Đros muôx liv lok đêx ar, qiv hơưv, têx shông jê lok no, tox siêz Mộc Châu (zos oz huyện Mộc Châu thiêz Vân Hồ, tỉnh Sơn La) tsênhv ziv hnuz ziv zaz zâuv yưv pênhr ntâu trâu kôngz nuv. Iz chas uô kôngz nuv công nghệ siêz mak kôngz nuv hữu cơ tưz zos yênhx iz kror tâu chôngz lênhx nênhs xêir tsov uô. Tsưr ziv uô kôngz nuv Hữu cơ tsênhv tâu tsôngv box Hmôngz sir jos đros uô thiêz… Tix lâus Tuôv Xênhv Hơưx, lênhx nênhs cxaz chuôz chos yuôx zêx hữu cơ trâu Công ty cổ phần yuôx zêx Chiềng Đi puz pâuz, đrâuv pox nhuôs tso iz paz nênhs cxơưx txos têx qir zuôv, yuôx hữu cơ, mak tsưr ziv muôz tax thêir vor chor yuôx zêx uô ntêx thâuv zuôr sâu đê muôx lok six ntâu kror liv: “Yuôx zêx zos zuk tsik đê mak zuôr lâul tas. Taz sik zos muôz tax thêir vor trâu mak zuôr tsês tâu iz ntu, chor njil yuôx zêx no zuôr mok tâu nzir 7 txos 10 hnuz thiêz”./.

Trấn Long-Lik Thox cxêik nhênhv

Ntux kruôr gis ntêr hnuz tsênhv uô ruôr hiêv txos ntâu liêx têz kôngz lôngk nhoz tỉnh Lào Cai. Iz chas têx tsưr ziv phax tir thêir, tsôngv pêx xênhv cxuô thax tsav qơư tsuv đros cxênhx txuôs đêx, txuôs cxuô zav. Nhiv no, phênhv ntâu têx pak đêx liv nhoz Lào Cai puôr lênhx grik tas; muôx 8 luz pak đêx grik tas lok six ntâu. Lơưr zơưv Nguyễn Quang Ngọc, Chi cục tsar Chi cục đêx liv tỉnh Lào Cai, shông no têx pak đêx hâur cxuô thax tsav qơư thâuv qir nzênhr trâu cheix ntux kruôr tsuôk tax 50-60% xưz: “Tsôngv box sơưr đơưk tsi yuô tâu muôx tsưr ziv jênhv pâuz. Zos sir zôngv đêx trơưk cui tinhv mak hâur kaz cheix ntux nas chor qơư trâu đêx tưz pur tas, taz por muôx txâuk đêx phưx vưv uô kôngz hâur têx luz hlik cheix ntux kruôr. Pêz cux tưz sir jos uô luôs hâux lưv yax kriê chiê hlôngr yiêz pêx xênhv tsưr ziv jênhv pâuz hâur sir zôngv têx đêx”./.

An Kiên-Riê Lâux cxeik nhênhv

Jiês ntux lok nas hnuz 26/4 tưz phênhv tưs paz muôx đêx zưs trâu chor txir ntông, liêx têz đhâu ntêr hnuz ntux kruôr gis nhoz Sơn La. Muôx 3 luz hli đhâu, tỉnh Sơn La tsik muôx ntux nas lok; yar ntux cuz sor truz ntêr hnuz, uô trâu liêx têz trâus kruôr nhoz ntâu qơư, uô phiv liv ntâu txos pêx xênhv luz nênhx thiêz uô nox. Lơưr nriêr pâuz, piz txix hnuz 25/4, ntux tưz lok nas ntơưv iz cxiê thax tsav qơư nhoz tỉnh Sơn La, li Thuận Châu, Quỳnh Nhai, Sốp Cộp… txos têis cik 26/4, ntux tưz lok nas ntơưv tas nro cxuô thax tsav qơư hâur tỉnh, đhâu co tưz paz muôx đêx zưs trâu chor txir ntông, liêx têz. Lơưr Đaix njuôk ntux yar ntux nas thax tsav Tây Bắc, hâur 1-2 hnuz zuôr txos, tỉnh Sơn La tror muôx ntux lok nas, têx qơư lok nas lox, pêx xênhv sơưr đơưk tsuv bax uô jông têx tsưr ziv chiê phax tar trâus ntux têz ruôr hiêv, viv zôngx ziv muôx lok nas chuô lox, lok lơưs thiêz xoz tuô./.

Trấn Long-Lik Thox cxêik nhênhv

Hâux lưv xeir zuôr cưk kriê ntơưr lơưr tsaz yênhx zoz zux phưv thôngz yiêz 2018 li: Lul Anh, Tin học, kriê hêik gâux… nhoz tỉnh Lai Châu tsênhv njiz  ntâu phiv liv. Chiê cưk kriê ntơưr muôx txâuk txux chi siêz, kriê ntơưr trâu shuv xênhz cxênhx nhuôs zâu, cxênhx iz, cxênhx 2 lơưr Chính phủ Nghị định sôr 71/2020/NĐ-CP, tỉnh Lai Châu tsênhv njiz trâul phiv liv hâur tso cưk kriê ntơưr muk cơưv cxaz nzir txux chi nhoz cxênhx 2. Viv chor cưk kriê tsuv tso muk cơưv li co tsơưs hênhr, tsi txâuk kriz lớp cơưv  kriê cxaz nzir txux chi trâu tsênhv qơư./.

VOV4-Riê Lâux cxeik nhênhv