Chủ tịch UB tỉnh Lào Cai nhiv kruôr chox kriê thor ziv chênhv đros hâux lưv tso tsês hâux lưv hlôngr six hơưv uô hâux lưv hâur cheix ntux no thiêz ntux sor, mak ndar txos thôngx ziv iz six hơưv uô hâux lưv trâu tas nro shông. Lơưr co, đros công chức, viên chức thiêz nênhs lox tôngv hâur têx chiz coaz hành chính thiêz tsưr tsix chính trị xã hội, njuôs xav six hơưv uô hâux lưv zos txux 7 six 30 phênhz txos 12 six, zar hnuz keix zos 1 six 30 phênhz txos 5 six, uô txix thứ 2 txos thứ 6 hâur tas nro shông, tsi xav hnuz thứ 7, hnuz ciêz thiêz têx hnuz ntênhs. Đros têx tsêr cơưv cxênhx mê nhuôk zâu thiêz phổ thôngz công lập, six hơưv cơưv ntơưr nzor đuô thiêz suôv câuv lis đuô txix 10-15 phênhz. Hâux lưv hlôngr yiêz six hơưv uô lơưr yênhx thax tsav qơư, qiv hơưv, cêr cor cav uô nênhx nhoz tiv phaz co, tsêr cơưv li tsưr ziv zaoz zux thiêz lơưr yênhx cấp cơưv; taz por cưk kriê kriê nzir cxix cxuô trơưk cui tênhv, thôngx cxix taz por shux xênhz li đas jos thiêz chêx cuk zaoz zux. Hâux lưv sâu zuôr ziv chênhv zuôr zos Sở lox tôngv- thương binh thiêz xã hội lov lik, sik côngv đros Sở nội vụ, Sở zaoz zux thôngz sâu, pov cov UB tỉnh uô ntêx hnuz 20/9./.

VOV-Txâur Vax cxeik nhênhv

Tas cik hnuz 30/8, ntơưv tỉnh Yên Bái, Ban xor xưv VOV1, Đeix nta suôz Việt Nam đros Ủy ban huyện Văn Chấn thiêz têx lênhx nênhs chơưv paz tsưr tsix ntênhs uô tiêr qơư cơưv Sài Lương, nhoz tsêr cơưv cxênhx nhuôs zâu xã An Lương, huyện Văn Chấn, tỉnh Yên Bái. Côngz trênhx muôx 02 qar tsêr cơưv cxênhx nhuôs zâu, 01 qar trâu têx lênhx cưk kriê ntơưr nhoz uô hâux lưv kriê txux chi thiêz iz cxiê côngz trênhx txơưr đuô. Xav hur si têx nhiêx txiêx cxiv tsa côngz trênhx tas muôx 920 tsov đeiv ntâu. Co zos têx lênhx nênhs siêz jông đros Đeix TNVN paz cxiv uô trâu chor nhuôs shux xênhz thax tsav tox siêz xã An Lương, huyện Văn Chấn, tỉnh Yên Bái. Cưk kriê Hoàng Thị Thanh Tuyết, Thơưx seiz car tsêr cơưv cxênhx nhuôs zâu An Lương shir phaz heik: “Thâuv ntêx qơư cơưv no zos lav muôz shôngz ntông cxiv uô trâu shux xênhz cơưv ntơưr xưz, zos ntux lok nas mak têx foz nja ntuz tas, kror cxiê qơư gok njuôr. Têx hnuz ntux nas tưz tsi tso siêz kriê ntơưr trâu shux xênhz hlo. Thâuv muôx qơư jông, khor kho trâu shux xênhz nhoz cơưv li no, paz chor cưk kriê tso siêz đuô tsoz phưz, kriê têx nhuôs txux chi. Hlôngr njêx muôs tsêr cơưv, cur uô tsâus ntâu txos chor nênhs siêz jông tưz paz cxiv uô qơư cơưv ntơưr puz trâu tsêr cơưv”./.

 VOV-Riê Lâux cxeik, nhênhv

Lơưr Sở zaoz zux tỉnh Điện Biên, shông cơưv 2023-2024 pir đros tsưr ziv tâu choz, tiv phaz tsênhv yuôr muôx nhos 2 cxênhz lênhx cưk kriê têx cxênhx cơưv tix cxênhx mê nhuôk zâu txos cxênhx 3 thiêx li muôx txâuk cưk kriê. Hâur co, cxênhx cơưv mê nhuôk zâu zos muôx tsi txâuk ntâu lênhx cưk kriê tiv zix, muôx nhos 980 lênhx, lơưr co zos cxênhx 2 yuôr muôx nhos 540 lênhx thiêz thiêx li txâuk, cxênhx 1 thiêz cxênhx 3 yuôr muôx nhos 230 txos 260 lênhx thiêz. Zơưv Nguyễn Văn Đoạt, giám đốc Sở zaoz zux tỉnh Điện Biên puz pâuz: muôx ntâu qir tiv uô muôx tsi txâuk cưk kriê ntơưr, taz sik phênhv ntâu zos tiv têx shông jê ntơưv no muôx ntâu lênhx cưk kriê thor hlôngr thax tsav uô côngz xưv, hlôngr hâux lưv uô, lok sik tso tsês hâux lưv uô….hâur co hâux lưv xeir zuôr cưk kriê yiêz tsi tâu tuôv zênhv tâu, muôx tsi txâuk cưk kriê tsơưr lươngv…./.

Vũ Lợi-Txâur Vax cxeik nhênhv

Têx tsưr ziv taz por truôx tuk zoz thôngz uô ntêx, hâur thiêz đhâu so xiêz 02/9 tsênhv tâu tỉnh Sơn La sir jos fuô uô, lar heik zos ntơưv têx thax tsav njuôk xav zuôr muôx ntâu tus chôngz lênhx kruô tuôx ndis uô si hâur têx hnuz so heik sâuv. Xã Tà Xùa, huyện Bắc Yên, tỉnh Sơn La zos iz hâur têx qơư ju lix to bê hâur thax tsav Tây Bắc. Njuôk xav hâur têx hnuz so xiêz 02/9 shông no, tsôngv kruô tuôx ndis shuôs têz qơưk uô si zuôr tsar ndê ntâu đuô 2, 3 bâus pir li têx hnuz fênhx yax; kruô cheix têx yêz kruô cux iz zav li chor yêz muk lol tâus cêr cux zuôr ntâu đuô. Chênhr zos li heik co, luôs hâux lưv taz por truôx tuk zoz thôngz tsênhv tâu sir jos fuô uô jông. Ntơưv huyện Vân Hồ-suôv qơư nhoz hâur têz qơưk thax tsav ju lix Mộc Châu đros trâu nthuôr uô ntâu têx txux chi vênhx huôv cêr lov jêv, muôx ntâu tus chôngz lênhx nênhs tuôx ndis shuôs uô si no, lưv lươngv muôx vax huôv cux tưz bax jông cxuô tsưr ziv taz por truôx tuk zoz thôngz. Thượng tá Nguyễn Quốc Việt, Tsar Công an huyện Vân Hồ heik: “Công an huyện nhoz trơưr ntơưv qơư uô hâux lưv 100%, tsi so tso nênhs muk hâur thax tsav qênhz shuôs chiê taz por truôx tuk thiêz jông trâu tsôngv box sơưr đơưk tuôx côngv cêr lov jêv, uô si, cheix yêz muk lol sâuv cxuô txox cêr”./.

                               VOVTB-Riê Lâux cxeik, nhênhv