Xor xưv hêik lok kriz ciêz “Suôz kênhx hu fôngx zưs” tâu tsưr tsix txix hnuz 31/8-2/9 zuôr paz muôx tâu iz ntênhk hôiv jông trâu hâur jiês Quốc khánh 2/9 shông no nhoz tox siêz Mộc Châu (Sơn La). Jiês kriz ciêz no zuôr tâu tsưr tsix ntơưv Mộc Châu Island-Qơư du lịch, uô si thiêz zos qơư so sơưr thơưx thax tsav Tây Bắc ntơưv huyện Mộc Châu. Xor xưv jiês kriz ciêz “Suôz kênh hu fôngx zưs” zuôr tâu tsưr tsix hâur 2 hmo, zos hmo xiêz 1 thiêz xiêz 2/9. Hâur co, tsôngv kruôr zuôr tâu sêiz shuôk têx vênhx huôv muôx nhoz Tây Bắc cxôngx nzor, sêiz chor nênhs hu gâux nto bê li Tuấn Hưng, Kiều Dung, Lưu Hải Anh… hu gâux. Suôv câuv hu gâux zuôr zos jiês tuô fov ntơưr ciês ntơưv tuk qox tsov iêr Bạch Long… Hâur 3 hnuz tsưr tsix txix hnuz 31/8-2/9, Ban tsưr tsix zuôr txo grêk grê nhiêx ndis shuôk qơư du lịch Mộc Châu Island trâu tsôngv box mênhx cxưx tsơưs nênhs sâuv tas nro têz qơưk txix 150.000 đêiv txo grêk yuôr 50.000 đêiv iz lênhx nênhs./.                                

Thu Thùy-Lik Thox cxêik nhênhv

Hnuz 20/8, ntơưv xã Nậm Khắt, Ủy ban huyện Mù Cang Chải (Yên Bái) tưz muôz ntơưr kruôk trâu bác sĩ Vinh Xênhv Zax-zos lênhx nênhs paz iz lênhx pox niêv Hmôngz xênhz zus mê nhuôv trâus tos cêr.

Tsênhv tsênhz, zos tas cik hnuz 17/8, iz tus pox niêv nhoz xã Nậm Khắt, huyện Mù Cang Chải (Yên Bái) tâu chuôz zis chox tuôx xênhz zus nhuôs trâu Tsênhv qơư y tế huyện. Thâuv tsênhv taz tov tuôx txos tos cêr, moz plaz hênhr, viv li chuôz zis tưz đrêk yêz ntơưv ntus cêr, thâuv co njiz bác sĩ Vinh tsênhv tuôx muk uô hâux lưv hâur qơư y tế xã Nậm Khắt, bác sĩ Vinh tưz zênhx max đrêk yêz thiêz paz lênhx pox niêv heik sâuv txeik mê nhuôv thâuv xênhz zus ciês ntơưv ntus cêr. Lênhx nhuôv co zos iz tus nhuôv tuz, xar muôx 3 cir, nhiv no lênhx niêv thiêz mê nhuôv đas jos tưz truôx tuk.

Chênhr zos uô tâu têx luôs hâux lưv chơưv paz co, hlôngr njêx muôs hâu nov huyện, pos lương Thị Xuyến, Phưv Chủ tịch Ủy ban huyện tưz muôz ntơưr kruôs trâu bác sĩ Vinh Xênhv Zax, đros trâu tsưr ziv, siêz njôngr, bác sĩ Vinh zuôr tror sir jos uô tiêr tâu jông cxuô luôs hâux lưv tsoz phưz đas jos trâu pêx xênhv hâur thax tsav qơư nhoz./.

VOVTB-Riê Lâux cxeik nhênhv

Đhâu ntâu hnuz lok nas lox, iz saz trôngz nhoz txox cêr 4H, thax tsav jok Xi Nế, xar Mù Cả, huyện Mường Tè (Lai Châu) tưz poz lok cxuz cêr, uô trâu ntu cêr co muk lok tsik tâu txix xar ntus đriv Mù Cả đros Tsênhv qơư huyện Mường Tè thiêz txix huyện Mường Tè (Lai Châu) đros huyện Mường Nhé (Điện Biên). Ciês muôx yưv ar poz, Công ty cổ phần kho cêr ar I (taz viv sêiz car ntu cêr no) tưz côngv đros pênhz phax, chinhr quyền ntơưv qơư rêik fiêx txưr cêr, hêik pêx xênhv pâuz tsik muk lok đhâu. Nhiv no têx yêz txix Mường Tè muk Mường Nhé thiêz têx huyện txơưr nhoz tỉnh Điện Biên tâu hêik pâuz muk trơưk txox cêr 4H, lok sik txox cêr 127 muk trâu huyện Nậm Nhùn (Lai Châu) thiêz muk trơưk txox cêr 12 lok trâu thị xar Mường Lay (Điện Biên)./.

Khắc Kiên-Lik Thox cxêik nhênhv

Zơưv Lê Thành Hùng, Phưv Chủ tịch Ủy ban huyện Văn Yên, tỉnh Yên Bái tưz buôk ti muk chox kriê luôs hâux lưv zok nriêr lênhx nhuôv tuz trâul pôngz jông hâur xuz jôngr tâu 3 hnuz nhoz jok Khay Dạo, xã Lâm Giang (Văn Yên). Hâur 03 hnuz đhâu, thâuv tưs ntơưv qơư cux puôr lênhx hu zâuv muôx 150 ntâu lênhx nênhs zos Công an, tuz lênhv, hluôk nênhs, têx pox niêv....đros tsôngv cưr tix lax pêx xênhv hâur thax tsav pheiz uô ntâu paz muk zok nriêr cxuô txox cêr, xuz jôngr, taz sik txos nhiv no cux tsênhv zok nriêr tsi tâu tâu lênhx nhuôv heik sâuv hlo. Zơưv Lê Thành Hùng, Phưv Chủ tịch Ủy ban huyện Văn Yên tưz tôngv zênhx lênhx nhuôv trâul pôngz jông ntơư chuôz zis, chor nênhs hâur tsêr. Iz chas co, chox kriê ntơưv qơư hu zâuv sơưr đơưk sik đros paz zok nriêr đêz mê njik iz ndis thax tsav qơư co thiêz hu trâu 2 chas xã, thax tsav nhoz jê đros paz nriêr cov tâu lênhx nhuôv heik sâuv./.

CTVVOVTB-Riê Lâux cxeik, nhênhv