Thôngz sâu txix Cục nhiêx sê tỉnh Lào Cai, txix hâur shôngk shông txos nhiv no muôx 500 ntâu lênhx nênhs tưz khiêz txâuk phênhv nhiêx sê thiêz têx phênhv tsuv kheiez lok nhiêx txiêx têz qơưk đros chor nhiêx txiêx ndê txos 2-3 châuv tỷ đeiv. Hâur co muôx ntâu doanh nghiệp yuôr nox grê nhiêx sê txix 2-3 tỷ txos yênhx châuv tỷ đeiv. Chiê sâu tas nux grê nhiêx sê, Cục nhiêx sê tỉnh Lào Cai tưz chêx chôngk têx tsưr ziv chiê sâu nux grê, tso tơưv 200 ntâu thôngz pov muôz nhiêx txiêx txix tài khoản, thôngz pov tso tsês tsi sir zôngv hóa đơn thiêz thôngz pov tso tsês hâux lưv muk lok saz đrâuv têz qơưk đros nênhs kênhz khiêz nhiêx sê. Chiê sir jos tax tâu phênhv sâu 12 cxênhz tỷ đeiv hâur shông no, đros seiz car jông phênhv sâu nhiêx sê hâur têz qơưk thiêz muôs tơưv saz đrâuv têz qơưk, Lào Cai tsov cưv txos tsưr ziv muôz tênhx qơư jông chiê kinh doanh, paz chiê doanh nghiệp gôngr nhiêx sê trâu têz qơưk./.

An Kiên-Txâur Vax cxeik nhênhv

Phuôx huiz kror liv lok muôx ntông nox txir ntâu  tiv oz tas nro têz qơư, đros ntâu hax huv kôngz nuv muôx hâur thax tsav, tsơưr lươngv sơưr thơưx hâur thax tsav, Sơn La tsênhv tsêx trung chuôz ndê mã sôr thax tsav chos phưx vưv trâu muôs  tơưv saz đrâuv têz qơưk, cxiv tsa côngz bê, ntơưr lo chiv trâu têx hax huv kôngz nuv. Tỉnh Sơn La nhiv no muôx 381 mã sôr thax tsav chos tâu Cục Por vêv đrox tsuôs, Bôv Kôngz nuv thiêz Huôv tsar jêx jok tox siêz cungz, đros muôx 4.600 héc ta ntông nox txir thiêz 34 kror qơư uô ntiv haur hnaz phưx vưv trâu muôs tơưv saz đrâuv têz qơưk. Zơưv Nguyễn Thành Công, Phưv chủ tịch Ủy ban tỉnh Sơn La puz pâuz: Chiê taz por trâu muôs tơưv saz đrâuv têz qơưk, Sơn La zuôr sir jos kriz uô têx tsưr ziv uô hur trâu tsoz chos; tsêx trung sir zôngv công nghệ hâur huôv tsar uô nox, tsov cưv txos tsưr ziv sâu đê, công nghệ tsês chiê đhâu sâu tas: “Thax tsav ntông nox txir muôx 82.000 héc ta, Nghị quyết Ban chấp hành Đảng bôv tỉnh Sơn La njuôk xav txos shông 2025 zuôr huôv tsar tâu muôx 100.000 héc ta, taz sik txix co cux zuôr sir jos uô jông đuô, hlôngr yiêz đuô thax tsav tsoz chos, ndar txos uô jông lơưr iz héc ta chiê tu cov tâu jông, tsik chiê muôx ntâu têx tsoz chos tsik jông, tax tâu tsưr ziv zuôr nhoz têx têz qơưk; taz por tsơưr lươngv, côngz bê hax huv chiê phưx vưv trâu muôs tơưv saz đrâuv têz qơưk”./.

Lê Hạnh-Lik Thox cxêik nhênhv

Tâu uô txix cxur thiêz xaz hmôngz chơưr Hang Chú muôx têx kaz txơưr thiêz tsi taz zos zav chơưr muôx tsiv grê nhoz tox siêz Bắc Yên (Sơn La) mak tsênhv zos hax huv tâu ntâu lênhx nênhs pâuz txos, tiv zix zos txix thâuv HTX Tiến Hưng, huyện Bắc Yên yênhx lix, sik côngv đros têx ziv chuôz zis sâu zuôr chơưr. Shông 2021, chơưr Hang Chú HTX Tiến Hưng tâu côngz jênhv zos xiv huv công nghiệp nôngx cxênhz jông nhoz tỉnh Sơn La; shông 2022 tâu côngz jênhv tax ploz tsênhr OCOP. Zơưv Hờ A Dua, Chủ tịch UB xã Hang Chú, huyện Bắc Yên, Sơn La puz pâuz: “Chơưr Hang Chú zos chơưr muôx cxôngx nzor. Chiê tuôr tsês bê chơưr Hang Chú, xã heik têx ziv chuôz zis uô trơưk tsưr ziv txix tsưr ziv chuz chơưr, txos xeir xaz uô. Xã cux cxơưz tiês heik kriê hâur thiêz đrâuv tỉnh chiê tsôngv kruô pâuz txos, chuôz cxaz phênhv sâu trâu tsôngv box”./.

Lê Hạnh-Txâur Vax cxeik nhênhv

Xar Sùng Phài zos qơư muôx thax tsav jôngr ntâu tiv zix sâuv thax tsav thành phố Lai Châu zos 2.200 héc ta. Chiê por vêv tâu har jôngr, chinhr quyền xar Sùng Phài tưz sir jos uô côngz xưv yax kriê txos trâu pêx xênhv pâuz lok côngz xưv por vêv jôngr, phax tar cuz tox cuz jôngr txix ntâu tsưr ziv; tsênhv njiêz đhâu chor jiês cơưv pêx xênhv, cxiv luôs loa nta suôz. Thôngx cxix, tsưr tsix cir jênhv por vêv jôngr thiêz phax tar cuz tox cuz jôngr txos trâu yênhx ziv chuôz zis, chor shux xênhz; cxiv tsa Ban sêiz car cấp xar li hâux lưv sêiz jor phax tar cuz tox cuz jôngr; tsik so qênhz yuôx chor tsưr tsix uô hâux lưv phax tar cuz tox cuz jông ntơưv chor jêx jok li qênhx shênhx uô hâux lưv./.

BLC-Lik Thox cxêik nhênhv