Bể kruôr đêx tas, chor thungz trâu đêx tsuôk yuôr mê njil đêx hâur kaz. No zos kror tsik so pov muôx nhoz têx jêx jok ntus đriv tỉnh Lai Châu thâuv tưs txos chêix ntux kruôr yênhx shông. Nhiv no, qênhx shênhx hax zav phiv liv đuô thâuv jiês yar ntux cuz sor truz ntêr, ntâu hâur đêx kruôr tas, uô trâu chor ziv chuôz zis nhoz ntơưv no luz nênhx njiz ntâu kror phiv liv. Zơưv Phàn A Tỏn, Chủ tịch Ủy ban xar Mù Sang, huyện Phong Thổ puz pâuz: “Qênhx shênhx muôx tsik txâuk đêx sâuv thax tsav xar mak txix thâuv ntêx lok zênhx njiz li no lơưv. Pêz tsênhv yax kriê trâu pox nhuôs txêik pênhr hâur zênhx hangx lok chiê chiv chir cxiv uô bể đêx. Chor chuôz zis muôx mak chiv chir huôv tsar kinh têr chuôz zis, tsês mê njil nhiêx txiêx chiê cxiv uô bể đêx chus đêx nas chiê sir zôngv. Xar cux hêik Đảng, Têz qơưk muôx tsênhv chêi paz têx thungz trâu đêx trâu pox nhuôs chus têx đêx nas chiê zôngv xênhz huôx yênhx hnuz”./.

Khắc Kiên-Lik Thox cxêik nhênhv

Têx tỉnh tây Bắc tsênhv hla đhâu têx hnuz nyar ntux cuz sor, ntux kruôr gis, jêx tưv siêz txix 35-38 tưv, muôx têx qơư siêz txos 40 tưv, viv li côngz xưv taz por phax cuz tuô cuz tâu têx nganhx, tiv phaz tsov cưv xuz thơưx. Sơn La, Điện Biên, Lai Châu zos têx tiv phaz muôx jêx tưv siêz tiv zix thax tsav Tây Bắc hâur jiêss cuz sor no. Tiv zix nyar ntux cuz sor, ntux kruôr gis yênhx luz hlik tsi pov ntux lok nas, uô ntâu har jôngr njuôs xav trâus cuz siêz. Zơưv Hà Văn Hòa, Hạt phó Hạt qênhz jôngr huyện Yên Châu, tỉnh Sơn La puz pâuz: “Taz viv tưz chox kriê qênhz jôngr muk ciês ntơưv qơư chiê heik kriê têx tsưr jôngr cêv kuôk xav tênhv têx thax tsav njuôs xav trâus cuz siêz, heik kriê uô jông tsưr ziv por vêv jôngr, phax cuz tuô cuz jôngr đros tsưr ziv “4 ntơưv qơư” chiê txu grês kis tiv zix hâux lưv cuz jôngr muôx yưv”./.

Thu Thùy-Txâur Vax cxeik nhênhv

Ntâu xor xưv jông tsênhv bax tok tsôngv kruôr tuôx trâu Sa Pa jiês so 30/4-1/5 zuôr txos. Tiv zix zos ntênhk hôiv pax buôs ntơưv vuôk har pax buôs lox tiv zix Việt Nam hâur Qơư du lịch Sun World Fansipan Legend. Sâuv thax tsav đar muôx 50.000 thiêr ndis. Tsôngv kruôr zuôr tâu sêiz shuôk 300.000 ntâu tsoz pax buôs nhoz 150 zav pax buôs. Cux hâur jiês no, chinhr quyền xar Sa Pa zuôr tsưr tsix ntênhk hôiv diễu hành trơưk têx cêr đros muôx 750 lênhx nênhs nhoz Sa Pa thiêz huyện Tam Đường (Lai Châu) cxaz chuôz. Nhiv kruôr đhâu, 70 ntâu doanh nghiệp ntơưv Sa pa cux tưz piz cir jênhv txo grêk gri, tuôr truôx jông tsơưr lươngv dịch vụ ntơưv têx qơư uô jâuz mor nox, qơư nhoz so, thâux xa kruô, qơư ndis shuôk uô si. Đrâuv Sa Pa, chor qơư du lịch txơưr đuô ntơưv thành phố Lào Cai, huyện Bắc Hà, Bát Xát, Bảo Yên cux tưz bax jông cxuô kror chiê txêik tok tsôngv kruô tuôx ndis shuôk, uô si./.

An Kiên-Lik Thox cxêik nhênhv

Hội đồng sâu por tsês têx triêv fov, muôk txưr, tsuôv tav....Công an tỉnh Sơn La nhiv kruôr tsưr tsix sâu por tsês 12 cxênhz ntâu zav vưv qiv , chuôz zênhx paz txưv nhoz têx chiz coaz, tsưr tsix, taz viv đrâuv lưx lươngv vũ trang thiêz tsôngv box choz hâur 3 shông tror lok no. Công an tỉnh SƠn La tưz choz trâu Bộ chỉ huiz quân sự tỉnh 40 traz fov quân dụng, fov zok tuô tsiêx cxu thiêz 600 luz muôk txưr. Thôngx cxix muôz por tsês 2 cxênhz 500 traz fov cxuô zav, phênhv ntâu zos fov chiv chir uô...34 chuôz zênhx vưv qiv, zuôr xar 2 cxênhz 300 luz muôk txưr paz txưv; 270 ntâu traz kưk tênhv; 260 luz xâur số 8....Hội đồng sâu por tsês vưv qiv tưz qênhz yuôx, thôngz sâu cxuô zav vưv qiv, chuôz zênhx paz txưv thiêz muôz por tsês trơưk cui tênhv đros hlôngr njêx muôk têx chiz coaz muôx txơưx jênhv li seiz car./.

VOVTB-Txâur Vax cxeik nhênhv