Zơưv Lê Quốc Minh, Ủy viên Trung ương Đảng, Tổng Biên tập Pov chir Nhân dân, Phưv Trưởng Ban Tuyên giáo Trung ương, Chủ tịch Hội Pov chir Việt Nam thiêz đoanx côngz xưv Pov chir Nhân dân tưz muôx jiês uô hâux lưv đros tỉnh Yên Bái. Têx shông đhâu, côngz xưv sik côngv yax kriê nhoz pov chir Nhân dân thiêz Tỉnh ủy Yên Bái tâu sir jos uô. Pov chir Nhân dân tưz đros đrêiv Tỉnh ủy Yên Bái hâur tso tơưv têx jax sâu hêik lok Yên Bái, lok têx kror uô tâu hâur huôv tsar kinh têr-xar hôiv, vênhx huôv, côx phax-ngaz tuk, đối ngoại, cxiv tsa Đảng thiêz cxiv luôs chinhr triv, nênhs jông uô hâux lưv jông, têx tsưr ziv uô nox jông, txơưx xar tơưv sâuv thax tsav tỉnh… Têx tsênhv njiêz hâur pov chir zos xor mông zov chênhr trâu chor tsưr tsix Đảng hâur yax kriê Đảng, Têz qơưk têx cêr chêi txos trâu pêx xênhv pâuz; tsav txênhz, phax tar chor nênhs fêv li têx tsưr ziv nziêk đas; paz cov pêx xênhv njênhs njôngr trâu Đảng, Têz qơưk./.

Đinh Tuấn-Lik Thox cxêik nhênhv

Ntơưv xã Phổng Lái, huyện Thuận Châu, tỉnh Sơn La, Ủy ban huyện Thuận Châu nhiv kruôr tsưr tsix sik tưr đhiê Olympic viv tas nro tsôngv box li đas jos shông 2023 reik đros piêr kriê ju lix. Jiês sik tưr đhiê co tưz hu zâuv tâu 500 ntâu lênhx đros trâu ntâu tus kruô tuôx ndis seiz têz qơưk uô si cxaz chuôz. Sik tưr đhiê, tsôngv kruô thiêz chor nênhs cxaz chuôz muôx têx ndis seiz iz cxiê qơư ju lix jông nhoz Phổng Lái li: Thax tsav ju lix Pha Đin, Bình Thuận têx muôx jông thiêz iz cxiê qơư ju lix chiv xênhz đrox tsuôs….. Suôx câuv tsaz yênhx, Ban tsưr tsix tưz muôz huv kruôs trâu têx lênhx sik tưr đhiê tâu jông. Iz cahs co, cux muôz huv trâu đoanx muôx ntâu lênhx cxaz chuôz sik tưr đhiê, lênhx nênhs muôx hnuz nhôngs siêz yax thiêz lênhx nênhs muôx hnuz nhôngs zâu yax./.

Trấn Long-Riê Lâux cxeik nhênhv 

Iz txuz trâus pôngz đêx pôngz siêz nhiv kruôr muôx yưv sâuv thax tsav phường Nam Thanh, thành phố Điện Biên Phủ (tỉnh Điện Biên) uô trâu oz lênhx nhuôs zâu trâus tuôs. Txuz hâux lưv no muôx yưv ntơưv jok Pom Loi, phường Nam Thanh. Six hơưv co, pêx xênhv sâuv thax tsav thâuv muk gra đêx zưs jâuz chêk pov 2 lênhx nhuôs zâu iz lênhx muôs 6 shông thiêz iz lênhx muôx 3 shông trâus tuôs hâur Công trinhx đêx liv Nậm Rốn tuk cưx đêx. Lơưr xor mông xuz thơưx, thâuv muôx yưv txiêz nanv, zos oz lênhx nhuôs co chêix yêz tuôx thiêz ntos trâu hâur tuk cưx đêx thiêz trâus tuôs./.

Vũ Lợi-Lik Thox cxêik nhênhv

Cux zos ntơưv Điện Biên, iz lênhx nênhs nhiv kruôr trâul tuôs tiv moz vưv, co zos iz tus zơưv muôx 50 shông, nhoz xã Thanh Nưa, huyện Điện Biên, tỉnh Điện Biên. Li ntơư, txix hâur shôngk shông txos nhiv no, sâuv tahxx tsav tỉnh Điện Biên tưz muôx 2 lênhx nênhs trâul tuôs tiv moz vưv. Chor nênhs heik sâuv puôr lênhx tsi tâu cxax yuôx vắc xin phax phôngz moz vưv, tsi tâu pâuz tsênhz lok moz vưv li têx riêz nênhs. Tsênhv qơư sêiz njuôk shuôs moz gênhk tỉnh Điện Biên hêik tsôngv pêx xênhv, zos lênhx tưs trâul đêr, mir lok zos yưs tov, khơưz mak tsuv zênhx max muk chuôs cưk yuôx thiêz cxax vắc xin phax tar moz vưv, tsi tâu lav tâuk lav muôz têx yuôx đrox njuôz uz no kho. Đros thiêz têx chuôz zis zus đêr, mir tsuv uô jông lơưr têx tsưr ziv: Cxax yuôx phax phôngz moz trâu 100% têx đêr, mir thiêz tsi so cxax hâur niêx shông lơưr cơ quan kho moz tsiêx cxu ntơưv qơư li heik kriê; chuôz zis tưs zus đêr tsuv muôz khi, cơư, hok zos tso tơưv mak sơưr đơưk tsuv muôz tơưz lôngx đêr kror ndâux./.

Vũ Lợi-Riê Lâux cxeik nhênhv