Têx shông đhâu, iz chas T.Ư li tsênhv chei, tỉnh Yên Bái tưz tso tơưv ntâu tsênhv chei tsov cưv yưv pênhr uô thiêz paz max doanh nghiệp hâur têx ngênhx kôngz-jôngr-đêx nuv, huôv tsar ju lix, paz doanh nghiệp mê thiêz tov thơưx; huôv tsar pênhr jos li: cxiz uô lơưr tsênhv chei tsov cưv, paz yưv pênhr, sir jos paz doanh nghiệp lok têx luôs hâux lưv tsov cưv huôv tsar. Ciês 6 luz hlik hâur shôngk shông 2023, Cuiv nhiêx paz huôv tsar HTX tỉnh Yên Bái tưz muôz zuôr xar 4 tyv đeiv nhiêx trâu 9 taz viv kêr txeik. Txos nhiv no, tas nro tỉnh muôx 41 taz viv  tsênhv txeik cuiv nhiêx paz huôv tsar HTX tỉnh Yên Bái, xav hur si têx pênhr tso txeik muôx 14,5 tyv đeiv. Txix phênhv pênhr txeik no, chor HTX tưz bax tsưr ziv uô huv đros, hlôngr yiêz siêz xar, jux juk tso tsês têx cêr uô nox pôngz kaz, sir jos sik đros huôv tsar uô têx trâur nuv lox đuô./.

Báo Yên Bái-Riê Lâux cxeik, nhênhv

Ban chỉ huy Quân sự thành phố Điện Biên Phủ, tỉnh Điện Biên nhiv kruôr sik côngv đros lưx lươngv muôx vax huôv ntơưv thax tsav qơư ruôr tâu iz luk bôngk lok zos tsuôv tav hnhar 360 cir tsênhv yuôr đhâu ntâuk tros châuz txix chor shông 1950. Uô ntêx co, têis cik 17/8, ntux lok nas lox uô muôx ar poz ntơưv thax tsav kaz qox Nà Yên 2, jok Xôm, xar Nà Tấu, thành phố Điện Biên Phủ, uô yưv iz kror xav tiêk zos bôngk. Ciês txêik tâu xor mông hêik pâuz, Ban Chỉ huy Quân sự thành phố Điện Biên Phủ tưz tso nênhs tuôs sêiz shuôk thiêz sêiz jor yênhx hnuz hmo. Đhâu xav jênhv, luz bôngk no zos tros châuz Pháp tso pôngz lok trâu qơư ntâuk tros châuz Điện Biên Phủ hâur ntu ntâuk tros châuz. Đhâu xav jênhv tsênhz mênhx, chor lưx lươngv muôx vax huôv tưz txar luz bôngk no muk trâu qơư uô cov tơưs. Luz bôngk tưz tâu ruôr por tsês huv cui tênhv thiêz ngaz tuk trâu lênhx nênhs, cxuô zav./.

Vũ Lợi-Lik Thox cxêik nhênhv

Xêir tsov vênhx huôv ntơưv qơư chiê huôv tsar ju lix-Sa Pa tưz uô tâu jông luôs hâux lưv co. Krêz uô têx muôx jông ntơưv qơư li: txux chi vênhx huôv....tưz paz cxơưz ngênhx ju lix Sa Pa, tỉnh Lào Cai huôv tsar. Jok Cát Cát zos tsôngv box Hmôngz li iz hâur têx jok lâul. Suôv qơư no tsênhv tuôr tâu tsês chor lâul thâuv ntêx têx txux chi cêr nênhx phôngz cxưx jông thâuv nzor. Hâur têx hnuz kaz ciêz, tsôngv kruô tuôx ndiss uô si trâu thax tsav qơư co zuôr tâu seiz 130 ntâu lênhx nhuôs zâu hnar nênhs Hmôngz têx tsôngk yo nthuôr uô txux chi cêr lov jêv jông. Nhoz no tsi tiêk chor tuz nxeik hluôk mak hur si têx lênhx tsar jok cux tâu nthuôr uô lov jêv, cê por hưv, tuôr tâu tsês têx txux chi vênhx huôv tsi chiê pôngz plox, cê muôx phênhv sâu tâu truôx trâu tsôngv box ntơưv qơư./.

CTVVOVTB-Riê Lâux cxeik, nhênhv

Công an thành phố Lào Cai nhiv kruôr cxov tâu lênhx nênhs nhiv kruôr tơưv tsêr tux zôngv triêv hêv nênhs tsar yêz taxi chiê huôz nhiêx txiêx đhâu 7 six hơưv huôz nhiêx. Txuz hâux lưv muôx thâuv 9 six tsâuk ntux hnuz 20/8, iz lênhx nênhs xar muôx 40 shông ntiêr tix lâus Vũ  Đình L (zus shông 1983, nhoz ntơưv tổ 22, phường Lào Cai) thâux muk chêix yêz kruô thiêz hêik tiêk tsik muôx yêz kruô lơưv hêik tix lâus L thâux muk trâu thax tsav trôngx đriv Kim Thành, phường Duyên Hải, thành phố Lào Cai. Thâuv tix lâus L hêik lênhx nênhs no thêv nhiêx chêk trâus lênhx nênhs no muôz triêv tưz trâu chax đaz. Tix lâus L tưz sir jos tir tar thiêz lênhx nênhs no tưz khiêr tơưv hâur luz yêz muk gâuv; đhâu co tix lâus L hu trâu chor nênhs cxênhz jê thâux muk chơưv paz ntơưv tsêr kho moz; thôngx cxix hêik trâu cơ quan muôx vax huôv pâuz. Đhâu co, Công an thành phố Lào Cai tưz sir jos qênhz yuôx, zok nriêr xav jênhv lênhx nênhs co zos Phạm Văn Mạnh (zus shông 1996, nhoz ntơưv xar Hồng Thái, huyện An Dương, TP Hải Phòng). Mạnh tưz muôx iz kror cxâuv lok huôz nox, trâus tòa án thành phố Hải Phòng xưv cơư 7 shông tux, nhiv kruôr tơưv tsêr tux shông 2022. Xuz thơưx, Mạnh hêik tiêk tiv tsik muôx nhiêx sir zôngv, viv li xar huôz nhiêx. Nhiv no, txuz hâux lưv tsênhv tror tâu cơ quan muôx vax huôv nriêr pâuz cov tsênhz mênhx chiê muôz tik cêr cxâuv trơưk chêi têz qơưk têx cui tênhv./.

An Kiên-Ly dịch đọc