Zar hnuz kêix 3/4, chinhr quyền thax tsav Du lịch Têz qơưk Sa Pa-Lào Cai tưz tsưr tsix hêik pâuz cêv kuôk huôv tsar tsưr ziv uô txos shông 2040 nhiv kruôr tâu Thủ tướng Chinhr phuv tso tơưv. Đồ anr cêv kuôk cxuô Thax tsav Qơư du lịch têz qơưk Sa pa tâu cxiv tsa lơưr cêv kuôk cxuô nro tâu tso tơưv trâu shông 2016. Lơưr co, thax tsav cêv kuôk cxuô cxiv tsa Thax tsav qơư Du lịch Têz qơưk Sa Pa-thị xar Sa Pa, tỉnh Lào Cai txos shông 2040 zos tas nro thax tsav thị xar Sa pa đar muôx 70.000 héc ta. Zơưv Tô Ngọc Liễn, Chủ tịch UBND thị xar Sa Pa, tỉnh Lào Cai puz pâuz, đồ anr cêv kuôk cxuô tâu thôngz đhâu paz trâu tsưr ziv huôv tsar thax tsav qơư du lịch Têz qơưk Sa Pa-thị xar Sa Pa huv đros sâuv ntiêx têz, muôx cêr cxuô zav thiêz dịch vuv cxix cxuô, jông đuô tax tâu trâu huôv tsar du lịch, đô thị thiêz jêx jok truôx đrênhk. Thôngx cxix, paz pháp lý chiê sêiz car cxiv tsa, zaz zâuv yưv pênhr cov tâu truôx jông, tax tâu txêik tok 8 triệu lênhx kruô tuôx ndis shuôk shông 2023 thiêz 12 triệu lênhx kruô tuôx trâu shông 2040./.

An Kiên-Lik Thox cxêik nhênhv

Đhâu 1 luz hlik ntâu krêz uô Cục cảnh sát zaoz thôngz li njiêz luv lok chêx chôngk yưr lir nênhs hâuk chơưr bia tsar yêz cxaz chuôz zaoz thôngz, lưx lươngv cảnh sát zaoz thôngz tas nro tỉnh Sơn La tưz pheiz côngz, tsưr tsix 1 cxênhz 800 tuêv qênhz yuôx, đros 7 cxênhz 800 jiês cán bộ chiến sĩ cxaz chuôz, uô biên bản 5 cxênhz 200 lênhx nênhs uô cxâuv, khiêz nhiêx txiêx xưv bluô 14 tỷ đeiv ntâu. Hâur co, uô cxâuv lok hâuk chơưr bia muôx 2 cxênhz 140 ntâu lênhx nênhs, xưv bluô nhiêx txiêx 8 tỷ đeiv ntâu. Thượng tá Nguyễn Trung Kiên, Phưv tsar phongx cảnh sát zaoz thôngz, Công an tỉnh Sơn La puz pâuz:

“Đros tsưr ziv zos tsi muôx thax tsav txưr, tsi muôx têx tsov cưv, hâx lưv yưr lir uô cxâuv lok hâuk chơưr bia cxaz chuôz zaoz thôngz tax chêx cuk siêz; txiêz nanv zaoz thôngz txu grês. Tiv zix chor txuz txiêz nanv zaoz thôngz muôx lênhx coaz txos chơưr bia txu grês ntâu, tsôngv box uô jông cui tênhv taz por zaoz thôngz tsi hâuk chơưr bia thâuv cxaz chuôz zaoz thôngz”./.

(Vũ Lợi-Txâur Vax cxeik nhênhv)

Iz txuz txiêz nanv lox tôngv nhiv kruôr muôx yưv uô 2 lênhx nênhs trâus tuôs ntơưv Côngz trinhx Pak tsês chiê đêx Ẳng Cang, huyện Mường Ảng, tỉnh Điện Biên. Oz lênhx công nhân trâus tuôs nhoz ntơưv Hải Dương zos nênhs hâur taz viv uô iz kror qơư tsês chiê đêx ntơưv pak đêx Ảng Cang chêk njiz trâus txiêz nanv. Iz cxiê lênhx nênhs puz pâuz, kror bể tsês chiê đêx no đar muôx 20 thiêr ndis thiêz tâu uô bê tông vor tas hur si tsuôk tsês iz luz kror zâu lơưr kỹ thuật. Thâuv iz lênhx công nhân no grêk muk hâur kror bể đêx qênhz yuôx, lôngx đhok têx chuôz zênhx mak muôx 10 phênhz tov kaz cux tsik pov tơưv lok. Lênhx công nhân tiv oz tror grêk muk hâur qênhz yuôx thiêz đhâu co tas nro oz lênhx công nhân puôr lênhx trâus tuôs. Nhiv no cơ quan công an tsênhv qênhz yuôx, nriêr pâuz tsênhz qir tiv uô oz lênhx nênhs no trâus tuôs./.

Vũ lợi-Lik Thox cxêik nhênhv

Ntơưv cei cêr 42+600 niêv cêr 32, nhoz jos Tân Hợp, xã Sơn Bình, huyện Tam Đường, tỉnh Lai Châu muôx yưv txuz txiêz nanv zaoz thôngz hâur luz yêz ô tô thiêz yêz meir, uô iz lênhx mê nhuôk trâus tuôs ciês ntơưv qơư. Hâux lưv muôx yưv thâuv luz yêz meir zos tuk mê nhuôv Lò Văn Việt xênhz shông 2009 tsar thiêz thâux 2 tul mê nhuôv zos Lò Văn Lợi thiêz Lò Văn Nam (2 lênhx puôr lênhx xênhz shông 2011) đrâu trâu luz yêz container thiêz iz saz yêz teiv muk saz tov lok; uô Việt tuôs ciês ntơưv qơư, Nam thiêz Lợi trâus lor chês; yêz meir trâus puôk tsuôx hnhar. Ciês thâuv muôx txiêz nanv, chiz coaz muôx txơưx jênhv tiv phaz thiêz tsôngv box tưz chox 2 tul mê nhuôk muk chơưv kho ntơưv tsêr kho moz đa khoa tỉnh Lai Châu. Nhiv no chiz coaz muôx txơưx jênhv tsênhv sik côngv qênhz yuôx xav tênhv lok hâux lưv puz mê nhuôk tsi tâu txâuk shông tsar yêz. Thôngx cxix xav tênhv têx mê nhuôk co pok zos shux xênhz cơưv hâur tsêr cơưv nhoz tiv phaz?./.

(Khắc Kiên-Lan dịch đọc)