sir jos uô jông hâur têx hnuz so no”./.

Lê Hạnh-Lik Thox cxêik nhênhv

Ntơưv xar Phù Nham, thị xar Nghĩa Lộ (Yên Bái) nhiv kruôr muôx yưv txuz anr uô 2 lênhx nênhs tuôs.

Lơưr lênhx tov xar Phù Nham, xar muôx 10 six ntâu iz tas hmo 19/4, zơưv Hà Văn Nang (zus shông 1965) đros pox niêv zos pos Hà Thị Viễn (zus shông 1966) thiêz tuk nhuôs xênhz nzưr tsênhv pư ntơưv tsêr nhoz jok Cốc Củ, xar Phù Nham, thị xar Nghĩa Lộ chêk trâus zơưv Hà Văn Nếp (zus shông 1972, zos zơưv Nang tuk cưr nhoz đros hâur jok) lok hâur tsêr xuôk triêv tsuôr ntâu triêv trâu zơưv Nang thiêz pos Viễn. Uô zơưv Nang trâus tuôs, pos Viễn trâus saz hnhar. Đhâu co, zơưv Nang tuk nhuôv pov thiêz tir thêir tâu zơưv Nếp thiêz txênhz tâu traz triêv; zơưv Nếp khiêr lok zuk tsêr. Thâuv lok txos tsêr, zơưv Hà Văn Nếp tưz xuôk tênhv muôx 220v txêik trâu zuk cov tuôs ntơưv zơưv chuôz zis luz tsêr đa đêx.

Nhiv no txuz hâux lưv tsênhv tror tâu cơ quan Công an tỉnh Yên Bái qênhz yuôx, nriêr pâuz cov tsênhz mênhx./.

TTTB-Txâur Vax cxêik nhênhv