Hâur 2 hnuz txix hnuz xiêz 2 txos hnuz xiêz 3/8/2023 ntơưv têx tỉnh thax tsav Tây Bắc li Lào Cai, Lai Châu, Sơn La, Điện Biên pov muôx ntux lok nas lox, uô ntâu cêr zaoz thôngz muk lok tsi tâu tiv đêx ngaz, njuôs xav muôx đêx cuôr yôngz, tox poz ar lơuk uô ruôr hiêv iz cxiê côngz tsinhx thiêz tsôngv box li kôngz lôngk…Ntơưv Điện Biên, hâur 2 hnuz đhâu ntux lok nas lox uô 40 tsêr nhoz, côngz tsinhx zaoz thôngz, đêx liv thiêz 100 hecta blêx, kôngz lôngk trâus ruôr hiêv. Tas nro ruôr hiêv 6 tỷ đeiv ntâu. Nhiv no têx tiv phaz tsênhv sik côngv đros têx xã, phường, thị trấn qênhz yuôx, thôngz sâu thiêz ntâuk grê têx trâus ruôr hiêv, yax mông vênhv tôngv têx ziv chuôz zis khưx phưx chiê ngaz tul luz nênhx.

Chiê txu grês têx txuz txiêz nanv tiv đêx cuôr yôngz thiêz đêx ngaz, chính quyênx tiv phaz thiêz chiz coaz muôx txơưx jênhv têx tỉnh Tây Bắc tưz uô lax caz xor their, cxok fiêx canhv pov, txar têx chuôz zis nhoz thax tsav riêz nênhs muk nhoz qơư taz por, thôngz xor mông txos têx cấp chính quyênx, tsôngv box chuv tôngv muôx tsưr ziv phax tar huv đros, chuv tôngv lênhx nênhs, chuôz zênhx taz por zênhx max khưx phưx thâuv muôx têx ruôr hiêv tiv ntux nas./.

VOVTB-Txâur Vax cxeik nhênhv

Ntu đhâu, khov uô jông côngz xưv yax kriê, kriz uô đêz đar têx tsưr ziv jông, tsưr ziv uô nox txơưx xar tơưv, tsôngv box mênhx cxưx tsơưs nênhs nhoz Yên Bái li jênhv pâuz lok côngz xưv dân sôr-Tsưr ziv xênhz zus nhuôs hâur chuôz zis tưz muôx ntâu hlôngr yiêz, chor nênhs hâur hnuz nhôngs xênhz zus sir zôngv têx tsưr ziv paz cov tsik muôx mê nhuôv ziv hnuz ziv chuôz ndê, paz txo grêk tsơưs xênhz zus tuk nhuôs tiv 3. Zơưv Hồng Xênhv Cưr, Giám đốc Stênhv qơư Y têr huyện Mù Cang Chải puz pâuz: “Huyện ủy, Hôiv đôngx, Ủy ban huyện tưz muôz côngz xưv dân sôr trâu hâur Nghị quyết cấp ủy, chinhr quyền ntơưv qơư thiêz choz jênhv vưv trâu cxuô nganhx cxiv tsa tsưr ziv thiêz muôx tsaz yênhx huôx tôngv trâu yenhx nganhx. Tiv zix nganhx Y têr hêik trâu huyện pâuz lok six tsênhv tsênhz yênhx tsưr ziv thiêz cux muôx ntâuz hlôngr yiêz jông hâur kriz uô”./.

Đinh Tuấn-Lik Thox cxêik nhênhv

Siêz xar njôngr muôx tâu iz txox cêr lox đar, tsêr vênhx huôv tâu cxiv uô jông, tsưr ziv huôv tsar cêr uô nox yiêz thiêz muôx chêx cuk….nhiv no tưz yênhx tsênhv tsênhz đros ntâu lênhx tsôngv box nhoz thax tsav tox siêz Sơn La. No zos chêx cuk qir thơưx đhâu zuôr xar 2 shông krêz uô Tsaz yênhx têz qơưk li qơư tsov txos lok huôv tsar KTXH thax tsav tsôngv box mênhx cxưx tsơưs nênhs thiêz tox siêz ntu 2021-2030. Cux txix tsaz yênhx têz qơưk li qơư tsov txos 1719 li phênhv pênhr, sâuv tas nro têx jêx jos thax tsav tsôngv box mênhx cxưx tsơưs nênhs nhoz huyện Phù yên (Sơn La) ntâu côngz tsinhx tsêr cơưv, qơư y tế, ciêz đrôngs lok sik têx qơư nhoz yiêz chiê phax tar ntux nas….jux jus tâu uô tiêr. Hâur co muôx 58 côngz tsinhx tâu yưv pênhr cxiv tsa shông 2023, txos nhiv no tưz muôx iz đraz tâu choz thiêz chox lok sir zôngv. Zơưv Đặng Quang Hưng, Chủ tịch UB huyện Phù Yên, SƠn La puz pâuz “Ntu zuôr txos pêz zuôr tror yax mông Đảng, têz qơưk li chính sách, hâur co muôx tsaz yênhx 1719 txos tsôngv box pos, cán bộ, công chức, viên chức chiê muôz siêz jênhv pâuz, krêz uô muôx chêx cuk. Tror seiz car têx tsaz yênhx, dự án coaz tsôngv, thôngz sâu têx hâux lưv tsi tâu uô tâu chiê car chêx, chuôz tsar seiz car, taz por muôx chêx cuk tsênhv tsênhz”./.

Lê Hạnh-Txâur Vax cxeik nhênhv

Lơưr xor mông txix Bôv Vênhx huô, Thể thao thiêz Du lịch, Phưv Thủ tướng Chinhr phuv Trần Hồng Hà nhiv kruôr cir cuêz tênhv 898/QĐ-TTg tso tơưv jênhv vưv cêv kuôk tuôr tsês chiê, kho đuô, khưx phưx Di tích lịch sử Têz qơưk qơư ntâuk tros châuz Điện Biên Phủ, tỉnh Điện Biên. Lơưr co, thax tsav qơư cêv kuôk, nhênhz chơưv zos tas nro têx qơưk muôx Di tích lịch sử têz qơưk lok ntâuk tros châuz ntơưv Điện Biên Phủ nhoz thax tsav thành phố Điện Biên Phủ, huyện Điện Biên thiêz huyện Tuần Giáo, tỉnh Điện Biên, đros thax tsav muôx 283.826,76 héc ta./.

VOV4-Lik Thox cxêik nhênhv