Cik txos txuz yênhx châuv lênhx pêx xênhv jok Co Pục, xã Hua Thanh, huyện Điện Biên tsuv muk nhoz tsêr kho moz, viv tâu xav zos hâuk tsuv chor đêx muôx yuôx tsuôs đrox, hnuz 27/8, zơưv Trần Quốc Cường-Ủy viên T.Ư Đảng, Bí thư Tỉnh Ủy Điện Biên thiêz tỉnh li đoanx côngz xưv tưz muk seiz shuôs, tôngv zênhx iz cxiê lênhx nênhs trâul moz hnhar tiv hâuk chor đêx tâu xav zos muôx yuôx tsuôs đrox ntơưv pak đêx Nậm Khẩu Hu tuôx nhoz chơưv kho moz ntơưv tsêr kho moz Đa khoa tỉnh Điện Biên. Iz chas co, zơưv Cường cux choz têx cơ quan muôx vax huôv huyện Điện Biên zênhx max qênhz yuôx, uô tsênhz mênhx qir tiv thiêz heik hâu nov huyện muôx tsưr ziv paz max têx chuôz zis muôx lênhx nênhs trâul moz lok đêx hur chiê lơưr muôx đêx sir zôngv thâuv tsênhv tok ngênhx muôx vax huôv qênhz yuôx shuôs têx đêx heik sâuv. Lok sâuv chor nênhs moz heik co li đas jos, txos nhiv no, iz chas iz tus trâul moz hnhar tâu chox muk chơưv kho trâu tsêr kho moz tỉnh Điện Biên, phênhv ntâu sơưr đơưk tâu tơưv tsêr yuôx, tsuôk yuôr 2 lênhx tsênhv nhoz chơưv kho moz trâu ntơưv Tsênhv qơư y tế huyện./.

Vũ lợi-Riê Lâux cxeik, nhênhv

Nganhx zaoz zux đros têx tiv phaz tỉnh Yên Bái tsênhv sir jos bax cxuô zav chiê tos shux xênhz tror tuôx cơưv ntơưr hâur shông cơưv yiêz; hâur co, tiv zix tsov cưv txos têx tsêr cơưv nhoz tox siêz thiêz tsêr cơưv trâus ntux nas uô zênhr shar. Đros huyện Mù Cang Chải-tiv phaz nhiv kruôr hla đhâu jiês đêx cuôr yôngz đros têx ruôr hiêv hnhar, Sở zaoz zux tưz yênhx lix iz tuêv côngz xưv, choz trâu iz lênhx Phưv giám đốc uô tuêv tsar muk huyện chiê chox kriê krêz uô côngz xưv khưx phưx cux xưk li sir jos bax cxuô zav chiê têx tsêr cơưv krêz shông cơưv yiêz 2023-2024 lơưr tsưr ziv shông tưz tso tơưv. Zơưv Đào Anh Tuấn, Phưv giám đốc Sở zaoz zux tỉnh Yên Bái puz pâuz: “Txos nhiv no côngz xưv bax trâu shông cơưv yiêz cux xưk li têx theox chênhv tsưr tsix krêz shông cơưv yiêz tưz tâu taz por. Đros tsêr cưv phổ thôngz mênhx cxưx niêv txir zus mor cxênhx iz thiêz cxênhx oz Hồ Bốn, Tsêr cơưv Xéo Dì Hồ trâus ruôr hiêv hnhar tiv ntux nas nhoz huyện Mù Cang Chải, cux zuôr tos shux xênhz tâu thiêz uô jênhv vưv kriê thiêz cơưv ntơưr trơưk six hơưv, tsưr ziv tso tơưv, taz por tsưr tsix krêz shông cơưv yiêz đros tas nro têx tsêr cơưv txơưr sâuv thax tsav tỉnh”./.

TTTB-Txâur Vax cxeik nhênhv

Xã Quang huy, huyện phù yên, tỉnh Sơn La nhiv kruôr tsưr tsix Nênhs Poz Ziz đơưz li Hội tsiêz hnuz 14 luz 7 hli hli ntux shông 2023. Tsiêz no zos Poz Ziz đơưz nhoz huyện Phù Yên li txux chi vênhx huôv jông thâuv nzor, tâu tsôngv box tuôr tsês, uô đreiv txix ntâu tiêv lok. Thâuv ntêx, tsiêz 14 luz 7 hli hli ntux khênhr tâu uô hâur iz hnuz, hnuz 14/7 niêx shông. Taz nhiv no, tsiêz co tsênhv tâu uô đros trâu ntâu têx txux chi cêr nênhx xênhz huôx hâur niêx hnuz li: Uô liêx têz thiêz ntâuk grê tsôngv box Poz Ziz têx chuôz zis cêr huôv tsar uô nox uô hâuk. Nhiv no, tsi tiêk tsôngv box Poz Ziz li nox luz tsiêz co, mak tưz yênhx côngv thôngx sơưr đơưk nhoz Phù Yên iz cêr thôngx siêz, lov jêv cxuô. Zơưv Sa Đức Toàn, Bí thư Đảng ủy xã Quang Huy, huyện Phù Yên heik pâuz: “Pir li cxiê shông, xã Quang huy tưz bax luz tsiêz no lok six jông thiêz muôx ntâu txux chi uô lov jêv. Lar heik, sơưr đơưk lok six shir phaz, jông siêz. Shông no, tsiêz 14 luz 7 hli hli ntux muôx 2 phênhv, co zos sik tưr uô têx zav nox kaz, sik tưr hnar zuk heir nênhs têx tsôngk yo jông thiêz nthuôr uô têx txux chi cêr lov jêv li: Đhiê pak vuôk uô si lov jêv, lêiv poz. Ciês lok sâuv sik tưr uô têx zav nox kaz mak muôx 11 đội thik nhoz 11 jok hâur thax tsav xã Quang Huy tuôx siz tưr uô, lar heik hâur têx zav nox thâuv tưs tưz zuôr tsuv grêix ok-no zos Poz Ziz đơưz Phù Yên zav nox hâur hnuz tsiêz co”./.

VOVTB-Riê Lâux cxeik, nhênhv

Nhiv kruôr đhâu, sâuv thax tsav xã Nậm Chạc, huyện Bát Xát, tỉnh Lào Cai muôx iz txuz pôngz đêx, uô 3 tul mê nhuôk Hmôngz trâus tuôs, 3 lênhx mê nhuôk no puôr lênhx muôx 7 shông hnuz nhôngs. Qir tiv qir thơưx tâu xav tênhv zos 3 tul mê nhuôk no muk seiz nhux, pov iz doanh nghiệp sâuv thax tsav li pas đêx chos tsơưz viv li đhiê muk luôv đêx, uô muôx yưv txiêz nanv. Lơưr lênhs tov UB xã, txiêz nanv muôx yưv thâuv 8 six ntâu, thâuv txos 9 six thiêx li pov tâu mak tưz lis lơưv. Chính quyênx tiv phaz thâuv pâuz tâu xor mông tưz mul seiz nus, tôngv vênhx chuôz zis, thôngx cxix chox kriê uô tsênhz mênhx hâux lưv no. No zos iz lo luk canhv pov txix têx txiêz nanv riêz nênhs đros mê nhuôk zâu, têx lênhx uô niêv uô txir tsuv tsov cưv seiz jor zuk têx mê nhuôk cov jông./.

An Kiên-Txâur Vax cxeik nhênhv