Chinhr quyền huyện Mường Khương, tỉnh Lào Cai tsênhv sêi đrơưv chox kriê khưx phưx têx trâus hiêv tiv ntux nas chuô ntơưv têx qơư tox siêz nhoz thax tsav qơư no hmo 22/4. Thôngx sâu txix Văn phòng Ban sêiz car phax, tar ntux têz ruôr hiêv huyện Mường Khương puz pâuz, ntux nas chuô ruôr hiêv txos ntơưv thị trấn thiêz 2 xar Thanh Binh, Lùng Khấu Nhin, uô 19 luz tsêr trâus puôk tsuôx, phênhv ntâu zos trâus za trur. Chor nênhs nhênhz chơưv ntux yar ntux nas njuôk xav zuôr tror muôx iz jiês ntux no đros nas lok sâuv thax tsav, cxuô qơư tsuv uô jông phax tar muôx ntux nas chuô, xoz tuô, ar poz phiv liv./.

An Kiên-Lik Thox cxêik nhênhv

Hâur iz ciêz đhâu, sâuv thax tsav tỉnh Điện Biên tsi so cuz sor, kror cxiê qơư kruôr gis guôr, uô phiv liv trâu tsôngv pêx xênhv luz nênhx  xênhz huôx, huôv tsar uô nox uô hâuk. Trơưk li chor sâu xor sâu jênhv, ntơưv đrôngs Điện Biên Phủ, txix 12 six tar su txos 2 six zar hnuz kêix niêx hnuz, lok six cuz sor hênhr, uô ntâu lênhx nênhs tsi car tơưv muk saz đrâuv jôngr. Trơưk li njuôk xav, muôx têx ntux tsênhv zuôr tror cuz sor ntêr hâur 2, 3 hnuz zuôr txos thiêz, muôx kênh qơư lok six cuz sor hênhr. Pos Trần Thị Phương Hoa, Phưv Giám đốc qơu njuôk ntux yar ntux nas tỉnh Điện Biên heik pâuz: “Jiês ntux cuz sor shông no tsi thôngx li cxiê shông, tsi tiêk cuz sor nhoz iz cxiê suôv qơư thiêz iz, 2 hnuz xưz, shông no mak cuz sor txix hnuz 17/4 tax txos nhiv no. Chênhr viv cuz sor li no, thâuv sir zôngv tênhv, tsôngv box sơưr đơưk tsuv qênhz yuôx shuôs jông têx xor tênhv, thâuv muk uô liêx têz sơưr đơưk tsuv muôz hluôr tơưk hâur têx tsêr tuô, li tsi txeik cuz, uô ruôr hiêv vax tsêr…”./.

Vũ Lợi-Riê Lâux cxeik nhênhv 

Zar hnuz kêix 22/4, txêik tâu mông hêik pâuz muôx hluôr tơưl chis cuz jôngr ntơưv jok Huổi Có, xar Nặm  Păm, huyện Mường La (Sơn La), tix lâus Lò Văn Hoài, kiểm lâm viên sêiz car thax tsav, nhoz hâur Ban Sêiz car qơư tuôr tsês têx Chiv xênhz đrox tsuôs Mường La tưz cxaz chuôz tuô hluôr tơưl. Txos 3 six 30 phênhz zar hnuz kêix, tiv thax tsav phiv liv, hluôr tơưl tưz txêik cux lox uô têx ntông lor vâu thiêz muôx poz jêz ntos, uô tix lâus Hoài trâus saz hnhar. Ciês đhâu muôx yưv txiêz nanv, lưx lươngv kiểm lâm thiêz pêx xênhv tưz chox tix lâus Hoài muk chơưv kho ntơưv trạm y têr xar; lơưr co tâu yêv tuôx chơưv kho ntơưv tsêr kho moz Đa khoa tỉnh Sơn La. Lơưr njuôk xav xuz thơưx, tix lâus Hoài trâus lor oz cxêik tơư; nhiv no tix lâus đas jos tưz jông li kuz. Sêiz nus txos tix lâus Hoài, Phưv Chủ tịch Ủy ban tỉnh Sơn La Nguyễn Thành Công puz pâuz: “Choz trâu chi cục kiểm lâm uô tiêr tas nro têx tsênhv chêi paz trâu tix lâus Hoài. Sở Lox tôngv, Saz pênhz thiêz xar hôiv, Liên đoàn Lox tôngv, chor sở, nganhx tỉnh qênhz yuôx tas nro têx ntâuz ntơưr huv chêi, chiê uô lơưr têx cêr chêi paz trâu nênhs trâus saz, lok sik lơưr Đảng, Têz qơưk têx chêi paz chiê paz tâu jông tiv zix trâu tix lâus”./.

TTTB-Lik Thox cxêik nhênhv

Chủ tịch Ủy ban tỉnh Yên Bái nhiv kruôr tso tơưv quyết tinhv xưv bluô zơưv Hoàng Văn Đú, nhoz jok Khéo Lẹng, xã Lâm Thượng, huyện Lục Yên (Yên Bái) zuôr xar 200 tsov đeiv, viv ntor luôx, uô ruôr hiêv tas zuôr xar 3 cxênhz xưv phaz jôngr phax phưv ntơưv jok Lũng Cọ, xã Tân Phượng, Lục Yên (Yên Bái) thiêz jok Nặm Chắn, xã Lâm Thượng, huyện Lục Yên; nav 550 ntâu xưv phaz ar njuôk hov chos jôngr phax phưv tsi tâu cơ quan muôx vax huôv tso chei. Txix têx uô cxâuv li heik sâuv, zơưv Hoàng Văn Đú tưz trâul bluô xar muôx 200 tsov đeiv nhiêx./.

Thừa Xuân-Riê Lâux cxeik nhênhv