Txix ntêr lok, xiêz 02/9 tưz yênhx hnuz hội lov jêv, hnuz tsôngv pêx xênhv sơưr đơưk nhoz tox siêz Lai Châu tâu tuôx siz chuôs njiz, sik thav lok têx cêr uô nox uô hnar, siz ndo yuô. Chiê tsôngv pêx xênhv muôx qơư uô si lov jêv hâur têx hnuz heik sâuv, cxuô thax tsav qơư hâur tỉnh cxiv tsa tsưr ziv nthuôr uô têx txux chi vênhx huôv, cêr lov jêv chiê tsôngv niêv txir lax pêx xênhv sơưr đơưk hâur thax tsav tuôx đros côngv uô si. Yar tiêx vênhv tôngv huyện Than Uyên-suôv qơư hnuz xiêz 02/9 zuôr nthuôr uô lov jêv đhiê pax vuôk xòe, muôx nhos iz cxênhz lênhx nênhs txix ntâu hnuz lok no thâuv tưs cux hnor krêz suôz trax lov đror jêv ntưk sik đros cơưv shâuv chiê bax nthuôr uô trâu hmo hơưv xiêz 02/9. Iz chas Than Uyên, cxuô thax tsav txơưr đuô nhoz Lai Châu li: chor huyện Tân Uyên, Tam Đường, TP Lai Châu....cux muôx tsưr ziv nthuôr uô têx txux chi vênhx huôv, thêv thao thiêz cêr lov jêv chiê cxuô jêx jok, thax tsav tsôngv box nhoz kror tưs cux muôx cêr lov jêv, jông siêz, shir phaz./.

Khắc Kiên-Riê Lâux cxeik, nhênhv

Ntênhs ciêz thax tsav tsôngv box mênhx cxưx tsênhv tsưr tsix ntơưv Lào Cao muôx ntâu xiv huv nto bê nhoz têx tiv phaz tâu piêr muôs ntơưv ciêz. Ntênhs ciêz muôx 120 qơư piêr muôs hax huv, piêr kriê 25 mênhx cxưx nhoz tỉnh tox siêz Lào Cai li têx xiv huv nto bê. No cux zos jiês xuz thơưx iz ntênhs ciêz tsês trâu tsôngv box mênhx cxưx tsơưs nênhs tâu tsưr tsix. Lơưr zơưv Trần Trọng Thông, Chủ tich UB huyện Bảo Yên, Ntênhs ciêz cux zos jiês uô Lào Cai li Nghị quyết lok kôngz nuv, chiê huôv tsar kôngz nuv hax huv txos shông 2030: “Thôngz đhâu huôx tôngv no, pox nhuôk cux xưk li têx doanh nghiệp, HTX cux zuôr muôx tâu jênhv pâuz txơưr hâur zuk li tsưr ziv tsiv uô, uô li chas chiê uô tâu têx xiv huv jông, nto bê; thôngx cxix tsuv taz por lơưr ploz tsênhr chiê ndar txos sik côngv đros niêv ciêz lox đuô, paz tsôngv box li xiv huv tâu sâu zuôr ntâu đuô”./.

An Kiên-Txâur Vax cxeik nhênhv

Ủy ban huyện Mộc Châu, tỉnh Sơn La nhiv kruôr kriz uô tsaz yênhx tso tơưv phần mềm ju lix “Mộc Châu”. Co zos xor xưv uô ntêx hâur têx hâux lưv ciêz vênhx huôv ju lix Mộc Châu shông 2023. Tsaz yênhx co zos Công ty IGB đros paz trâu huyện, xav hur si tsiv gri xar muôx 4 tyv đeiv, chiê paz cxơưz cxiz hlôngr yiêz sôr, cxơưz cxiz têx doanh nghiệp huôv tsar, cux li hlôngr yiêz luz nênhx, truôx tuk xã hội trâu pêx xênhv hâur thax tsav thiêz paz trâu ju lix ntơưv qơư huôv tsar. Têx li heik co zuôr uô hlôngr yiêz 5 hâux lưv, co zos: Qơu ju lix, vênhx huôv ntơưv qơư, têx xiv huv cxôngx nzor, zav nox thiêz têx tsêr trâu kruô tuôx nhoz so ndis uô si, sêiz shuôk têz qơưs. Nhiv no tsôngv kruô tưz muôx têx krêz tâu ứng dụng “Ju lix Mộc Châu” sâuv Appstore lok sik Google Paly./.

Trấn Long-Riê Lâux cxeik, nhênhv

Nhiv kruôr đhâu, ntơưv thax tsav jos Phiêng Bung, xã Mường Báng, huyện Tủa Chùa (Điện Biên), lưx lươngv sik côngv zos Tuêv cảnh sát qênhz yuôx, Công an huyện Tủa Chùa lov lik, tưz pov iz paz lênhx nênhs thâux gra ntông tsi trơưk chei muôx: Hangv A Sinh, Hangv A Thào puôr lênhx xênhz shông 2004 thiêz puôr lênhx nhoz xã Mường Đun, huyện Tủa Chùa, Shôngx A Zax xênhz shông 1994 nhoz xã Tủa Thàng, huyện Tủa Chùa thiêz Cứ A Phôngv xênhz shông 1992 nhoz xã Xá Nhè, huyện Tủa Chùa; chor tsênhv yuôr mak tưz khiêz điv tâu. Sâu tâu 107 zas ntông ntôngx uô los chav; 9 luz yêz meir thiêz iz cxiê chuôz zênhx txơưr. Nhiv no têx lênhx nênhs trâus ntês cxov tưz tâu chox lok CÔng an huyện Tủa Chùa chiê tror qênhz yuôx, uô tsênhz mênhx hâux lưv no./.

Vũ Lợi-Txâur Vax cxeik nhênhv