Vân Hồ zos huyện tox siêz hâur tỉnh Sơn La, 80% ntâu zos shux xênhz heir nênhs tsơưs. Txix shông cơưv 2018-2019 txos nhiv no, huyện muôx 20 gơưv shux xênhz nhoz hnuz nhôngs txix 13-14 shông tso ntơưr tsês chiê siz zuôr uô txix gơưv. Ntu jê lok no, txơưv qênhx shênhx siz zuôr nzor tưz txo grêk tsơưs, taz sik chor shux xênhz tso ntơưr tsês chiê siz zuôr cux tsênhv yuôr. Qir tiv zos viv têx nhuôs tsi tâu pâuz tsênhz txos têx tsi jông thâuv siz zuôr nzor. Zơưv Vũ Đại Thanh, thơưx seiz car tsêr cơưv cxênhx iz thiêz cxênhx 2 Tân Xuân, huyện Vân Hồ heik pâuz, iz chas choz kriê cêr uô nênhx trâu têx nhuôs, tsêr cơưv tsênhv yax kriê lok sâuv têx siz zuôr nzor, siz zuôr cxênhz jê, pox niêv txir nênhx vax huôv siz luôs, phax txar jav têx tsi jông li: Zuôv uô đaz uô tuôs…. Niêx shông, huyện cir ntơưr chos luk tso tsês têx cêr siz ntâuk tsiv, txo grêk tsơưs siz zuôr nzor, lar heik zos chor nhuôv nxeik txix 14-18 shông./.

VOV4-Riê Lâux cxeik nhênhv

Chiê taz por têx jông tiv zix phưx vưv tsôngv box muk lok hâur ntu so ntênhs 30/4 thiêz xiêz 1/5 zuôr txos, têx qơư di tích lix xưv, têx qơư nox so thiêz nganhx vênhx huôv, thiv thao thiêz ju lix tỉnh Điện Biên tưz thiêz tsênhv muôx têx bax jông tiv zix trâu jiês no. Zơưv Lò Văn Hoàng, tuêv tsar tuêv seiz car, por vêv qơư di tích no puz pâuz: “Ban seiz car tưz pheiz côngz jor tsênhz mênhx, huiz tôngv tas nro lênhx nênhs, nênhs lox tôngv chiê phưx vưv tsôngv kruô ndis shuôk. Heik cán bộ, viên chức, nênhs lox tôngv hâur taz viv uô jông têx tsưr ziv phax moz. Yax six tuô caz moz iz ndis tênhx qơư chiê uô li chas phưx vưv tsôngv box taz por”./.

Vũ Lợi-Txâur Vax cxeik nhênhv

Jiês so ntênhs 30/4 thiêz xiêz 01/5 shông no, cxuô thax tsav qơư hâur tỉnh Yên Bái zuôr uô ntâu hâux lưv muôx liv, tsênhv tsênhz chiê phưx vưv pêx xênhv thiêz tsôngv kruô. Chiê taz por txiv ngaz, truôx tuk zoz thôngz ntơưv têx qơư ndis shuôs ntux uô si thiêz tuôv zênhv pêx xênhv zoz qơưx muk lol hâur têx hnuz no, cxuô ngênhx muôx vax huôv hâur tỉnh tưz thiêz tsênhv sir jos fuô uô ntâu faz tsưr ziv. Shông no so ntêr 5 hnuz, phênhv ntâu cxuô thax tsav qơư nhoz Yên Bái puôr lênhx zuôr uô têx txux chi vênhx huôv, ju lix jông phưx vưv pêx xênhv thiêz tsôngv kruô. Zơưv Phạm Văn Hùng, Phưv Giám đốc Công ty yêz lox thiêz muôv muôs Sơn Hòa, tỉnh Yên Bái heik pâuz: “Uô ntêx 20 hnuz, pêz tưz qênhz yuôx shuôs đuô hur si têx yêz taxi lok six jông, chiê uô li chas cov phưx vưv tâu jông tsôngv kruô sơưr đơưk hâur têx hnuz so ntênhs. Heik chor nênhs tsar yêz thâuv tưs tưz uô jông lơưr công ty cui tinhv, sir jos uô luôs hâux lưv phưx vưv kruô; uô jông trơưk cui tinhv tsi hâuk chơưr bia uô ntêx thâuv zuôr tsar yêz muk lol tâus cêr, đrêk yêz trơưk cui tinhv….”./.

Đinh Tuấn-Riê Lâux cxeik, nhênhv

UB tỉnh Yên Bái nhiv kruôr tsưr tsix Ntênhs phuôx tôngv “Luz hluôk huôx tôngv viv taz por zav nox” shông 2023 đros njiêz luv “Taz por txiv ngaz zav nox hâur qênhx shênhx yiêz” đros têx tsưr ziv uô tsênhz mênhx li: tror cxơưz tiês côngz xưv yax mông, hlôngr yiêz thiêz muôz siêz tsơưr lươngv thôngz xor mông lok côngz xưv taz por txiv ngaz zav nox. Chuôz tsar lênhs tov, chox kriê muôz siêz hâu nov cấp ủy, chính quyênx tiv phaz, chiz coaz, taz viv li txơưx jênhv hâur uô têx jênhv vưv lok taz por txiv ngaz zav nox. Shông 2022, tas nro tỉnh tsưr tsix qênhz yuôx taz por zav nox 3 cxênhz 800 ntâu qơư, pov 515 qơư uô cxâuv lok taz por zav nox, xưv phuôv 304 qơư; muôz por tsês 30 zav nox tsi tax tsơưr lươngv, hax huv chuôr, tsi pâuz tsênhz qơư tsiv uô, tsi chiê tsôngv box sir zôngv zuôr trâus, tsi muôx têx txuz trâus tưx lox muôx yưv./.

VOV4-Txâur Vax cxeik nhênhv